«قازاقستان رەسپۋبليكاسى اقتوبە وبلىسىندا جولاۋشىلار اۆتوبۋسىنىڭ ورتەنىپ، 52 ادامنىڭ قازا تاپقانى جونىندەگى اقپاراتتى اۋىر قايعىرىپ قابىلدادىم. قۇرمەتتى شاۆكات ميرومونۇلى، تاجىكستان حالقى مەن ۇكىمەتى اتىنان ءبىزدىڭ قازا بولعانداردىڭ تۋىستارى مەن جاقىندارىنا كوڭىل ايتىپ، قايعىلارىنا ورتاقتاساتىنىمىزدى جەتكىزگىم كەلەدى. قايعىلى وقيعادان زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىز»،- دەلىنگەن تەلەگراممادا.

18 قاڭتاردا اقتوبە وبلىسى ىرعىز اۋدانىندا تاڭەرتەڭگى 10:30 شاماسىندا جولاۋشىلار اۆتوبۋسى جانىپ كەتتى. توتەنشە وقيعا سامارا – شىمكەنت تاس جولىندا، وبلىس ورتالىعىنان 320 شاقىرىم قاشىقتىقتا بولعان.

جەرگىلىكتى قۇتقارۋشىلاردىڭ ايتۋىنشا، كولىكتە 55 جولاۋشى مەن ەكى جۇرگىزۋشى بولعان. بەس ادام كولىكتەن شىعىپ ۇلگەرگەن. 52 ادام سول جەردە قازا تاپقان.

Abai.kz