ۇكىمەت

15 اقپاندا استانادا قر ۇكىمەتىنىڭ وتىرىسى وتەدى.

15 اقپان كۇنى قر سىرتقى ىستەر مينيسترلىگىندە ەكونوميكالىق جانە عىلىمي-تەحنيكالىق ىنتىماقتاستىق جونىندەگى قازاقستان-ەستونيا ۇكىمەتارالىق كوميسسياسىنىڭ 2 وتىرىسى اشىلادى.

15 اقپاندا ساعات 16.00-دە سىرتقى ىستەر مينيسترلىگىندە ۇكىمەتارالىق كوميسسيانىڭ وتىرىسى حاتتاماعا قول قويۋمەن اياقتالادى.

استانا

15 اقپان كۇنى «نۇر وتان» حدپ قالالىق فيليالىندا قر پرەزيدەنتىن سايلاۋ جونىندەگى شتابتاردىڭ تانىستىرىلىمى بولادى.

15 اقپاندا استانا مەديتسينالىق ۋنيۆەرسيتەتىندە ستۋدەنت جاستار استانا قالالىق ءماسليحاتى دەپۋتاتتارىمەن كەزدەسەدى.

15 اقپان كۇنى پرەزيدەنتتىك مادەنيەت ورتالىعىندا رەسپۋبليكالىق اقپاراتتىق-ناسيحات توبى قر پرەزيدەنتىنىڭ جولداۋىن تۇسىندىرۋگە ارنالعان وتىرىس وتكىزەدى.

15 اقپاندا «نۇر وتان» حدپ-دا قر پرەزيدەنتىنە ن.ءا.نازارباەۆتىڭ كانديداتۋراسىن ۇسىنۋعا قولداۋ تانىتۋ ءۇشىن رەسپۋبليكالىق جاستار ۇيىمىنىڭ سلەتى وتەدى.

15 اقپان كۇنى «شابىت» سارايىندا قازاقستانداعى حالىقارالىق بيوالۋاندىق جىلىنىڭ اياقتالۋىنا وراي سالتاناتتى جابىلۋ بولادى.

16-18 اقپان كۇندەرى كونگرەسس-حولل سارايىندا «ءححى عاسىرداعى ءبىلىم بەرۋ مەن عىلىم» اتتى ءVىىى قازاقستان حالىقارالىق كورمەسى وتەدى.

الماتى

 

ۇكىمەت

15 اقپاندا استانادا قر ۇكىمەتىنىڭ وتىرىسى وتەدى.

15 اقپان كۇنى قر سىرتقى ىستەر مينيسترلىگىندە ەكونوميكالىق جانە عىلىمي-تەحنيكالىق ىنتىماقتاستىق جونىندەگى قازاقستان-ەستونيا ۇكىمەتارالىق كوميسسياسىنىڭ 2 وتىرىسى اشىلادى.

15 اقپاندا ساعات 16.00-دە سىرتقى ىستەر مينيسترلىگىندە ۇكىمەتارالىق كوميسسيانىڭ وتىرىسى حاتتاماعا قول قويۋمەن اياقتالادى.

استانا

15 اقپان كۇنى «نۇر وتان» حدپ قالالىق فيليالىندا قر پرەزيدەنتىن سايلاۋ جونىندەگى شتابتاردىڭ تانىستىرىلىمى بولادى.

15 اقپاندا استانا مەديتسينالىق ۋنيۆەرسيتەتىندە ستۋدەنت جاستار استانا قالالىق ءماسليحاتى دەپۋتاتتارىمەن كەزدەسەدى.

15 اقپان كۇنى پرەزيدەنتتىك مادەنيەت ورتالىعىندا رەسپۋبليكالىق اقپاراتتىق-ناسيحات توبى قر پرەزيدەنتىنىڭ جولداۋىن تۇسىندىرۋگە ارنالعان وتىرىس وتكىزەدى.

15 اقپاندا «نۇر وتان» حدپ-دا قر پرەزيدەنتىنە ن.ءا.نازارباەۆتىڭ كانديداتۋراسىن ۇسىنۋعا قولداۋ تانىتۋ ءۇشىن رەسپۋبليكالىق جاستار ۇيىمىنىڭ سلەتى وتەدى.

15 اقپان كۇنى «شابىت» سارايىندا قازاقستانداعى حالىقارالىق بيوالۋاندىق جىلىنىڭ اياقتالۋىنا وراي سالتاناتتى جابىلۋ بولادى.

16-18 اقپان كۇندەرى كونگرەسس-حولل سارايىندا «ءححى عاسىرداعى ءبىلىم بەرۋ مەن عىلىم» اتتى ءVىىى قازاقستان حالىقارالىق كورمەسى وتەدى.

الماتى

15 اقپان كۇنى م.اۋەزوۆ اتىنداعى تەاتردا قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى ءازىلحان نۇرشايىقوۆتى اقتىق ساپارعا شىعارىپ سالادى.

15 اقپاندا 28-ءشى پانفيلوۆشىلار اتىنداعى ساياباقتا اۋعان سوعىسىنىڭ اياقتالعانىنا 22 جىل تولۋىنا وراي سالتاناتتى ءىس-شارا وتەدى.

15 اقپان كۇنى الماتىدا رۋحانيات پارتياسىنىڭ ءباسپاسوز ءماسليحاتى وتەدى.

