مۇحتار شەرىم. ءلولا-لاي...
ومىردە جۇمسا-اق جاقسى عوي، نە نارسە بولسا دا... قاقيىپ قالعان كوڭىل، «قاقيىپ» قالعان ءومىر... قۇرىسىنشى. ول مىقتى شەنەۋنىك. جۇرگەندە بار عوي، كوزدەرى اقيىپ، ءوزى قاقيىپ جۇرەدى... ايىنا ءبىر-اق رەت كۇلەدى. وندا دا، ساۋناعا بارعاندا، تولىپ كەتكەن دەنەسىن اينادان كورگەندە...
ول باسقاراتىن كوميتەتتە ۇلكەن ءىس-شارا ءوتىپ، جيىن باستالماس بۇرىن ءانۇران
ورىندالىپ جاتتى. جۇرت جاپا-تارماعاي ورىندارىنان تۇرىپ، وڭ قولدارىن جۇرەك تۇسىنا قويىپ جاتتى. قۇداي قوس قولداپ ۇردى ما، جو-جوق، ول قۇدايدى ۇراتىن ادام، ورنىنان تۇرعانىمەن، قاقيىپ قالدى... ونىڭ بۇل تۇرىسىن «ءبىر شپيون» مينيسترگە جەتكىزىپ قويىپتى. كەلەسى كۇنى كوزىن ۋقالاپ وتىرعاندا، مينيستر شاقىردى. ول جاققا قاقيىپ ەمەس، تال شىبىقتاي ءيىلىپ باردى.
- ءسىز ءانۇران باستالعاندا، قولىڭىزدى نەگە جۇرەك تۇسىڭىزعا قويمايسىز؟-دەپ سۇرادى مينيستر.
- كەشىرىڭىز، مەندە جۇرەك جوق...
- جۇرەك جوعى قالاي؟
- ءسىز قاشان قىزمەتىمنەن قىسقارتىپ تاستايدى ەكەن دەپ، قورقا-قورقا جۇرەگىم ۇشىپ كەتكەن...
- ءسىزدىڭ جۇرەگىڭىز شىمشىق پا، بۇركىت پە؟
- الا قارعا...
- ءسىزدى جۇرت «جارتى قۇداي» دەپ ءجۇر.
- وتىرىك، ولار وسەكتىڭ «سالاتىن» جەپ ءجۇر...
- قالاي بولعاندا دا، ءانۇرانىمىزدى، رامىزدەرىمىزدى قاستەرلەۋىمىز كەرەك. ءسىز ءوزى ءانۇراننىڭ ءماتىنىن بىلەسىز بە؟
- بىلەمىن.
- ايتىڭىزشى.
- ىڭعايسىز ەمەس پە؟
مينيستر ونىڭ جانىنا كەلىپ، سىناي قارادى.
ومىردە جۇمسا-اق جاقسى عوي، نە نارسە بولسا دا... قاقيىپ قالعان كوڭىل، «قاقيىپ» قالعان ءومىر... قۇرىسىنشى. ول مىقتى شەنەۋنىك. جۇرگەندە بار عوي، كوزدەرى اقيىپ، ءوزى قاقيىپ جۇرەدى... ايىنا ءبىر-اق رەت كۇلەدى. وندا دا، ساۋناعا بارعاندا، تولىپ كەتكەن دەنەسىن اينادان كورگەندە...
ول باسقاراتىن كوميتەتتە ۇلكەن ءىس-شارا ءوتىپ، جيىن باستالماس بۇرىن ءانۇران
ورىندالىپ جاتتى. جۇرت جاپا-تارماعاي ورىندارىنان تۇرىپ، وڭ قولدارىن جۇرەك تۇسىنا قويىپ جاتتى. قۇداي قوس قولداپ ۇردى ما، جو-جوق، ول قۇدايدى ۇراتىن ادام، ورنىنان تۇرعانىمەن، قاقيىپ قالدى... ونىڭ بۇل تۇرىسىن «ءبىر شپيون» مينيسترگە جەتكىزىپ قويىپتى. كەلەسى كۇنى كوزىن ۋقالاپ وتىرعاندا، مينيستر شاقىردى. ول جاققا قاقيىپ ەمەس، تال شىبىقتاي ءيىلىپ باردى.
- ءسىز ءانۇران باستالعاندا، قولىڭىزدى نەگە جۇرەك تۇسىڭىزعا قويمايسىز؟-دەپ سۇرادى مينيستر.
- كەشىرىڭىز، مەندە جۇرەك جوق...
- جۇرەك جوعى قالاي؟
- ءسىز قاشان قىزمەتىمنەن قىسقارتىپ تاستايدى ەكەن دەپ، قورقا-قورقا جۇرەگىم ۇشىپ كەتكەن...
- ءسىزدىڭ جۇرەگىڭىز شىمشىق پا، بۇركىت پە؟
- الا قارعا...
- ءسىزدى جۇرت «جارتى قۇداي» دەپ ءجۇر.
- وتىرىك، ولار وسەكتىڭ «سالاتىن» جەپ ءجۇر...
- قالاي بولعاندا دا، ءانۇرانىمىزدى، رامىزدەرىمىزدى قاستەرلەۋىمىز كەرەك. ءسىز ءوزى ءانۇراننىڭ ءماتىنىن بىلەسىز بە؟
- بىلەمىن.
