50 جاستاعى دوكتور ابدۋسالوم ودينازودا تاجىكستاننىڭ قىلمىستىق كودەكسىنىڭ ەكى - كونستيتۋتسيالىق بيلىكتى كۇشپەن وزگەرتۋگە جانە ەكسترەميستىك ارەكەتكە شاقىرۋ باپتارى بويىنشا ايىپتادى. تاجىك بيلىگىنىڭ مالىمەتى بويىنشا، ودينازودا ەكى جىل بويى ەكسترەميستىك مازمۇنداعى ۆيدەو تاراتقان جانە دەسترۋكتيۆتى ارەكەتتەرگە ۇگىتتەگەن دەلىنەدى.

تاجىك عالىمى پەرت قالاسىنداعى باتىس اۆستراليا ۋنيۆەرسيتەتىندە ساباق بەرەدى. ودينازودانىڭ وزودي راديوسىنا حابارلاۋىنشا، تاجىكستان بيلىگى عالىمدى "تەرروريست" دەپ اتاپ، ۋنيۆەرسيتەتكە بىرنەشە مارتە رەسمي حات جولداعان. عالىم بۇل ايىپتاۋلاردىڭ بارلىعىن جوققا شىعارىپ، اۆستراليادا "سالافشى بولۋعا تىيىم سالىنباعانىن" ايتتى.

ونىڭ الەۋمەتتىك جەلىلەردەگى جازبالارى ءدىن تاقىرىبىنا ارنالعان. ول "يسلام مەملەكەتى" سودىرلارىن جاقتاپ، ەكسترەميستەردىڭ ۆيدەولارىن ءوز پاراقشاسىندا جاريالاعان.

ودينازودانىڭ ايتۋىنشا، ول 16 جىل بويى تاجىكستاننان تىس جەردە تۇرادى، تاجىك ازاماتتىعىن ەشقاشان العان ەمەس. ءبىر ۇلى مەن ءبىر قىزى بار. ودينازودانىڭ ايتۋىنشا، بالالارى اكەسىنىڭ كوزقاراستارىمەن كەلىسپەيدى.

Abai.kz