«ۇيىمداسقان قىلمىستىق توپپەن (ۇقت) كۇرەسۋ ءۇشىن، ەڭ الدىمەن ساياسي ەرىك-جىگەر قاجەت. ەگەر مۇنى ءىىم مويىنداي الماسا، مەن اشىق ايتامىن: پارلامەنتتەگى مەنىڭ كەيبىر ارىپتەستەرىم ۇقت مۇشەلەرىن قورعايدى»، - دەدى ازاتتىقتىڭ قىرعىز قىزمەتىنىڭ «ىنگايسىز سۋروولور» ("ىڭعايسىز سۇراقتار") باعدارلاماسىنا بەرگەن سۇحباتىندا.

ۇقت مۇشەلەرىنىڭ كاسىپكەرلەرگە قىسىم كورسەتۋى جونىندە ىستىق كولدەگى «وسمينوگ» كافەسىندەگى ورتتەن كەيىن، اشىق ايتىلا باستادى. كافە قوجايىنى كافەگە ءورت قويعان قىلمىس الەمىنىڭ وكىلدەرى دەپ كۇدىكتەنەدى. جەرگىلىكتى ميليتسيا بولسا، ءورت "گاز باللونىنىڭ جارىلۋىنان سەبەپ بولدى" دەگەن.

بۇل وقيعا جوگوركۋ كەڭەشتە تالقىلاندى. جالپى وتىرىس كەزىندە دەپۋتات ەلۆيرا سۋرابالديەۆا كۇش قۇرىلىمدارىنىڭ اتىنا سىن ايتىپ، كاسىپكەرلەردى قورعامايدى دەگەن.

Abai.kz