بۇگىن استانا ءتورىنىڭ «داۋلەت» سپورت كەشەنىندە  قر مادەنيەت جانە سپورت مينيسترلىگى ەلباسى ن.ءا.نازارباەۆتىڭ قازاقستان حالقىنا جولداعان «سەنىڭ جاڭا قىرىڭ!» چەللەندجى اياسىندا وڭىرلەرمەن اۋقىمدى «سپورتتىق تەلەكوپىر» ۇيىمداستىردى. تەلەكوپىر ءمانىسى – وبلىستارمەن بىرىگىپ ساۋىقتىرۋ گيمناستيكاسىن جاساۋعا سايادى. قر مادەنيەت جانە سپورت ءمينيسترى ارىستانبەك مۇحامەديۇلى وڭىرلەردى ەلباسىنىڭ باستاماسىن قولداپ، چەللەندجگە قاتىسۋعا شاقىردى.

«مەملەكەت باسشىسى ءبىز ءۇشىن ۇلگى. نۇرسۇلتان ءابىشۇلى اتالعان اكتسيا اياسىندا بارلىق قازاقستاندىقتاردى سپورتپەن شۇعىلدانۋعا شاقىردى. ايتا كەتەيىن، ەلباسى ءوزىنىڭ قازاقستان حالقىنا جولداۋىن اياسىندا  ەڭ ماڭىزدى تاپسىرمانى— 2020 جىلعا قاراي، حالىقتىڭ 30% دەنە شىنىقتىرۋ جانە سپورتپەن اينالىسۋى قاجەت دەگەن بولاتىن. اتالعان تاپسىرمانى ورىنداۋ اياسىندا، وتكەن جىلدىڭ قورىتىندىسى بويىنشا دەنە شىنىقتىرۋمەن اينالىساتىن دامدار سانى 5 ملننان استى، بۇل حالىقتىڭ 28,7. 2016 جىلمەن سالىستىرعاندا دەنە شىنىقتىرۋمەن اينالىساتىنداردىڭ سانى  1,3% بولدى. ءبىز وسىمەن توقتاپ قالماۋىمىز كەرەك. 

مەن سىزدەردىڭ بارلىقتارىڭىزدى  سپورتپەن اينالىۋعا شاقىرامىن، دەنە شىنىقتىرۋ ءسىزدىڭ ءومىرىڭىزدىڭ ءبىر بولشەگىنە اينالۋى قاجەت،- دەدى ارىستانبەك مۇحامەديۇلى.

قوناقتاردىڭ سوزىنەن سوڭ، ارىستانبەك مۇحامەديۇلى تەلەكوپىر ارقىلى 4-قالامەن شىمكەنت، وسكەمەن، پەتروپاۆل، اقتاۋ ونلاين ترانسلياتسياعا شىقتى. سپورت باسقارماسى باسشىلارىنىڭ جەتەكشىلىگىمەن چەللەندج قاتىسۋشىلار ديناميكالىق مۋزىكانىڭ سۇيەمەلدەۋىمەن كەشەندى جاتتىعۋلار جاسادى. شاراعا  بەلگىلى سپورتشىلار، ارتىستەر، مادەنيەت قايراتكەرلەرى، وڭىرلەرگە بەلگىلى تانىمال تۇلعالار قاتىستى. ماڭعىستاۋ وبلىسىنان بوكستان لوندون وليمپياداسىنىڭ كۇمىس جۇلدەگەرى ادىلبەك نيازىمبەتوۆ بايلانىسقات شىعىپ، بارلىق قاتىسۋشىلارعا ساتتىلىك تىلەدى. شىعىستىقتاردى يۋليا گالىشەۆا باستادى، وڭتۇستىك وڭىردە گيمناستشى ءاليا يۋسۋپوۆا باستاعان سپورتشىلار كەشەندى جاتتىعۋ جاساسا، سولتۇستىك قازاقستان وبلىسىنان جاقىندا عانا كانن فەستيۆالىندە ۇزدىك اكتريسا اتانعان سامال ەسلياموۆا بايلانىسقا شىعىپ، جينالعان قاۋىمعا اتالعان سپورتتىق باستامانىڭ ماڭىزدىلىعىن اتاپ ءوتتى.

استاناداعى گيمناستيكاعا سەرىك ساپيەۆ، ۆاسيلي لەۆيت، ۇلان رىسقۇل، گيۋزال مانيۋروۆا، اعايىندى جۇگىنىسوۆتەر، جەڭىس سەيدوللاۇلى جانە تاعى باسقا حالىق قالاۋلىلارى قاتىستى.

ايتا كەتەيىك، ترانسلياتسيا تەك 4 - وبلىسپەن جاسالدى، الايدا جەرگىلىكتى جەرلەردە دەنە شىنىقتىرۋدى قالعان 10 ءوڭىر دە جاسادى. وسىلايشا دەنە شىنىقتىرۋ جاتتىعۋى بارلىق 14 وبلىستى قامتىدى.

ەستەرىڭىزگە سالايىق، 22 مامىردا ەلباسى ن.ءا. نازارباەۆ رەسپۋبليكالىق سپورتتىق "Challenge درۋگوي تى!" شاراسىنا قولداۋ ءبىلدىرىپ، قازاقستانداردى سپورتپەن اينالىسۋعا شاقىرعان بولاتىن. شارانىڭ ماقساتى – قازاقستاندىقتار اراسىندا دەنە شىنىقتىرۋ مەن سپورتتى تانىمال ەتۋ. ونىڭ اياسىندا بەلگىلى سپورت، مادەنيەت، باق وكىلدەرى دەنە شىنىقتىرۋ جاتتىعۋلارىن جاساپ، قازاقستاندىقتاردى سپورتپەن اينالىسۋعا  شاقىرادى.

Abai.kz