الماتى وبلىسىندا بۇگىنگى كۇنى گازداندىرۋ دەڭگەيى 26,2%، ياعني 718,5 مىڭ ادام تۇراتىن 123 ەلدى مەكەن كوگىلدىر وتىننىڭ يگىلىگىن كورىپ وتىر. وتكەن جىلى گازداندىرۋعا 11,4 ملرد. تەڭگە ءبولىنىپ، 11 اۋداندا وسى باعىتتا جۇمىس ءجۇرىپ جاتىر. ال 2020 جىلعا قاراي الماتى اگلومەراتسياسى ايماعى مەن قاپشاعاي قالاسى كوگىلدىر وتىنمەن قولىق قامتىلعاندا گازداندىرۋ دەڭگەيى 45% جەتەدى. بۇل تۋرالى بۇگىن وبلىس اكىمى اماندىق باتالوۆتىڭ تۇرعىندارمەن بولعان ەسەپتى كەزدەسۋىندە ايتىلدى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

وبلىس باسشىسىنىڭ ايتۋىنشا، تالدىقورعان قالاسىندا قالاىشىلىك جۇيەلەردىڭ ءبىرىنشى كەزەكتەگى قۇرىلىس-مونتاج جۇمىستارى اياقتالىپ، تابيعي گازعا 324 ابونەنت قوسىلدى، قازىر ەكىنشى جانە ءۇشىنشى كەزەكتەگى قۇرىلىس جۇمىستارى ءجۇرىپ جاتىر.

تەكەلى قالاسىنا دەيىن گاز قۇبىرىن تارتۋ مەن «باقاناس»، «سارىوزەك» جانە  «ۇشتوبە» اگتس قۇرىلىستارى باستالعان.

Abai.kz