15 اقپاندا الماتىدا «شەتەلدە ءبىلىم الۋ» اتتى ءVىىى حالىقارالىق كورمە وتەدى.

16 اقپان كۇنى الماتىداعى قر ورتالىق مەملەكەتتىك مۇراجايىندا الماتىداعى قحر باس كونسۋلدىعى مەن ءال-فارابي اتىنداعى ۋنيۆەرسيتەت جانىنداعى كونفۋتسيا ينستيتۋتىنىڭ ۇيىمداستىرۋىمەن «قىتاي جاڭا جىلى» اتتى كورمە اشىلادى.

ايماق

پاۆلودار وبلىسى

18-19 اقپاندا پاۆلوداردا  «دارىندى مۇعالىم - دارىندى بالالارعا»  دەگەن اتاۋمەن  وبلىستىق  پەداگوگيكالىق  وليمپيادا وتەدى.

ەلەۋلى وقيعالار.  اتاۋلى كۇندەر. ەسىمدەر.

اقپاننىڭ 15-ءى، سەيسەنبى

ءماۋلىت-ان-نابي - پايعامبارىمىز مۇحاممەدتىڭ (س.ع.س.) تۋعان كۇنى. ءرابيۋل-اۋال ايىنىڭ 12-ءشى كۇنىندە اتاپ وتىلەدى.

مۇحاممەد پايعامبار - اللا تاعالانىڭ ەلشiسi ءارi پايعامبارلاردىڭ ەڭ مارتەبەلiسi جانە سوڭعىسى. اكەسiنiڭ اتى ابدۋللاھ ميلادي جىل ساناۋىمەن 571 ج. ءساۋiر ايىنىڭ 20 كۇنiنە سايكەس كەلەتiن 12 رابيال-ءاۋالدا دۇيسەنبi كۇنi تۇندە مەككەدە دۇنيەگە كەلدi. اكەسi ول تۋماي تۇرىپ قايتىس بولعان ەدi. التى جاسىندا اناسىنان، سەگiز جاسىندا اتاسىنان ايرىلدى. كەيiن اكەسىنىڭ ءىنىسى ءابۋ تاليبتىڭ قولىندا ءوستi. 25 جاسىندا حاديشاعا ۇيلەندi. ودان ءتورت قىز، ەكi ۇلى بولدى.

ءماۋلiت - اراب ءسوزى، سوزدىك جاعىنان العاندا، قازاقشاسى «تۋعان كۇن» - دەگەن ماعىنا بەرەدi. بۇل اللا تاعالانىڭ ەڭ سۇيiكتi پەندەسi, پايعامبارىمىز حازرەتى مۇحاممەدتiڭ (س.ع.س.) دۇنيەگە كەلگەن ايىنا اتاۋ ەتiپ قويىلعان. بارلىق ماقتاۋ-ماداقتاۋ، «ءماۋلىت وقۋ» پايعامبارىمىز مۇحاممەدكە ارنالعان. قازىر ءماۋلىت قازاقستان مۇسىلماندار ءدىني باسقارماسىنىڭ ۇيىمداستىرۋىمەن بۇكىل ەلىمىزدە تويلانۋدا. 2000 جىلدان باستاپ ول بەلسەندىرەك وتكىزىلۋدە. ءماۋلىت اۋەلى مەشىتتەردە وقىلادى، سونان سوڭ كوپشىلىكتىڭ قاتىسۋىمەن اۋداندىق، وبلىستىق، رەسپۋبليكالىق دەڭگەيدە اتاپ وتىلەدى. قاسيەتتى ءماۋلىت تۋرا ءبىر ايعا سوزىلادى.

كەڭەس اسكەرلەرىنىڭ اۋعانستاننان شىعارىلعان كۇنى. بۇدان 21 جىل بۇرىن (1989) وسى كۇنى كەڭەس اسكەرلەرى (40-شى ارميا جانە وعان جىبەرىلگەن بولىمشەلەر) اۋعانستان اۋماعىنان شىعارىلدى. اۋعانستان جەرىندەگى 9 جىلعى سوعىسقا كەڭەس وداعىنىڭ 500 مىڭنان استام ازاماتتارى قاتىستى. ولاردىڭ اراسىندا - 22269-ى قازاقستاندىقتار. 15 مىڭ جاۋىنگەر قازا بولدى. قازاقستان بۇل سوعىستا 889 بوزداعىنان ايىرىلدى.

م.ي.گلينكانى (1804-1857) ەسكە الۋ كۇنى. م.گلينكا ورىستىڭ كلاسسيكالىق كومپوزيتورلىق مەكتەبىنىڭ نەگىزىن قالاۋشى.

