جەرگىلىكتى اقپارات قۇرالدارىنىڭ حابارلاۋىنشا، نازارباەۆ پارتيانىڭ ساياسي كەڭەسىنىڭ كەڭەيتىلگەن جينالىسىندا ناۋرىز ايىندا جاساعان "بەس الەۋمەتتىك باستاما" باعدارلاماسىنداعى يپوتەكا پايىزىن تومەندەۋگە قاتىستى شەنەۋنىكتەرگە ەسكەرتۋ جاسادى. ول پارتيالاستارىنا "7-20-25" تۇرعىن ءۇي باعدارلاماسىنا مەملەكەتتەن بولىنەتىن قارجىنى "ۇرلاماۋعا" شاقىردى. بۇل باعدارلاماعا سايكەس، ازاماتتارعا پاتەر الۋ ءۇشىن جىلىنا 7 پايىز ۇستەماقىمەن، العاشقى جارنا 20 پايىزبەن، 25 جىلعا يپوتەكالىق نەسيە بەرىلەدى.

«بىزدە ءالى كۇنگە دەيىن بارلىق قالالار مەن اۋدانداردا كەزەك بار [پاتەر الۋعا]. كىمدە-كىم گەرمانيا، فرانتسيا نەمەسە امەريكادا پاتەر الۋعا كەزەككە تۇرعانىن كوردىڭىزدەر؟ بۇل نونسەنس. سەبەبى مەملەكەت تەگىن پاتەر بەرمەيدى. ماعان ءالى كۇنگە دەيىن زەينەتكەرلەر حات جازادى، پاتەر بەرىڭىز دەپ… جالعا الاتىن پاتەرلەر بار. قانداي كەزەك؟ پارلامەنت، مينيسترلەرگە حات جازادى. ەلدە تەگىن پاتەر بەرۋ كەرەك دەگەن زاڭ جوق… بارلىق پارتيالاستارىما ايتامىن: باقىلاۋعا الىڭدار، دۇرىس ىستەڭدەر، قارجىنى ۇرلاماڭدار! حالىققا دۇرىس جەتسىن»،- دەدى پرەزيدەنت.

بۇل جينالىسقا پارتيانىڭ ساياسي كەڭەسىنىڭ مۇشەلەرىنەن بولەك، مەملەكەتتىك مەكەمەلەردىڭ باسشىلارى، وبلىس جانە اۋدان اكىمدەرى مەن پارتيانىڭ بارلىق ايماقتاعى وكىلدەرى قاتىسقان.

Abai.kz