تاريحتى - قوعامدىق فورماتسيالىق دامۋ ۇردىسىندە الىپ قاراۋ - ۇلكەن قاتەلىكتەرگە بوي الدىرعان سەكىلدى. فەودالدىق سارقىنشاقتار - ەلىمىزگە سوۆەتتەر كەلگەن كەزىندە قارالاندى. ەشكىم دە قارسى تۇرا المادى.

كەڭەستىك ءداۋىر ەتەك العاندا، تاريحتىڭ نەشە اتاسى سول كەزدىڭ كوزىمەن سارالانىپ، تاريح بەتتەرى قايتا جازىلدى. قوعام، تىپتەن ءوز گەرويلارىن شىعاردى. قازىر، سول باتىرلاردىڭ ءبىرازى - يت قوسىپ قۋىلۋدا. كەيبىرى، تاريحتان مۇلدەم وشىرىلۋدە. كەڭەستىك داۋىرگە باس ۇرۋ، بۇگىن - ءوز حالقىڭنىڭ بولاشاعىن، بوستان ويدى شەڭگەلدەۋگە الىپ باراتىنداي كورىنەدى. ءبارىنىڭ جاپپاي "ەسەك!" دەپ ايقايلاپ جاتقانىندا، "سەن عانا - ءپىل", دەپ ايدى اسپاننان شىعارعانىنداي. ياعني، جەكە دارالاردىڭ كوپكە قارسى تۇرا الماۋىندا.

بۇگىنگى تاريحىمىز - وتكەن، كەتكەنىمىزدىڭ ءبارىن بىردەي جاپپاي تەرىستەۋدەن تۇرماۋ ءۇشىن نە ىستەۋىمىزگە بولادى؟ ءبارى دە ءوز كەزەڭىندە، جاقسى بولعانعا سالۋعا بولمايدى. ياعني، بۇگىنىمىز - كەشەگى ءجۇرىپ وتكەن جولدارىمىزدىڭ اششى ساباعىنان ءورىس العان، بىزدەردىڭ تاريح الدىنداعى وتەۋ-اقىمىز دەسەك تە بولادى! تاريح - قاتەلەسەدى. ادامدار دا. قازاقتىڭ بەينەسىندە، ادامزات بالاسىنىڭ كەلىپ توقتايتىن نۇكتەسى ءالى بۇل جەر ەمەس دەپ ۇعىناتىن بولساق، بۇگىنگى بىزدەر دە تەرىستەلەمىز. وسىدان شىعاتىن ءتۇيىن - بىزدەردىڭ بۇگىنگى تاريحىمىز - ويناقى، قۇبىلمالى تاريح ! وسىنى نەگە تۇسىنەر ەمەسپىز ؟ 

ءجونى ءتۇزۋ ادام رەتىندە، سۇراق قويۋعا ءماجبۇرمىن :

بىزگە تاريح (مەن ونى ەڭ بىرىنشىدەن حالىق جادى دەپ ۇعىنام) قانداي دارەجەدە كەرەك ؟ ەش وڭدەلمەيتىن، بۇزىلمايتىن، قارالانبايتىن، تەرىستەلمەيتىندەي كەرەك بولاتىن بولسا، ول ءۇشىن ءبىز بۇگىن نە ىستەپ جاتىرمىز نەمەسە نە ىستەي الامىز؟ ءپىلدى كورىپ تۇرىپ، ەسەك دەي بەرەمىز بە، الدە كورمەسەم - كوزىم شىققىر دەمەي، ءار نارسەنى ءوز اتاۋىمەن ايتىپ ۇيرەنەمىز بە؟ 

جەكە دارا ادامداردىڭ باقىتىن، سومداپ، سارالاپ، قوعامدىق ۇردىستەرمەن، مەملەكەتتىك ۇستانىمدارمەن قاشان بايلانىستىرىپ قارايمىز ؟ 

ء"اربىر قازاعىم - جالعىزىم"-دى، ايتۋعا وتە جەڭىل دەگەن كۇننىڭ وزىندە...

ءابدىرايىم مالىكۇلى

Facebook-تەگى پاراقشاسىنان