ء"اربىر ءۋالاياتتان اشحابادقا مەيرام قارساڭىندا دايىندىق جۇمىستارىن جۇرگىزۋ ءۇشىن 150 ادام كەلدى. داشوگۋز جانە بالكاننان كوبى پويىزبەن كەلدى", - دەيدى اشحاباد شولۋشىسى امانمىرات بۋگاەۆ.

مەيرامعا دايىندىق جۇمىستارى استانادان 20 شاقىرىم جەردەگى "احال يايلاسى" الاڭىندا ءوتىپ جاتىر ەكەن. وسى جەردە ناۋرىز مەيرامى اتالىپ وتپەك.

ازاتلىك دەرەككوزىنە قاراعاندا، بۇل جەردە ارنايى تاعايىندالعان رەجيسسەردىڭ جەتەكشىلىگىمەن ءبىر اپتا بويى دايىندىق جۇمىستارى ءجۇرىپ جاتىر.

ال دايىندىققا قاتىسۋشىلار بارلىق شىعىندى ءوز قالتالارىنان شىعارىپ جاتىر ەكەن. قاتىسۋشىلاردىڭ ءبىرى ازاتلىكقا استانادان تەك جاتاتىن ورىن عانا تەگىن ۇسىنعانىن، قالعان جول، تاماق شىعىننىڭ ءبارىن وزدەرىنىڭ تولەپ جاتقانىن ايتادى.

ء"بىز پويىزعا بيلەتتى ءوزىمىز ساتىپ الدىق. بىزگە اشحابادتان كەلگەننەن كەيىن، شىعىندى وتەپ بەرەمىز دەدى. بىراق مۇندا كەلگەندەردىڭ 35-40 پايىزى ءالى كۇنگە دەيىن اقپان ايىنىڭ ايلىعىن العان جوق. باسقا امال جوق، جۇمىستان ايىرىلىپ قالماس ءۇشىن، تالاپتى ورىنداۋىمىز كەرەك", - دەيدى ءوزىن ايبولەك دەپ تانىستىرعان مادەنيەت سالاسىنىڭ وكىلى.

Abai.kz