.png)
قازاقستان سوۆەت زامانىنىڭ اسكەري تەحنيكاسىن شەتەلگە ساتپاق
قازاقستان سوۆەت زامانىنىڭ اسكەري تەحنيكاسىن جاڭارتىپ ساتادى. بۇل تۋرالى پارلامەنت ءماجىلىسىنىڭ وتىرىسىندا قورعانى جانە اەروعارىش ونەركاسىبى ءمينيسترى بەيبىت اتامقۇلوۆ مالىمدەدى.
ءمينيستردىڭ سوزىنە قاراعاندا، ەلدەگى اسكەري بولىمدەردە سوۆەت زامانىنا قالعان ەسكى اسكەري تەحنيكا كوپ. ولاردى جوندەپ، جەتىلدىرىپ، ەكسپورتقا شىعارۋ ۇسىنىلدى. ال وتپەيتىندەرىن جويۋ قاجەت. بۇنىڭ بارلىعى ەل ىشىندە قارۋدىڭ قارا بازارىن قالىپتاستىرماۋ ءۇشىن قاجەت.
بۇعان قوسا ىسكە جارامسىز قارۋ-جاراقتاردى جانە اسكەري تەحنيكانى ساتۋ ەرەكشەلىكتەرىن زاڭدا كورسەتۋ كەرەك. سونىڭ ەسەسىنەن ەلدىڭ قورعانىس-ونەركاسىپ كەشەندەرىن جاڭارتۋعا بولادى دەيدى مينيستر.
Abai.kz
