سوت تىڭداۋلارى 5 اقپاندا باستالدى. ابدەسلام العاشقى وتىرىسقا قاتىسقان. ول "سوت مۇسىلماندارعا قىرىن قارايدى" دەپ مالىمدەپ، سۋديا سۇراقتارىنا جاۋاپ بەرۋدەن باس تارتتى.

سوتتىڭ كەلەسى وتىرىسى 8 اقپاندا وتەدى. سوتتالۋشى وعان قاتىسۋدان باس تارتتى. سوت وكىلى ابدەسلامنىڭ سوتقا قاتىسپاۋعا قۇقىعى بارىن ايتتى.

بەلگيا بيلىگى ابدەسلامدى 2016 جىلى 15 ناۋرىزدا ونى ۇستاۋ كەزىندە پوليتسيا قىزمەتكەرلەرى ومىرىنە قاۋىپ ءتوندىردى دەپ ايىپتادى. پروكۋرور ابدەسلامعا 20 جىل سۇرادى.

بۇعان قوسا بەلگيا ابدەسلامدى 2016 جىلى 22 ناۋرىزدا زاۆەنتەم اۋەجايىنداعى تەراكتىنى دايىنداۋعا قاتىسقان دەپ ايىپتادى. بىراق سۋديا قوسىمشا ايىپتاۋلاردىڭ بۇل پروتسەستە قارالمايتىنىن ايتتى.

سالاح ابدەسلام – 2015 جىلى 13 قاراشادا بىرنەشە تەراكت جاساعان جيحادشى توپتان امان قالعان جالعىز كۇدىكتى. ءتورت اي بويى ول بەلگيادا تىعىلىپ جۇرگەن. 2016 جىلى 15 ناۋرىزدا ول بريۋسسەل تۇبىندەگى مولەنبەك قالاسىندا ۇستالىپ، فرانتسياعا ەكستراديتسيالاندى.

Abai.kz