بيىلعى جىلى ون التىنشى مارتە بەرىلەتىن مەملەكەتتىك ستيپەنديانىڭ 50 يەگەرىنىڭ ەسىمى مادەنيەت مينيسترلىگىندە ماقۇلدانىپ قويىلعان. ولاردىڭ كىمدەر ەكەندىگى قاراپايىم «پەندەلەرگە» جاقىن كۇندەرى پرەزيدەنتتىڭ وكىمى شىققاننان كەيىن ءمالىم بولماق.

جالپى، مادەنيەت سالاسىنداعى مەملەكەتتىك ستيپەنديا كىمدەرگە، قانداي ەڭبەكتەرى ءۇشىن بەرىلەدى؟ وسى جونىندە از-كەم دەرەكتى ورتاعا سالا وتىرايىق. ەل اراسىندا «پرەزيدەنتتىك ستيپەنديا» اتالىپ كەتكەن ستيپەنديانى بەرۋگە قاتىستى قاتىپ قالعان ەرەجەدە ايتىلعانداي، وعان لايىق بولۋ ءۇشىن حالىق جازۋشىسى، حالىق ءارتىسى، حالىق سۋرەتشىسى، قازاقستاننىڭ ەڭبەك سىڭىرگەن قايراتكەرى نەمەسە ادەبيەت پەن ونەر سالاسىنداعى مەملەكەتتىك سىيلىقتىڭ ساحيبى دەگەن مارتەبەلى اتاعىڭىز، سونداي-اق قازاق ادەبيەتىنە، مادەنيەتىنە سىڭىرگەن وزىندىك قولتاڭباڭىز بولۋى شارت.

1994 جىلى تاعايىندالعان ستيپەنديانىڭ تۇڭعىش «شاكىرتتەرى» قاتارىندا قادىر مىرزا-ءالى، قالمۇقان يساباەۆ، قاليحان ىسقاقوۆ، حاديشا بوكەەۆا، قاسىم جاكىباەۆ، بيبىگۇل تولەگەنوۆا، امەن حايداروۆ سىندى كوريفەيلەر بولدى. سودان بەرى ەلدىڭ مادەنيەتى مەن ادەبيەتىنە ۇلەس قوسقان 50 ادامنىڭ ەسىمى جازىلعان ءتىزىم جىل سايىن ازدى-كوپتى جاڭارىپ، تىڭ ەسىمدەر قوسىلىپ وتىرادى. ستيپەنديانى بىرنەشە جىل بويى تۇراقتى تۇردە الاتىندار دا بار.

بيىلعى جىلى ون التىنشى مارتە بەرىلەتىن مەملەكەتتىك ستيپەنديانىڭ 50 يەگەرىنىڭ ەسىمى مادەنيەت مينيسترلىگىندە ماقۇلدانىپ قويىلعان. ولاردىڭ كىمدەر ەكەندىگى قاراپايىم «پەندەلەرگە» جاقىن كۇندەرى پرەزيدەنتتىڭ وكىمى شىققاننان كەيىن ءمالىم بولماق.

جالپى، مادەنيەت سالاسىنداعى مەملەكەتتىك ستيپەنديا كىمدەرگە، قانداي ەڭبەكتەرى ءۇشىن بەرىلەدى؟ وسى جونىندە از-كەم دەرەكتى ورتاعا سالا وتىرايىق. ەل اراسىندا «پرەزيدەنتتىك ستيپەنديا» اتالىپ كەتكەن ستيپەنديانى بەرۋگە قاتىستى قاتىپ قالعان ەرەجەدە ايتىلعانداي، وعان لايىق بولۋ ءۇشىن حالىق جازۋشىسى، حالىق ءارتىسى، حالىق سۋرەتشىسى، قازاقستاننىڭ ەڭبەك سىڭىرگەن قايراتكەرى نەمەسە ادەبيەت پەن ونەر سالاسىنداعى مەملەكەتتىك سىيلىقتىڭ ساحيبى دەگەن مارتەبەلى اتاعىڭىز، سونداي-اق قازاق ادەبيەتىنە، مادەنيەتىنە سىڭىرگەن وزىندىك قولتاڭباڭىز بولۋى شارت.

1994 جىلى تاعايىندالعان ستيپەنديانىڭ تۇڭعىش «شاكىرتتەرى» قاتارىندا قادىر مىرزا-ءالى، قالمۇقان يساباەۆ، قاليحان ىسقاقوۆ، حاديشا بوكەەۆا، قاسىم جاكىباەۆ، بيبىگۇل تولەگەنوۆا، امەن حايداروۆ سىندى كوريفەيلەر بولدى. سودان بەرى ەلدىڭ مادەنيەتى مەن ادەبيەتىنە ۇلەس قوسقان 50 ادامنىڭ ەسىمى جازىلعان ءتىزىم جىل سايىن ازدى-كوپتى جاڭارىپ، تىڭ ەسىمدەر قوسىلىپ وتىرادى. ستيپەنديانى بىرنەشە جىل بويى تۇراقتى تۇردە الاتىندار دا بار.