وقيعالار

5 جىل بۇرىن (2006) ورالدىق جاس قالامگەر، قازاقستان جازۋشىلار وداعىنىڭ مۇشەسى ميرا شۇيىنشاليەۆانىڭ رەسپۋبليكالىق «ارىس» باسپاسىنان «شۇبەرەك قۋىرشاق» اتتى جاڭا كىتابى جارىق كوردى. اۆتوردىڭ «شۇبەرەك قۋىرشاق» پوۆەسى مەن اڭگىمەلەرى توپتاستىرىلعان جيناققا بەلگىلى جازۋشى، مەملەكەتتىك سىيلىقتىڭ لاۋرەاتى دۋلات يسابەكوۆ العىسوز جازعان. «ءتىلى شۇرايلى، ويى سالماقتى، وقيعالارى ورنەكتى جاس جازۋشى ميرا شۇيىنشاليەۆانىڭ ءبىر توپ تۋىندىلارى - قازىرگى زامان كەلبەتىن تۇسىنگىسى كەلەتىن وقۋشىعا بەرەرى مول شىعارما»، دەلىنگەن وندا. ميرا شۇيىنشاليەۆانىڭ «ماحاببات باعى» اتتى تۇڭعىش جيناعى وسى «ارىس» باسپاسىنان 2003 جىلى جارىق كورگەن بولاتىن، سونداي-اق ونىڭ تۋىندىلارى بىرنەشە ۇجىمدىق جيناققا دا ەنگەن.

3 جىل بۇرىن (2008) الماتىدا تولىق مەتراجدى «قارا وي» كوركەم ءفيلمىنىڭ العاشقى كورسەتىلىمى ءوتتى.

قازاقستاندىق «Sun Production» جانە «Work Station» كينوستۋديالارى بىرلەسىپ شىعارعان بۇل كارتينانىڭ قويۋشى-رەجيسسەرى جاننا يساباەۆا. «وسى ەڭبەگىم ارقىلى كورەرمەندەرگە ءوزىم جاۋابىن بىلمەيتىن جاقسىلىق پەن زۇلىمدىقتىڭ ءمانى تۋرالى وي تاستاعىم كەلدى»، -دەدى جاننا يساباەۆا.

1 جىل بۇرىن(2010) پاۆلوداردا «سكۆورەچنيك» ادەبي تەاترى قۇرىلدى. تەاتردى قۇرۋشى، ءارتىس حاليما حازيەۆانىڭ ايتۋىنشا «سپەكتاكلدەردە اۋەسقوي ارتىستەر وينايدى. ءبىز ترۋپپاعا كىم ساحناعا شىعىپ ويناعىسى كەلەدى، سولار شاقىرىلادى، كارى-جاسقا قارامايمىز، ونەردى، تەاتردى ءسۇيىپ باعالاي بىلەتىن بارلىق ادامدار قاتىسا الادى». تەاتردا اكتەرلىك شەبەرلىككە، ساحنادا سويلەۋ مانەرلىگىنە ۇيرەتەدى. «سكۆورەچنيك» ادەبي تەاترىنىڭ قويىلىمدارى انتون چەحوۆ اتىنداعى وبلىستىق تەاترىنىڭ كىشى زالىندا قويىلادى.

1 جىل بۇرىن (2010) اسپان دەنەلەرىنىڭ كاتالوگىنا سۋقۋعىش شوقجۇلدىزىنداعى جۇلدىزعا قازاقستاندىق تانىمال عالىم ميحايل ءپانيننىڭ ەسىمىن بەرۋ تۋرالى جازبا ەنگىزىلدى.

ميحايل پانين - پروفەسسور، بيولوگيا عىلىمدارىنىڭ دوكتورى، سەگىز حالىقارالىق جانە رەسپۋبليكالىق اكادەميانىڭ اكادەميگى، سەمەي مەملەكەتتىك پەداگوگيكالىق ۋنيۆەرسيتەتىنىڭ پرورەكتورى.

ەسىمدەر

105 جىل بۇرىن (1906-1974) سەلەكتسيونەر-گەنەتيك عالىم، اۋىل شارۋاشىلىعى عىلىمدارىنىڭ دوكتورى، پروفەسسور، قازاق اۋىلشارۋاشىلىق اكادەمياسىنىڭ اكادەميگى، قازاق كسر عىلىم اكادەمياسىنىڭ كوررەسپوندەنت مۇشەسى ۇزەنباەۆ ەشتاي قولبەكەيۇلى دۇنيەگە كەلدى.

وزبەكستاندا تۋعان. تاشكەنت اۋىلشارۋاشىلىق ينستيتۋتىن بىتىرگەن.

1936-1938 جىلدارى - قازاقتىڭ ماقتا-جوڭىشقا ءوسىرۋ تاجىريبە ستانتسياسىنىڭ ديرەكتورى، 1938-1946 جىلدارى - تاشكەنت اۋىلشارۋاشىلىق يرريگاتسيا جانە مەحانيكالاندىرۋ ينستيتۋتىنىڭ دوتسەنتى، اعا اگرونومى، 1946-1960 جىلدارى - وزبەك كسر عىلىم اكادەمياسىنىڭ بوتانيكا جانە زوولوگيا عىلىمي-زەرتتەۋ ينستيتۋتى ديرەكتورىنىڭ ورىنباسارى، 1960-1965 جىلدارى - قازاقتىڭ ماقتا شارۋاشىلىعى تاجىريبە ستانتسياسىنىڭ ديرەكتورى، وسىندا گەنەتيكا جانە سەلەكتسيا ءبولىمىنىڭ مەڭگەرۋشىسى، 1965-1974 جىلدارى - قازاق كسر عىلىم اكادەمياسىنىڭ ورتالىق بوتانيكا باعىنىڭ ديرەكتورى جانە گەنەتيكا زەرتحاناسىنىڭ مەڭگەرۋشىسى قىزمەتتەرىن اتقارعان.