- ايتىڭىزشى.
- ىڭعايسىز ەمەس پە؟
مينيستر ونىڭ جانىنا كەلىپ، سىناي قارادى.
- قۇداي بىلەدى، فونوگرامماعا ەتىڭىز ۇيرەنىپ، ءانۇراننىڭ ءماتىنىن دە بىلمەيتىن شىعارسىز؟
ول مينيسترگە ءيىلىپ، بەل ومىرتقاسى ۇزىلىپ كەتە جازدادى. ىشىنەن: «ءوزىڭىز دە قاتىرىپ بىلەتىن شىعارسىز!» --دەپ قويدى.
- و نە دەگەنىڭىز، قالاساڭىز ايتايىن...
ول تاماعىن قولىمەن ۋقالاپ تۇرىپ الدى. كەرىلىپ سوزىلدى. ەكى قولىن العا سوزىپ، تىزەسىن بۇگىپ، وتىرىپ، تۇردى. ءمينيستردىڭ كوزدەرى الاقانداي، كوميتەت توراعاسى بالاقانداي كورىنىپ كەتتى.
- ءسىز نە ىستەپ جاتىرسىز؟
- ءان ايتۋعا جاتتىعىپ...
- ءسىز مەنىڭ كابينەتىمدە سپورتپەن اينالىسىپ جاتىرسىز عوي؟!
- باستايىن با؟
- باستاڭىز!
ول تاماعىن كەنەپ الىپ، كوزدەرىن تارس جۇمدى...
- نەگە كوزدەرىڭىزدى جۇمىپ الدىڭىز؟-دەپ سۇرادى اۋزى اشىلىپ كەتكەن مينيستر.
- مەن ومىرگە كوز جۇما قارايتىن اداممىن... ال باستايىن... ءحىم... ( ەكى قولىن جۇرەك تۇسىنا قويىپ، ءانۇران انىمەن)
التىن كۇن اسپانى،
التىن ءدان دالاسى...
ءلولا-ءلولا-لاي،
ءلولالاي، ءلولاسى!
ءلولالاي. ءلولالاي،
ءلولالاي، ءلولا-لاي،
ءلولا-لاي، ءلو-ءلولاي،
ءلولالاي، ءلولاسى!
ءمينيستردىڭ كوزدەرى جىپىلىقتاپ كەتتى... نە دەگەن ماسقارا! شەتەلدىك شپيوندار ءبىلىپ قويماسىن دەڭىز! وسىنى ويلاعان مينيستر «ءلولالايدىڭ» جانىنا جەتىپ كەلىپ، ونىڭ بەتىنە بەتىن تاقاپ:
- توقتاتىڭىز!-دەدى. اناۋ جۋىق ارادا توقتاي قويار ما، شابىتى كەلىپ، كوزدەرىن تارس جۇمىپ العان:
مەنىڭ ەلىم، مەنىڭ ەلىم،
سەنىڭ ەلىڭ، ونىڭ ەلى...
ولاردىڭ ەلى، ءبارىنىڭ دە ەلى،
قىتايدىڭ دا ەلى،
قازاقستانىم!
ءلولا-لاي، ءلولالاي،
ءلولا-لاي، ءلولالاي...
ءلو-ءلو-ءلو... ءلو...
- سىزگە نە بولدى؟ اۋىرىپ تۇرسىز با؟ شيزوفرەنيا ەمەسسىز بە؟-دەپ قالدى مينيستر. اناۋ جۇمسا-اق داۋىسپەن:
- ءانۇران ورىندالعاندا وڭ قولىڭىزدى جۇرەگىڭىزگە قويمايسىز با؟-دەپ ءتىل قاتتى دا، ارى قاراي شىڭعىرا جونەلدى:
ءلولا-لاي، ءلولا لاي.
جەرگە ءدان شىقتى عوي،
قوناەۆتى ۇمىتقان،
قازاعىم مىقتى عوي!
ءلولا-لاي، ءلو-ءلو...
ول «ءان شىرقاپ» تۇرىپ، ءبىر كوزىن سىعىرايتىپ قاراسا، مينيستر دە ەكى قولىن جۇرەك تۇسىنا قويىپ، ول دا «ءلولالايلاپ» تۇر ەكەن. «ە-ە، شاماڭىز بەلگىلى بولدى، شپيوندار ءبىلىپ قويماسىن...» --دەپ ويلادى ول ىشىنەن. سوسىن ءاننىڭ قايىرماسىن بارىنشا كوتەرىڭكى داۋىسپەن:
مەنىڭ ەلىم، مەنىڭ ەلىم،
سەكتالار ەلى، يەگوۆا ەلى،
كازاكتار ەلى، يۆانداردىڭ ەلى،
القاشتاردىڭ ەلى،
قازاقستانىم!-دەپ بارىپ توقتادى.
ءبىر كوزىن سىعىرايتىپ قاراسا، ءمينيستردىڭ ورىنباسارلارى دا، ءتىپتى، قازاقشا شۇلدىرلەپ جۇرگەن حاتشى قىزدار دا «ءلو-لا-لايعا» قوسىلىپ كەتىپتى. قايران، «ءلولالايلار!»
«اباي-اقپارات»
