«بۇل زاڭدا كورسەتىلگەن. سوت ورىنداۋشىلارى نارىن ايىپتىڭ ءۇش جىلجىمايتىن مۇلكى بار ەكەنىن مالىمدەدى. ەگەر ونىڭ ءوزى جالعىز ءۇيى بار ەكەنىن دالەلدەسە، سوت ءادىل شەشىم شىعارادى دەپ ويلايمىن. وسىعان دەيىنگى سوتتاردىڭ بىرىندە ول ءبىر عانا ءۇيى بار ەكەنىنە دالەل كورسەتپەدى. ەگەر ول دالەلدەسە، ارىزدى قايتارىپ الامىز. ءبىزدىڭ بىرەۋدىڭ مۇلكىن تارتىپ الۋ نيەتىمىز جوق. اتامباەۆتا تىپتەن مۇنداي وي جوق»، - دەدى سىدىكوۆ.

سىدىكوۆتىڭ ايتۋىنشا، ول تەك سوت ۇكىم ەتكەن ايىپپۇل سوماسىن ءوندىرىپ الۋ ءۇشىن، ەكس-دەپۋتات چولپون جاكۋپوۆانىع جۋرناليستەر دينا ماسلوۆا مەن نارىن ايىپتىڭ جىلجىمايتىن مۇلىكتەرىن ساتۋ جونىندە سوتقا ارىزدانعانىن ايتادى.

بىشكەكتىڭ وكتيابر اۋداندىق سوتى قۇقىق قورعاۋشى چولپون جاكۋپوۆانىڭ ءۇيىن ساۋداعا شىعارۋ جونىندە شەشىم شىعارعان. ءدال وسى ءىس بويىنشا جۋرناليست نارىن ايىپقا قاتىستى سوت پروتسەسى ءالى اياقتالعان جوق.

نارىن ايىپ سوتتا پاتەرى تەك جارتىلاي عانا تيەسىلى ەكەنىن، نەگىزگى يەسى اناسى ەكەنىن ايتقان. ءجۋرناليستىڭ اناسى رايلا يدينوۆا 20 اقپاندا Govori.tv ارناسى ارقىلى ۆيدەو ۇندەۋ جاساپ، ەگەر ءۇيىن تارتىپ السا، دالادا قالاتىنىن مالىمدەگەن.

باس پروكۋرور ينديرا جولدۋباەۆا 2017 جىلدىڭ ناۋرىز-ءساۋىر ايىندا سوتقا بەس بىردەي شاعىم ءتۇسىرىپ، المازبەك اتامباەۆتىڭ پايداسىنا Zanoza.kg سايتىنىڭ قۇرىلتايشىسىنان 27 ملن سوم، چولپون جاكۋپوۆا مەن ومۋربەك تەكەباەۆتىڭ ەكى ادۆوكاتىنان 13 ملن سوم تالاپ ەتكەن. جوعارعى سوت بەس شاعىم بويىنشا باس پروكۋروردىڭ پايداسىنا شەشتى.

Abai.kz