24 اقپاندا بۇۇ قاۋىپسىزدىك كەڭەسى شىعىس گۋتادا 30 كۇندىك ءبىتىم جاريالاۋ تۋرالى قاراردى ءبىراۋىزدان ماقۇلدادى. بۇگىن بۇۇ باس حاتشىسى انتونيۋ گۋتەرريش جانجالداسۋشى تاراپتاردان "تەز ارادا" 30 كۇندىك ءبىتىم ەنگىزۋدى تالاپ ەتتى.

بۇعان دەيىن رەسەي تاراپتار قاراردى ورىنداۋعا كەلىسكەن جاعدايدا عانا ءبىتىم ەنگىزۋگە بولاتىنىن مالىمدەگەن ەدى.

بۇۇ-نىڭ ادام قۇقىقتارى جونىندەگى جىل كەڭەسىنىڭ جىل سايىنعى سەسسياسىن اشقان گۋتەرريش گۋمانيتارلىق مەكەمەلەردىڭ شىعىس گۋتا انكلاۆىنداعى جارالىلاردى ەۆاكۋاتسيالاپ، كومەك جەتكىزۋگە دايىن ەكەنىن ايتتى. "شىعىس گۋتا بۇدان ءارى كۇتە المايدى. جەر شارىنداعى بۇل توزاقتى دوعاراتىن ۋاقىت كەلدى", - دەدى گۋتەرريش.

سيريالىق ادام قۇقىقتارىنىڭ بۇزىلۋىن تىركەۋ ورتالىعىنىڭ مالىمدەۋىنشە، 26 اقپاندا اۋە سوققىلارى مەن اتىستاردان توعىز بەيبىت تۇرعىن وپات بولدى. ءبىر كۇن بۇرىن حالىققا قارسى حلور قولدانىلدى، دەپ حابارلادى ادام قۇقىعىن قورعاۋشىلار. ماسكەۋدە كرەملدىڭ وكىلى دميتري پەسكوۆتىڭ مالىمدەۋىنشە، شىعىس گۋتاداعى جاعداي الاڭداتىپ وتىر، ال "تەررورشىلار" جەرگىلىكتى تۇرعىنداردى "كەپىلدە" ۇستاپ وتىر.

Abai.kz