تاجىكستان ۇلتتىق بانكىنىڭ رەسمي سايتىندا تەرروريزمگە قاتىسى بار ءتورت ءتۇرلى ءتىزىم جاريالانعان: ەكەۋى بۇۇ رەزوليۋتسياسىنا تاپ كەلەتىن، اتاپ ايتقاندا تاليبان جانە ءال-كايدا، حالىقارالىق ءتىزىم جانە ەكى ۇلتتىق ءتىزىم.

ۇلتتىق بانكتىڭ قارجى مونيتورينگى دەپارتامەنتى تەرروريزمدى قارجىلاندىرۋ جانە كولەڭكەلى اقشانى زاڭداستىرۋعا قارسى حالىقارالىق تالاپتار ەنگىزەتىن ۇيىم FATF-پەن (Financial Action Task Force) تىعىز بايلانىستا.

تاجىكستان تارابى دايىنداعان "قارا تىزىمدە" بۇل ەلدە تىيىم سالىنعان يسلامنىڭ جاڭعىرۋى پارتياسىنىڭ توراعاسى مۋحيددين كابيري مەن ونىڭ وتباسى جانە تۋىستارى ەنگەن.

مۋحيددين كابيري كەشەگە دەيىن ينتەرپول جەلىسى بويىنشا ىزدەۋدە بولعان. ەكى اپتا بۇرىن ينتەرپول كابيريدى تىزىمنەن شىعارعانىن مالىمدەدى.

تەرروريزمگە قاتىسى بار دەگەن تىزىمدە دودودجون اتوۆۋللوەۆ پەن «24 توبى» مۇشەلەرى دە بار. دودودجون اتوۆۋللوەۆ ۇنەمى تاجىكستان بيلىگىنىڭ ارەكەتتەرىن سىنعا الاتىن وپپوزيتسيالىق تۇلعا.

Abai.kz