ەلباسىنىڭ جەكە قورىنان بولىنەتىن ستيپەنديا يەگەرلەرىنىڭ ىشىندە تۇرسىنبەك كاكىشەۆ باستاعان اقساقالدار، سەرىك اقسۇڭقارۇلى، تۇرسىنجان شاپاي، سۆەتقالي نۇرجان، مارالتاي ىبىراەۆ، ءامىرحان بالقىبەك، ايگۇل كەمەلباەۆا سىندى اقىن-جازۋشىلار مەن سىنشىلار، دۋلىعا اقمولدا، ەربولات قۇدايبەرگەنوۆ سياقتى اكتەرلەر مەن انشىلەر، اقتوتى سماعۇلوۆاداي سۋرەتشىلەر بار. جالپاق جۇرت ولاردى ستيپەنديا يەگەرلەرى رەتىندە عانا ەمەس، ءوز سالاسىنداعى دارىندار ساناتىندا بىلەرى حاق.

311 مىڭ تەڭگەنى (وتكەن جىلى وسى مولشەردە بولعان - ا.ا.) قۇرايتىن قارجىلاي قولداۋ قارابايىر تىرلىگى قالامىنا تۇساۋ بولىپ جۇرگەن جاستاردىڭ باعىن اشسا قۇبا-قۇپ! بۇل قاراجات جاستاردى ۇشپاققا شىعارىپ جىبەرمەسە دە، ەڭسەسىن تىكتەۋىنە ىقپال ەتىپ، رۋحاني تۇرعىدا كۇش-جىگەرىن جاني تۇسەرى ءسوزسىز.

ايتپاقشى، اۋەل باستا ەلدىڭ مۇڭىن مۇڭداپ، جوعىن جوقتاۋدان جالىقپايتىن جۋرناليستەر قاۋىمى دا بولعان «ەلۋلىكتىڭ» قاتارىندا. مادەنيەت سالاسىنداعى مىرزالار جۋرناليستەرگە جالاقىسى مەن قالاماقىسى دا جەتەدى دەدى مە ەكەن، ايتەۋىر، توقسانىنشى جىلداردىڭ سوڭىنا تامان جۋرناليستەر سىرتتاپ قالدى. اقيقاتىن ايتقاندا، «ارقالاعانى التىن، جەگەنى جانتاق» جۋرناليستەر قاۋىمىنىڭ قازاقتىڭ كەم-كەتىگىن تۇگەندەپ جۇرگەن ەڭبەگىن ەشكىم جوققا شىعارا الماق ەمەس. قازاق قوعامىنىڭ قاي قالتارىسىنا ۇڭىلسەڭىز دە، جۋرناليستەردىڭ قالامى تيمەگەن، ءۇنى جەتپەگەن جەر كەمدە-كەم ەكەنىن اڭعاراسىز. باسقاسىن ايتپاعاندا، بيلىك دالىزىندەگى تۇلعالاردى دا، اقىن-جازۋشىلاردى دا، ونەر قايراتكەرلەرىن دە حالىققا تانىستىرىپ، جاقىنداستىرىپ، ەكەۋىنىڭ اراسىندا التىن كوپىر قىزمەتىن اتقارۋ مىندەتى - جۋرناليستەردىڭ يىعىنداعى جۇك. وسى ەسىل ەڭبەك قۇزىرلى مەكەمەلەر تاراپىنان ەلەنبەي جۇرگەنى وكىنىشتى-اق. قىسقاسى، مەملەكەتتەگى كەز كەلگەن شارۋانىڭ PR-ىن جۋرناليستەر جاسايدى دا، ستيپەندياسىن باسقالار الادى. پارادوكس.

بيلىكتىڭ استاۋىنان جەم جەسە دە، قوعامنىڭ جۇگىن ارقالاعان سۇبەلى تۋىندىلاردى دۇنيەگە اكەلگەن تۇلعالار تاريحتا از ەمەس. ماسەلەن، گوگول «ءولى جاندارىن» جازۋ ءۇشىن رەسەيدەن جىراقتاپ يتالياعا كەتىپ، ول ءۇشىن ءى نيكولاي پاتشادان قايتا-قايتا قارىز سۇراپ الىپتى. جازۋشى قارىزىن پاتشاعا قايتارىپ ۇلگەرمەگەن. ءى نيكولايعا ەكى دۇنيەدە دە «قارىزدار» بولعانداردىڭ اراسىندا پۋشكين دە بار. ءتىپتى، دانىشپان اقىن ومىردەن وتكەننەن كەيىن پاتشا اۋلەتى ونىڭ وتباسىن اسىراۋدى ءوز موينىنا العان ەكەن. ايتسە دە، وسى قالامگەرلەر پاتشا بەرگەن قارجىعا ولمەيتىن دۇنيەلەر تۋدىردى. ورىس كلاسسيكتەرىنىڭ دەگدارلىعى قازاق مادەنيەتى مەن ادەبيەتىنىڭ وكىلدەرىنە جۇعىستى بولسىن دەيمىز-داعى.

«نۇر استانا» گازەتى