رەسپۋبليكانىڭ دۇنيەجۇزىلىك ساۋدا ۇيىمىنا كىرۋ قارساڭىندا زاڭدارعا وزگەرىس ەنگىزۋ قاجەتتىلىگى تۋىندادى دەلىنەدى. شىن مانىندە قارجى سالاسىنداعىلار قازاقستاندا قازىر ەكسپورتتىق-يمپورتتىق وپەراتسيالارعا تولىق باقىلاۋ جوق ەكەنىن مويىنداپ وتىر.

ۇلتتىق بانك وكىلىنىڭ پىكىرىنشە، جاڭا زاڭ قابىلدانعان سوڭ اقشانى ەلدەن شىعارۋ الدەقايدا قيىنداي تۇسەدى.

"مىسالى، تاۋار ءۇشىن ۆاليۋتا ءتۇسىمىن قايتارۋ مەرزىمى 6-9 اي دەسەك، بىراق ودان سوڭ ءبىرىنشى، ەكىنشى، ءۇشىنشى پرولونگاتسيالار ارقىلى ول مەرزىم سوزىلىپ كەتە بەرەدى. ەكى جىلدان اساتىندارى - كۇماندى وپەراتسيالار دەپ ەسەپتەيمىز", - دەدى قازاقستان ۇلتتىق بانكى توراعاسىنىڭ ورىنباسارى ولەگ سمولياكوۆ.

بانك مالىمەتىنە قاراعاندا، قازىرگى تاڭدا ەكسپورتتىق-يمپورتتىق وپەراتسيالاردىڭ بەرەشەگى 53 ملن. دوللاردان اسىپ كەتكەن، سونىڭ 35 پايىزى قايتىپ كەلمەۋى مۇمكىن. بىراق بۇل كورسەتكىش ودان دا كوپ بولۋى ىقتيمال.

"وتكەن جىلدىڭ سوڭىندا ەكسپورتتىق-يمپورتتىق وپەراتسيالاردىڭ بەرەشەگى 17 ملرد. تەڭگە بولدى. قازاقاستانعا وسىنشاما ۆاليۋتالىق ءتۇسىم قايتپاعان".

دەپۋتاتتار زاڭ جوباسىن ازىرلەۋشىلەردىڭ وپتيميستىك ۇسىنىسىن قولداپ وتىرعان جوق. ولار زاڭدا "كۇمىندى" ۆاليۋتا وپەراتسيالارىن انىقتاپ، ولاردى كىم جانە قالاي باقىلايتىنى ناقتى كورسەتىلمەگەن دەيدى. بۇرىن ونىمەن قارجى مينيسترلىگى اينالىساتىن، كەيىن مۇنداي قۇزىرەتتىڭ جارىمى ۇلتتىق بانككە تاپسىرىلىپ، قالعان قارجى مينيسترلىگىندە قالدى. ءسويتىپ بۇل سالاعا جاۋاپتى ناقتى مەملەكەتتىك ورگان جوق بولىپ شىقتى.

Abai.kz