قاراعاندى. 3 اقپان. قازتاگ -قالانى قىسقا دايىنداماعانى ءۇشىن پريوزەرسكىنىڭ بۇرىنعى اكىمدەرى قىلمىستىق جاۋاپكەرشىلىككە تارتىلاتىن بولادى، دەپ ءمالىم ەتتى قاراعاندى وبلىسى بويىنشا ەكونوميكالىق قىلمىسپەن جانە سىبايلاس جەمقورلىقپەن كۇرەس جونىندەگى دەپارتامەنتتىڭ (ەقسجكد) باستىعى مالعاجدار تاتكەەۆ.

«قازىرگى ۋاقىتتا ۆەدومستۆوارالىق جەدەل-تەرگەۋ توبى قۇرىلدى، ونى ءىستىڭ ماڭىزدىلىعىن ەسكەرە وتىرىپ، قر باس پروكۋرورىنىڭ بۇيرىعىمەن تاعايىندالعان ارنايى پروكۋرورباسقارادى. بۇل توپقا ءبىزدىڭ 3 تەرگەۋشىمىز، 2 وپەراتيۆتى قىزمەتكەرىمىز جانە وبلىستىق ءىىد-ءنىڭ 3 تەرگەۋشىسى كىردى»، - دەپ حابارلادى م. تاتكەەۆ بەيسەنبى كۇنى ءباسپاسوز ءماسليحاتىندا.

ونىڭ ايتۋىنشا، ازىرگە ەشكىمگە ايىپ تاعىلعان جوق، تەرگەۋ شارالارى جۇرگىزىلىپ جاتىر. قىلمىستىق جاۋاپكەرشىلىككە جىلىتۋ ماۋسىمىنا دايىندىق ءۇشىن جاۋاپتى بولعاندار تارتىلادى. «سونىڭ ىشىندە اكىمدەر دە، نەبارى ەكى اي قىزمەت ەكەن اكىم دە، وعان دەيىن جۇمىس ىستەگەن اكىم دە»، - دەپ ناقتىلادى م. تاتكەەۆ.

قاراعاندى. 3 اقپان. قازتاگ -قالانى قىسقا دايىنداماعانى ءۇشىن پريوزەرسكىنىڭ بۇرىنعى اكىمدەرى قىلمىستىق جاۋاپكەرشىلىككە تارتىلاتىن بولادى، دەپ ءمالىم ەتتى قاراعاندى وبلىسى بويىنشا ەكونوميكالىق قىلمىسپەن جانە سىبايلاس جەمقورلىقپەن كۇرەس جونىندەگى دەپارتامەنتتىڭ (ەقسجكد) باستىعى مالعاجدار تاتكەەۆ.

«قازىرگى ۋاقىتتا ۆەدومستۆوارالىق جەدەل-تەرگەۋ توبى قۇرىلدى، ونى ءىستىڭ ماڭىزدىلىعىن ەسكەرە وتىرىپ، قر باس پروكۋرورىنىڭ بۇيرىعىمەن تاعايىندالعان ارنايى پروكۋرورباسقارادى. بۇل توپقا ءبىزدىڭ 3 تەرگەۋشىمىز، 2 وپەراتيۆتى قىزمەتكەرىمىز جانە وبلىستىق ءىىد-ءنىڭ 3 تەرگەۋشىسى كىردى»، - دەپ حابارلادى م. تاتكەەۆ بەيسەنبى كۇنى ءباسپاسوز ءماسليحاتىندا.

ونىڭ ايتۋىنشا، ازىرگە ەشكىمگە ايىپ تاعىلعان جوق، تەرگەۋ شارالارى جۇرگىزىلىپ جاتىر. قىلمىستىق جاۋاپكەرشىلىككە جىلىتۋ ماۋسىمىنا دايىندىق ءۇشىن جاۋاپتى بولعاندار تارتىلادى. «سونىڭ ىشىندە اكىمدەر دە، نەبارى ەكى اي قىزمەت ەكەن اكىم دە، وعان دەيىن جۇمىس ىستەگەن اكىم دە»، - دەپ ناقتىلادى م. تاتكەەۆ.

بۇرىن حابارلانعانداي، پريوزەرسكىدە قاڭتار ايىنىڭ باسىندا قالا قازاندىعىنداعى اپاتقا بايلانىستى تۇرعىن ۇيلەر مەن الەۋمەتتىك نىساندار جىلۋسىز قالعان. قالادا توتەنشە جاعداي رەجيمى جاريالاندى. اپاتتىڭ سەبەپتەرى مەن جاعدايلارىن انىقتاۋ ءۇشىن وبلىستىق تجد جانىنان كوميسسيا قۇرىلدى. ونىڭ قورىتىندىسىنا سايكەس، قالا قازاندىعى جىلىتۋ ماۋسىمىنا دۇرىس دايىندالماعان. مامانداردىڭ ايتۋىنشا، قازاندىقتىڭ كومەكشى جابدىقتارىنىڭ قىزمەت ەتۋ مەرزىمى اسىپ كەتكەن. كوميسسيا تج-دان كەلگەن شىعىندى ت83,7 ملن-عا باعالادى.

قاراعاندى وبلىسى بويىنشا ەكونوميكالىق قىلمىسپەن جانە سىبايلاس جەمقورلىقپەن كۇرەس جونىندەگى دەپارتامەنتى اپات پريوزەرسك قالاسىنىڭ قازاندىعىندا بولعان اپات بويىنشا 14 قاڭتاردا بىرقاتار قالا شەنەۋنىكتەرىنە قاتىستى «سالعىرتتىق» بابى بويىنشا قىلمىستىق ءىس قوزعادى.

قر پرەمەر-ءمينيسترى كارىم ءماسىموۆتىڭ تاپسىرماسىمەن وبلىس اكىمى پريوزەرسك اكىمى قايرات سماعۇلوۆتى قىزمەتىنەن بوساتتى. بۇدان باسقا، جىلىتۋ ماۋسىمىنا دايىندىقتى جانە اعىمداعى جۇمىسىن دۇرىس باقىلاماعانى ءۇشىن وبلىس اكىمىنىڭ ورىنباسارى باۋىرجان سماعۇلوۆ پەن وبلىستىق ەنەرگەتيكا جانە كوممۋنالدىق شارۋاشىلىق باسقارماسىنىڭ باستىعى مارات ماديەۆكە قاتاڭ سوگىس جاريالاندى.

پريوزەرسكىدەگى جالعىز قازاندىق 1975 جىلدان بەرى پايدالانىلىپ كەلەدى. پريوزەرسك قالاسىندا 13 مىڭ ادام تۇرادى.