بيرەسمي كەزدەسۋدە ىلگەرىلەۋ بولدى ما، جوق پا بەلگىسىز. Reuters اگەنتتىگىنىڭ حابارلاۋىنشا، يسلامابادتاعى كەزدەسۋدەن كەيىن، تۇركيادا دا تالىبتەر مەن حيزب-ي-يسلامي توبى اراسىندا قۇپيا كەلىسسوزدەر بولعان. سوڭعىسى بۇرىن تالىبتەر قۇرامىندا بولعان. بىراق 2017 جىلى قارۋ-جاراقتى تاستاپ، اۋعانستان ۇكىمەتى جاعىنا وتكەن.

اۋعانستان پرەزيدەنتى اشراف عانيدىڭ ءباسپاسوز حاتشىسى يسلامابادتاعى كەلىسسوز جونىندە حابارى جوق ەكەنىن ايتتى. ءتالىب وكىلدەرى دە، رەسمي تۇردە جاۋاپ بەرۋدەن باس تارتتى. ەكى تاراپ تا دۇيسەنبى كۇنى تۇركيادا كەلىسسوزگە قاتىسقاندارىن تەرىسكە شىعاردى. الايدا تالىبتەر قۇرامىنداعى جوعارى لاۋازىمدى ەكى بەدەلدى تۇلعا جوعارعى ليدەر حايباتۋللا احۋندزادانىڭ يسلامابادتاعى كەزدەسۋگە كەلىسىم بەرگەنىن راستادى. احۋندزادا قازىر پاكىستاندا تۇرادى. تالىبتەر وكىلى زابيحۋللا مۋدجاحيد بولسا، تۇركياداعى كەزدەسۋدە قوزعالىستىڭ زاڭدى وكىلدەرى بولعان جوق دەيدى.

Abai.kz