ول ماقتا جونىندە 50-دەن استام عىلىمي ەڭبەك جاريالادى.

«قۇرمەت بەلگىسى» وردەنىمەن جانە بىرنەشە مەدالدارمەن ماراپاتتالعان.

55 جىل بۇرىن (1956) قازاقستان ساۋلەتشىلەر وداعىنىڭ پرەزيدەنتى، قازاقستاننىڭ ەڭبەك سىڭىرگەن قايراتكەرى، قازاقستاننىڭ قۇرمەتتى ساۋلەتشىسى، قازاق باس ساۋلەت-قۇرىلىس اكادەمياسىنىڭ قۇرمەتتى پروفەسسورى، شىعىس ەلدەرى حالىقارالىق ساۋلەت اكادەمياسىنىڭ كوررەسپوندەنت مۇشەسى رۇستەمبەكوۆ اقمىرزا يساۇلى دۇنيەگە كەلدى.

اقمولا وبلىسىندا تۋعان. الماتى ساۋلەت-قۇرىلىس ينستيتۋتىن (قازىرگى قازاق باس ساۋلەت-قۇرىلىس اكادەمياسى) بىتىرگەن.

1980-1990 جىلدارى - «گيپروۆۋز» بۇكىلوداقتىق مەملەكەتتىك جوبالاۋ ينستيتۋتى الماتى فيليالىنىڭ ساۋلەتشىسى، اعا ساۋلەتشىسى، توپ جەتەكشىسى، جوبالار باس ساۋلەتشىسى، ديرەكتوردىڭ ورىنباسارى. 1990-1996 جىلدارى - شىعارماشىلىق-وندىرىستىك شەبەرحانانىڭ جەتەكشىسى. 1996-2000 جىلدارى - قازاقستان ساۋلەتشىلەر وداعىنىڭ ۆيتسە-پرەزيدەنتى قىزمەتتەرىن اتقارعان. 2000 جىلدىڭ ناۋرىز ايىنان - قازىرگى قىزمەتىندە.

«قۇرمەت» وردەنىمەن ماراپاتتالعان.

40 جىل بۇرىن (1971) اقپاراتتىق-اناليتيكالىق «ەكسكليۋزيۆ» جۋرنالىنىڭ باس رەداكتورى، «ياپىراي» جۋرنالىنىڭ رەداكتسيالىق كەڭەسىنىڭ توراعاسى، ساياساتتانۋشى، 2-ءشى ساناتتاعى كەڭەسشى جۇمالى راسۋل بەرەكەتۇلى دۇنيەگە كەلدى.

الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. 1992-2000 جىلدارى - قازاقستان رەسپۋبليكاسى سىرتقى ىستەر مينيسترلىگىنىڭ رەفەرەنتى، اتتاشەسى، ەكىنشى، ءۇشىنشى حاتشىسى، قازاقستان رەسپۋبليكاسىنىڭ مىسىرداعى ەلشىلىگىنىڭ ەكىنشى حاتشىسى، ورتا، تاياۋ شىعىس جانە افريكا ءبولىمىنىڭ باستىعى، قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى ءبولىمىنىڭ باستىعى. 2000-2002 جىلدارى - قازاقستان رەسپۋبليكاسى پرەمەر-ءمينيسترىنىڭ ءباسپاسوز حاتشىسى - قازاقستان رەسپۋبليكاسى پرەمەر-ءمينيسترى كەڭسەسىنىڭ ۇكىمەتتىك اقپاراتتار ءبولىمى مەڭگەرۋشىسىنىڭ ورىنباسارى. 2002-2004 جىلدارى - الماتى قالاسىنداعى قازاقستان رەسپۋبليكاسى سىرتقى ىستەر مينيسترلىگىنىڭ ساياسي توپ وكىلدىگىنىڭ باستىعى. 2004-2005 جىلدارى - دۋباي قالاسىنداعى ء(باا) قازاقستان رەسپۋبليكاسىنىڭ باس كونسۋلى. 2006-2007 جىلدارى - قازاقستان رەسپۋبليكاسىنىڭ ليۆياداعى ۋاقىتشا ەلشىسى قىزمەتتەرىن اتقارعان. 2007 جىلدان - قازىرگى قىزمەتىندە.

«ورتالىق ازياداعى گەوساياسات» كىتابىنىڭ اۆتورى.

اقپاننىڭ 16-ى، سارسەنبى

ليتۆا رەسپۋبليكاسىنىڭ ۇلتتىق مەرەكەسى - ليتۆا مەملەكەتتىلىگىن قالپىنا كەلتىرۋ كۇنى. وسىدان 92 جىل بۇرىن (1919) ليتۆا كەڭەسىنىڭ مۇشەلەرى ليتۆا مەملەكەتىن قالپىنا كەلتىرۋ تۋرالى اكتىگە قول قويدى.

قازاقستان رەسپۋبليكاسى مەن ليتۆا رەسپۋبليكاسى اراسىندا ديپلوماتيالىق قاتىناس 1992 جىلى ماۋسىمنىڭ 15-ىندە ورناعان.

