الماتى. 20 قاڭتار. قازتاگ – «ەير استانا» اۋە كومپانياسى 2011 جىلى جۇمىس ىستەپ جۇرگەن 70-تەن اسا ۇشقىشتى قايتا وقىتادى، دەپ كورسەتىلگەن كومپانيانىڭ بەيسەنبى كۇنى تاراتىلعان ءباسپاسوز-پاراقشاسىندا.

ءباسپاسوز-قىزمەتىنىڭ اقپاراتى بويىنشا، قازىرگى ۋاقىتتا اۋە كومپانياسىنىڭ شتاتىندا 270 قازاقستاندىق جانە 72 شەتەلدىك ۇشقىشتار ەسەپتە تۇر. ولار 22 ۇشاقتى باسقارادى. ۇشقىشتاردى جاڭادان دايارلاۋ باعدارلاماسى (ab-initio)2008 جىلى باستالدى. قازىرگى ۋاقىتتا باعدارلاما اياسىندا فلوريدا تەحنولوگيا ينستيتۋتى جانىنداعى (FIT) امەريكالىق رتس كوللەدجىندە قازاقستاننىڭ بولاشاق 33 ۇشقىشى وقۋدا. 11 ۇشقىش وقۋلارىن ءبىتىرىپ، اۋە كومپانياسىنىڭ ۇشاقتارىنداعى ەكىنشى ۇشقىش شتۋرۆالىنا وتىردى.

«2011 جىل بەدەرىندە قازاقستاندىق ۇشقىشتار اراسىنان 35 اۋە كەمەسىنىڭ كومانديرلەرى ساپقا قوسىلادى، 12 ادام قاجەتتى دايارلىقتان ءوتىپ، Airbus A320 ۇشاعىنىڭ كومانديرى قىزمەتىنە بىلىكتىلىكتەرىن ارتتىرادى. 9 ادام Boeing 757/767 ۇشاعىنىڭ، 12 ادام Embraer E-190 ۇشاعىنىڭ كومانديرى بولادى جانە 2 ادام Fokker-50 ۇشاعىنىڭ كومانديرلىگىنە وقيدى»، -دەپ ناقتىلانعان حابارلامادا.

2010 جىلى 4 ۇشقىش قاجەتتى دايارلىقتان ءوتىپ، Fokker-50 ۇشاعىنىڭ نۇسقاۋشىسى بولدى، 25 ۇشقىش Boeing 757/767 ۇشاعىنىڭ نۇسقاۋشىسى بولۋ ءۇشىن قاجەتتى دايارلىقتان ءوتتى. 2011 جىلى تاعى ءتورت ۇشقىش Boeing 757/767  ۇشاقتارىنىڭ نۇسقاۋشىسى بولادى، دەپ حابارلايدى اۋە كومپانياسى.

ءباسپاسوز-پاراقشاسىندا اتاپ وتىلگەندەي، 2010 جىلدىڭ جەلتوقسان ايىندا Fokker-50 ۇشاعىنىڭ 12 ۇشقىشى Embraer E-190 ۇشاقتارىن يگەرۋ ءۇشىن فرانتسيانىڭ جاتتىعۋ ورتالىعىنا اتتاندى. 2011 جىلدىڭ قاڭتار ايىندا ولارعا F-50 ۇشقىشتارىنىڭ 8 ادامنان تۇراتىن ەكىنشى توبى قوسىلادى. Fokker-50 ۇشاقتارىنىڭ ۇشقىشتارى Embraer E-190 ۇشاقتارىنان بولەك، Airbus A320 جانە Boeing 757/767 اۋە كەمەلەرىنە قايتا وقىتىلادى. تۇتاستاي العاندا 2011 جىلى Fokker-50 ۇشاقتارىنىڭ 30 ۇشقىشى رەاكتيۆتى ۇشاقتارعا اۋىستىرىلادى. 2012 جىلعا قاراي  Fokker-50 ءتۋربوۆينتتى ۇشاقتارىن پايدالانۋ تولىق توقتاتىلعان كەزدە اتالعان ۇشاق ۇشقىشتارىنىڭ بارلىعى رەاكتيۆتى اۋە كەمەلەرىندە ۇشۋ ءۇشىن قايتا دايارلاۋدان وتەدى.

«ەير استانا» كومپانياسى جاتتىعۋ ورتالىعىنىڭ نەگىزى 2010 جىلى سالىندى. ول ءۇشىن جەتىلدىرىلگەن EVPT ترەناجەرلەرى ساتىپ الىندى. بۇگىنگى كۇنى ورتالىق Airbus A320 جانە Boeing 757/767 ۇشاقتارىنىڭ كابينالارىن ەلەستەتەتىن ترەناجەرلەرمەن قامتاماسىز ەتىلگەن. 2011 جىلى Embraer E-190 ۇشاعىنىڭ ترەناجەرى ساتىپ الىنادى»، -دەلىنگەن ءباسپاسوز-پاراقشاسىندا.

ءباسپاسوز-قىزمەتىنىڭ اقپاراتى بويىنشا، ۇشقىشتاردى جاتتىقتىرۋمەن Delta اۋە كومپانياسىنىڭ حالىقارالىق ۇشۋ ورتالىعىندا وقۋدان وتكەن بىلىكتى نۇسقاۋشىلار اينالىسادى. قازىرگى ۋاقىتتا 12 ادام وقۋدان وتكەن، 2011 جىلى 8 نۇسقاۋشىنى وقىتۋ جوسپارلانۋدا.

Air Astana – «سامۇرىق-قازىنا» ۇلتتىق ءال-اۋقات قورى» اق مەن اعىلشىندىق BAE Systems كومپانياسىنىڭ بىرلەسكەن كاسىپورىنى. ولاردىڭ ارقايسىسىندا ءتيىسىنشن 51% جانە 49% اكتسيالارى بار. بۇگىنگى تاڭدا  Air Astana اۋە كومپانياسىنىڭ اۋە كەمەلەرى پاركى B767-300, ۆ757-200, ا321, ا320, A-319, F50 سىندى ۇشاقتاردان تۇرادى.