تۇركىمەنستاننىڭ سولتۇستىگىندەگى وبلىستا وتكەن اپتادا جەرگىلىكتى ءبىلىم بەرۋ مەكەمەلەرىنىڭ، ۇلتتىق قاۋىپسىزدىك قىزمەتىنىڭ، پوليتسيانىڭ قىزمەتكەرلەرى جانە دارىگەرلەر الدىن الا ەسكەرتۋسىز ساباققا كەلىپ، جوعارعى سىنىپ وقۋشىلارىنىڭ تەلەفوندارىن جيناپ العان. سودان كەيىن عانا تەلەفونداردان مۋلتيمەديالىق فايلدارعا تەكسەرەتىنىن ايتقان.

مۇنداي تەكسەرۋ وبلىس اكىمىنىڭ ءبىلىم جانە مادەنيەت جونىندەگى ورىنباسارىنىڭ جۇرگىزىلگەن، دەپ حابارلادى ازاتلىك دەرەككوزى.

"تەكسەرۋگە كەلگەندەر بارلىعىمىزدىڭ تەلەفوندارىمىزدى جيناپ الدى. ولار نە تەكسەرەتىنىن ءتۇسىندىرىپ جاتپادى. بىراق كەيىن ولار پورنوگرافيالىق فايلدار ىزدەگەنىن ايتتى. وقۋشىلاردىڭ بارلىعىنان دەرلىك مۇنداي فايلدار تابىلدى", - دەدى داشوعىز وبلىسى، گۋربانسولتان اۋدانىنداعى ورتا مەكتەپ وقۋشىسى.

ونىڭ ايتۋىنشا، پورنوگرافيالىق فايلدار تابىلعان سوڭ ءموبيلدى تەلەفوندارىن الىپ قويىپ، مەكتەپ وقۋشىلارىمەن اتا-انالارمەن بىرگە اڭگىمەلەسكەن.

"جوعارعى سىنىپتاعى قىزداردى ءبىر سىزىققا تۇرعىزىپ قويىپ، مەكتەپ مەدپۋنكتىندە تەكسەرگەن. پاكتىگى تابىلماعان قىزداردىڭ شەشەلەرىن شاقىردىپ، بۇكىل مەكتەپكە ماسقارالاعان. وسى تەكسەرۋدەن سوڭ مەكتەپ ديرەكتورىن جۇمىستان شىعاردى", - دەدى دەرەككوز.

داشوعىز جەرگىلىكتى اكىمدىگىنىڭ وكىلدەرى ازاتلىك راديوسىنا تەكسەرۋ سەبەپتەرىن تۇسىندىرۋدەن باس تارتتى.

بىراق اۋداندىق پوليتسيا قىزمەتكەرىنىڭ ايتۋىنشا، مەكتەپ جاسىنداعى قىزداردىڭ جەزوكشەلىككە سالىنۋى جيىلەپ كەتۋىنە بايلانىستى وسىنداي تەكسەرۋ جۇرگىزىلگەن. "تەكسەرۋ وسىنداي ماسەلەمەن كۇرەسۋ ءۇشىن جاسالدى", دەدى دەرەككوز.

Abai.kz