كورەي حالىق دەموكراتيالىق رەسپۋبليكاسىنىڭ ۇلتتىق مەرەكەسى - كحدر پرەزيدەنتى كيم چەن ءيردىڭ تۋعان كۇنى. 1995 جىلدان بەرى اتاپ وتىلەدى.

وقيعالار

5 جىل بۇرىن (2006) ەلورداداعى قازاقستان رەسپۋبليكاسى ۇلتتىق اكادەميالىق كىتاپحاناسىندا مۇحتار شاحانوۆتىڭ «شىڭعىس حاننىڭ پەندەلىك قۇپياسى (كوز جۇمار شاقتاعى ارپالىس)» اتتى درامالىق تۋىندىسىنىڭ فرانتسۋز تىلىندەگى باسىلىمىنىڭ تانىستىرىلىمى بولدى.

پەسانى فرانتسۋز تىلىنە وقىتۋشى گۇلنار سارسەكەەۆا مەن فرانتسۋز اليانسىنىڭ پرەزيدەنتى بريجيت برەفور اۋداردى. تانىستىرىلىم بارىسىندا پەسانىڭ فرانتسۋز تىلىندەگى ۇلگىسى مۇحتار شاحانوۆقا تابىس ەتىلدى. بريجيت برەفوردىڭ ايتۋىنشا، كىتاپ فرانتسيادا 2005 جىلدىڭ قاراشا ايىندا باسىلىپ شىققان جانە اتالمىش شىعارماعا وقىرماندار مەن تەاتر ۇجىمدارى زور قىزىعۋشىلىق تانىتقان كورىنەدى.

5 جىل بۇرىن (2006) ماسكەۋدە ۇلىتاۋ توبىنىڭ «Jymyr Kylysh» البومىنىڭ تانىستىرىلىمى ءوتتى.

جۇمىر جانە قىلىش - قازاق باتىرلارىنىڭ ەسىمى. دومبىرا مەن قوبىزدىڭ ورىنداۋىنداعى ەتنيكالىق اۋەندى اۋىر روك، بليۋز اۋەنىمەن سۇيەمەلدەپ ورىنداپ جۇرگەن مۋزىكانتتار العاشقى ديسكىلەرىنىڭ شابىتپەن جازعان.

1 جىل بۇرىن (2010) قازاقستان رەسپۋبليكاسى قورعانىس مينيسترلىگىنىڭ رەسمي ۆەب-سايتى ءوز اتاۋىن وزگەرتتى. ەلىمىزدىڭ باس اسكەري ۆەدومستۆوسىنىڭ ينتەرنەت-رەسۋرسى بۇدان بىلاي ەلەكتروندىق ۇكىمەتتىڭ پلاتفورماسىنا ورنالاستىرىلدى جانە ونىڭ اتاۋى www.mod.gov.kz.

2005 جىلدان بەرى جۇمىس ىستەپ كەلە جاتقان www.mod.kz سايتى ينتەرنەت-كەڭىستىكتە تاعى ءبىراز ۋاقىت جۇمىس ىستەيدى. بىراق، بىرتىندەپ ونى جاڭا سايت تولىق الماستىراتىن بولادى.

 

1 جىل بۇرىن (2010) قازاق ۇلتتىق مۋزىكا اكادەمياسىنىڭ اتاۋى قازاق ۇلتتىق ونەر ۋنيۆەرسيتەتى بولىپ وزگەرتىلدى.

قازاق ۇلتتىق مۋزىكا اكادەمياسى ونەردىڭ بارلىق جانرى مەن باعىتتارىن قامتيتىن ۋنيۆەرسيتەتكە اينالدى. وندا مۋزىكامەن قاتار حورەوگرافيا، ونەرتانۋ، بەينەلەۋ ونەرىنىڭ تۇرلەرى، ءمۇسىن، ديزاين، كينو، تەلەۆيدەنيە بويىنشا ماماندىقتار اشىلدى.

قازاق ۇلتتىق مۋزىكا اكادەمياسى 1998 جىلى ناۋرىزدىڭ 31-ىندە ەلباسى نۇرسۇلتان نازارباەۆتىڭ قولداۋىمەن جانە باستاماسىمەن قۇرىلعان بولاتىن.

1 جىل بۇرىن (2010) مەملەكەت باسشىسى نۇرسۇلتان نازارباەۆ «تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ شەكارا ماڭى ىنتىماقتاستىعى تۋرالى كونۆەنتسيانى راتيفيكاتسيالاۋ تۋرالى» زاڭعا قول قويدى.

ەسىمدەر

60 جىل بۇرىن (1951) قاراعاندى وبلىسى بويىنشا جەر قاتىناستارى باسقارماسىنىڭ باستىعى التىنبەكوۆ تۇرار احمەتۇلى دۇنيەگە كەلدى.

قاراعاندى وبلىسى جاڭاارقا اۋدانىندا تۋعان. قاراعاندى كووپەراتيۆ ينستيتۋتىن (قازىرگى قازتۇتىنۋوداعى قاراعاندى ەكونوميكالىق ۋنيۆەرسيتەتى) بىتىرگەن.

