بۇگىن مەن ءبىر تاكسيست جىگىتتىڭ قۇدايشىلدىعىنا قاتتى ءتانتى بولدىم. كۇنى بويى ۇيدەن شىقپاي، كەشكە قاراي تانىسىمنىڭ ۇيىنە كەڭەس سۇراپ كىرىپ شىعۋىم كەرەك بولدى. ءبىراز الىستاۋ جەردە تۇراتىن.

مەن بارسام، ءشاي دايىنداپ قويىپتى. ەكەۋىمىز ىستىق ءشايدان الىپ وتىرىپ، الگى جوبانى ەكى ساعاتتاي پىسىقتاپ شىقتىق تا، سودان كەيىن ودان شىعىپ، جولدىڭ شەتىندە تاكسي ۇستاپ تۇرعانمىن. ءبىر ماشينە كەلىپ توقتاي قالدى.

مەن كەلگەن جاققا سوڭعى كليەنتىن اكەپ تاستاپ، ۇيىنە قاراي قايتىپ بارا جاتقان بەتى ەكەن. باراتىن جەرىمدى ايتىپ ەدىم، وتىرعىزىپ الدى دا، ۇيگە دەيىن تەگىن اكەپ تاستادى. اقشا بەرسەم، المايدى. سويتسەم ول كۇندە كەشكە ۇيىنە قايتاردا ەكى ادامدى تەگىن اپارىپ تاستايتىن كورىنەدى. «بۇرىن جۇمىستىڭ سوڭىنا قاراي ءبىر كىسىنى وسىلاي تەگىن اپارىپ تاستايتىنمىن. قازىر كۇن سۋىق قوي. كۇنى بويى تاپقان تابىسىمنىڭ زەكەتى بولسىن دەپ، قازىر ءوستىپ "تاكسوۆات" ەتىپ جۇرگەندە ەكى ادامدى تەگىن اپاراتىن بولدىم. دۇرىس ەمەس پە؟!

"كوبىنە مەن كەشكە قاراي الدامادا اۆتوبۋس كۇتىپ تۇرعان جالعىز-جارىم كىسىلەردى اپارامىن. كەيبىرەۋى باسىندا وتىرۋعا قورقادى. ءجۇزىم جىلى شىعار، سوسىن وتىرعاننان كەيىن قايتا-قايتا العىسىن ايتىپ، ارەڭ تۇسەدى ماشينەدەن" دەپ كۇلىپ قويادى. "جارايدى، زەكەتىڭ قابىل بولسىن!" دەدىم، ءتۇسىپ جاتقاندا ازىلدەپ. قالجىڭدى تۇسىنەتىن جىگىت ەكەن. ء"اۋمين!" دەدى دە، الگى جەردە ماشينەسىمەن "شييق" ەتكىزىپ "شليفوۆات" ەتتى دە، ۇيىنە قاراي قۇستاي ۇشتى.

جولىمبەت ماكىش

Facebook-تەگى پاراقشاسىنان