1974-1982 جىلدارى - شەت اۋداندىق تۇتىنۋ وداعىنىڭ ەسەپشى-رەۆيزورى، 1982-1991 جىلدارى - اعادىر اۋداندىق پارتيا كوميتەتىنىڭ نۇسقاۋشى، ءبولىم مەڭگەرۋشىسى، جەزقازعان وبلىستىق پارتيا كوميتەتى باستىعىنىڭ ورىنباسارى، باتىعى، 1991-2002 جىلدارى - جەزقازعان وبلىستىق اۋىلشارۋاشىلىق باسقارماسى باستىعىنىڭ ءبىرىنشى ورىنباسارى، ورىنباسارى، ءبولىم باستىعى، قاراعاندى وبلىستىق اۋىلشارۋاشىلىعى دەپارتامەنتى باستىعىنىڭ مىندەتىن اتقارۋشى، ورىنباسارى، ءبولىم مەڭگەرۋشىسى. 2002-2004 جىلدارى - قاراعاندى وبلىسى اباي اۋدانى اكىمىنىڭ ورىنباسارى، 2004-2010 جىلدارى - قاراعاندى وبلىسى اباي اۋدانىنىڭ اكىمى قىزمەتتەرىن اتقارعان. 2010 جىلدىڭ تامىز ايىنان باستاپ - قازىرگى قىزمەتىندە.

50 جىل بۇرىن (1961) عالىم-اگرونوم، ساياساتتانۋشى، «ۆەچەرني الماتى» گازەتىنىڭ باس رەداكتورى جوروۆ نيكولاي نيكولاەۆيچ دۇنيەگە كەلدى.

سولتۇستىك قازاقستان وبلىسى ماعجان جۇماباەۆ اۋدانىندا تۋعان. ومبى اۋىلشارۋاشىلىق ينستيتۋتىن، قازاقستان مەنەدجمەنت، ەكونوميكا جانە بولجاۋ ينستيتۋتىن بىتىرگەن.

1982-1983 جىلدارى - ۆوزۆىشەنكو اۋىلىنىڭ مەملەكەتتىك سورت سىناۋ ۇلەسكىلەرىندە سىناۋشى-اگرونوم، 1983-1984 جىلدارى - كەڭشار بولىمشەسىنىڭ باسقارۋشىسى، 1984-1985 جىلدارى - اۋداندىق «زا كوممۋنيزم» گازەتىنىڭ ءتىلشىسى، 1985-1986 جىلدارى - ۆوزۆىشەنكو لكجو اۋداندىق كوميتەتىندە ۇيىمداستىرۋشى ءبولىمى مەڭگەرۋشىسىنىڭ ورىنباسارى، 1986-1990 جىلدارى - سەيفۋللين اۋىلدىق كەڭەسى اتقارۋشى كوميتەتىنىڭ توراعاسى، 1991-1997 جىلدارى - «كازاحستانسكايا پراۆدا» گازەتىنىڭ ءتىلشىسى، الماتى وبلىسى بويىنشا مەنشىكتى ءتىلشىسى، 1997-2002 جىلدارى - «كازاحستانسكايا پراۆدا» گازەتىنىڭ ديرەكتورى، 2002-2007 جىلدارى - «ارگۋمەنتى ي فاكتى كازاحستان» گازەتىنىڭ مەنشىكتى ءتىلشىسى، 2005-2006 جىلدارى - «رەسپۋبليكا KZ» گازەتىنىڭ باس رەداكتورى، 2006-2007 جىلدارى - ورال قالاسىنداعى «جايىق پرەسس» جشس-نىڭ باس ديرەكتورى، 2007-2009 جىلدارى - «ارگۋمەنتى ي فاكتى كازاحستان» گازەتى باس رەداكتورىنىڭ ورىنباسارى قىزمەتتەرىن اتقارعان. 2009 جىلدىڭ ماۋسىم ايىنان - قازىرگى قىزمەتىندە.

35 جىل بۇرىن (1976) «قازمۇنايگاز» بارلاۋ ءوندىرۋ» اق قۇقىقتىق سۇراقتار جونىندەگى باسقارۋشى ديرەكتورى ءجۇرسىنوۆ رۇستەم ماناربەكۇلى دۇنيەگە كەلدى.

وسكەمەن قالاسىندا تۋعان. قازاق مەملەكەتتىك زاڭ ۋنيۆەرسيتەتىن (قازىرگى قازاق گۋمانيتارلىق زاڭ ۋنيۆەرسيتەتى), قازاق مەملەكەتتىك باسقارۋ اكادەمياسىن (قازىرگى تۇرار رىسقۇلوۆ اتىنداعى قازاق ەكونوميكالىق ۋنيۆەرسيتەتى) بىتىرگەن.

1998-1999 جىلدارى - «GRATA» زاڭ فيرماسىندا زاڭگەر، 1999-2002 جىلدارى - قازاقستان رەسپۋبليكاسى مەملەكەتتىك كىرىستەر مينيسترلىگى زاڭ دەپارتامەنتى ديرەكتورىنىڭ ورىنباسارى، باسقارما باستىعى، ءبولىم باستىعى، باستىقتىڭ ورىنباسارى، 2002-2003 جىلدارى - «GRATA» زاڭ فيرماسىنىڭ سەرىكتەسى، 2003-2005 جىلدارى - «قازمۇنايتەڭىز» مۇناي تەڭىز كومپانياسى» جاق-نىڭ قۇقىقتى قامتاماسىز ەتۋ دەپارتامەنتى ديرەكتورىنىڭ ورىنباسارى، «مۇنايكونسالتينگ» جاق-نىڭ («قازمۇنايگازكونسالتينگ») اتقارۋشى ديرەكتورى، 2005-2009 جىلدارى - «قازمۇنايگازكونسالتينگ» اكتسيونەرلىك قوعامىنىڭ پرەزيدەنتى قىزمەتتەرىن اتقارعان.

قازاقستان رەسپۋبليكاسى مۇنايگاز سالاسى زاڭگەرلەرى قاۋىمداستىعىنىڭ، رەسپۋبليكالىق سالىق كەڭەسشىلەرى پالاتاسىنىڭ، كورولدىق تورەشىلەر ينستيتۋتىنىڭ، اعىلشىن-رەسەي زاڭ قاۋىمداستىعىنىڭ مۇشەسى. 2007 جىلدىڭ مامىر ايىنان - قازاقستاننىڭ تاۋەلسىز ديرەكتورلار قاۋىمداستىعىنىڭ اتقارۋشى ديرەكتورى.

مەدالدارمەن ماراپاتتالعان.

اقپاننىڭ 17-ءى، بەيسەنبى

مەيىرىمنىڭ رياسىز كورىنۋ كۇنى. بۇل مەيرامنىڭ جالپى دۇنيەلىك ماعىناسى بار، بۇل مەيرامدى دۇنيەجۇزى ازاماتتىعىنا، ۇلتىنا، ءدىني سەنىمدەرىنە قاراماستان تويلايدى. بۇل كۇنى ۇيىمداستىرۋشىلاردىڭ ايتۋى بويىنشا، بارلىعىنا مەيىرىمدى بولۋعا تىرىسۋ كەرەك، ءجاي عانا مەيىرىمدى ەمەس، شەكسىز جانە پايداكۇنەمسىز مەيىرىمدى بولۋ كەرەك.

وقيعالار

5 جىل بۇرىن (2006) الماتىدا «باررەلگە ىنتىقتىق» اتتى دەرەكتى ءفيلمنىڭ تانىستىرىلىمى بولدى.

اۆتورلاردىڭ ايتۋىنشا، ەكونوميكالىق جانە الەۋمەتتىك جاعىنان دامۋشى مەملەكەتتەردىڭ باستى فاكتورى: ساياساتتىڭ اشىقتىعى مەن حالىق الدىنداعى ەسەپ بەرۋى بولۋ كەرەك. فيلم ستسەناريىنىڭ اۆتورى، تانىمال جۋرناليست سۆەتلانا كرىموۆانىڭ ايتۋىنشا، فيلم قازاقستاندىقتاردىڭ جانە الەم جۇرتشىلىعىنىڭ نازارىن وسى سالاداعى، ياعني مۇناي ءوندىرۋ سالاسىنداعى اقپاراتتىڭ ازدىعىنا اۋدارۋدى ماقسات ەتكەن. قازاقستان رەسپۋبليكاسى ۇكىمەتىنىڭ وكىلدەرى، «مۇناي تابىسى - قوعام باقىلاۋىنا!» كواليتسياسىنىڭ وكىلدەرى جانە مۇناي وندىرىلەتىن ايماق تۇرعىندارىنىڭ پىكىرلەرى وزەك بولعان ءفيلمدى  «Kazakhstan Revenue Watch» باعدارلاماسى اياسىندا «سوروس-قازاقستان» قورىنىڭ گرانتى بويىنشا «گالا تۆ» تەلەكومپانياسى تۇسىرگەن.

5 جىل بۇرىن (2006) استانادا قاۋىپسىزدىك باعىتى» اتتى باعدارلامانىڭ تانىستىرىلىمى ءوتتى.

جىنىستىق جولدارمەن بەرىلەتىن جۇقپالى اۋرۋلاردىڭ جاسوسپىرىمدەردىڭ اراسىندا تارالۋىنىڭ الدىن الۋعا باعىتتالعان. «قاۋىپسىزدىك باعىتى» دەپ اتالعان اقپاراتتىق-تانىمدىق كورمەنىڭ شارتتى تۇردە الىنعان بەس «بەكەتى» بار. ونىڭ بىرىنشىسىندە وقۋشىلار جىنىستىق اۋرۋلاردىڭ بەرىلۋ جولدارى تۋرالى اقپارات السا، ەكىنشى «بەكەتتە» اقتق، جقتب تۋرالى نەگىزگى سۇراقتارعا جاۋاپتار بەرىلەدى. ال ءۇشىنشى «بەكەتتە» وقۋشىلار ءوزارا سەنىم مەن سىيلاستىق تۋرالى ءدارىس الىپ، ءتورتىنشى جانە بەسىنشى «بەكەتتەردە» «قاجەتسىز» جۇكتىلىكتەن ساقتانۋدىڭ امالدارىمەن تانىسىپ، دەنساۋلىقتى كۇتۋدىڭ قانشالىق ماڭىزدى ەكەندىگىن تۇسىنەدى.

1 جىل بۇرىن (2010) قازاقستان رەسپۋبليكاسى مادەنيەت جانە اقپارات مينيسترلىگىندە ءتىل كوميتەتىنىڭ شايسۇلتان شاياحمەتوۆ اتىنداعى تىلدەرى دامىتۋدىڭ ۇيلەستىرۋ-ادىستەمەلىك رەسپۋبليكالىق ورتالىعى ازىرلەگەن «قازاقستان رەسپۋبليكاسى مەملەكەتتىك قىزمەتشىسىنىڭ تىلدىك پورتفەلى» جۇيەسىنىڭ تۇساۋكەسەر ءراسىمى ءوتتى.

وسى جۇيەنى ازىرلەۋ ءۇشىن شايسۇلتان شاياحمەتوۆ اتىنداعى تىلدەرى دامىتۋدىڭ ۇيلەستىرۋ-ادىستەمەلىك رەسپۋبليكالىق ورتالىعىنا مينيسترلىك تاراپىنان تىكەلەي تاپسىرما بەرىلىپ، سوعان وراي ءتيىستى جۇمىس توبى قۇرىلعان. اتالعان جۇمىس توبىنا ەلىمىزگە بەلگىلى لينگۆيست عالىمدارمەن قاتار جاس ماماندار، سونداي-اق مەملەكەتتىك ورگانداردا مەملەكەتتىك تىلگە ۇيرەتىپ جۇرگەن ماماندار قاتىسقان. «ولاردىڭ اتقارعان اۋقىمدى جۇمىستارىنىڭ ارقاسىندا بۇگىن مەملەكەتتىك قىزمەتشىنىڭ تىلدىك پورتفەلىنىڭ تۇساۋىن كەسىپ وتىرمىز. بۇل بۇرىن سوڭدى ەلىمىزدە جاسالماعان اۋقىمدى، جۇيەلى، تولىققاندى، جان-جاقتى ادىستەمەلىك جۇيە. ونىڭ قۇرامىندا بۇگىنگى زامانعا ساي اۋديو، ۆيدەو سياقتى بارلىق تەحنولوگيالارمەن قامتىلعان 19 وقۋ-ادىستەمەلىك قۇرال بار.

1 جىل بۇرىن (2010) الماتىدا قازاقستانداعى ۇلتتىق يدەيا تۋرالى كىتاپ جارىق كوردى.

«قازاقستانداعى ۇلتتىق يدەيانى» زەرتتەۋ بارىسىنا بارلىق باسىلىمدار اتسالىستى. ساراپتاۋعا تۇسكەن قازاق ءتىلدى، ءتۇرلى پوزيتسياداعى مەرزىمدى باسىلىمدار اراسىندا ورتاق كومپونەنتتەر كەزدەستى، قازاق ءتىلى ماسەلەسىنە كەلگەندە بارلىق باق، مەملەكەتتىك تە، وپپوزيتسيالىق تا باسىلىمدار بىردەي ءۇن قاتتى. قازاق ءتىلى ماسەلەسى بۇگىنگى كۇنى ەڭ وتكىر ماسەلە بولىپ وتىرعاندىعى انىقتالدى.

«ۇلتارالىق بىرلىك، ۇلتتاردىڭ تەڭ قۇقىقتىعى سياقتى ماسەلەنى ءار پوزيتسياداعى باق تەڭدەي قاراپ وتىر. ولار ءار قىرىنان جازىپ، ءار تاراپتان قاراعانىمەن دە، بۇل سالادا بىرىڭعاي كونسەنسۋس بايقالدى.  وتانسۇيگىشتىك، پاتريوتيزم ماسەلەسى، بىلاي قاراعاندا جابىق، جاسىرىن سيپاتتاعى قۇبىلىس سياقتى، دەگەنمەندە بۇل ورايدا باق - ۇلتتىق يدەيانى قالىپتاستىرۋشى، باستى فاكتورلاردىڭ ءبىرى رەتىندە تانىلدى.

وقۋ قۇرالى جۋرناليستەرگە، گۋمانيتارلىق فاكۋلتەتتىڭ ستۋدەنتتەرىنە جانە ساياساتتانۋ، تاريح، فيلوسوفيا، الەۋمەتتانۋ، ماسس-مەديا ماسەلەلەرى  قىزىقتىراتىن جالپى كوپشىلىككە ارنالعان.

1 جىل بۇرىن (2010) مەملەكەت باسشىسى نۇرسۇلتان نازارباەۆ «ۇجىمدىق قاۋىپسىزدىك شارتى ۇيىمىنىڭ جەدەل ارەكەت ەتۋ ۇجىمدىق كۇشتەرى تۋرالى كەلىسىمدى راتيفيكاتسيالاۋ تۋرالى» زاڭعا قول قويدى

1 جىل بۇرىن (2010) مەملەكەت باسشىسى نۇرسۇلتان نازارباەۆ «ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك جۇيەسىنىڭ كۇشتەرى مەن قۇرالدارىن جاسىرىن باسقارۋ جۇيەسىن قۇرۋدىڭ نەگىزگى پرينتسيپتەرى تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى.

ەسىمدەر

80 جىل بۇرىن (1931-1992) تاريح عىلىمدارىنىڭ دوكتورى، پروفەسسور، قازاقستان رەسپۋبليكاسى عىلىم اكادەمياسىنىڭ اكادەميگى، قازاقستان رەسپۋبليكاسى عىلىم اكادەمياسى شوقان ءۋاليحانوۆ اتىنداعى سىيلىعىنىڭ لاۋرەاتى سۇلەيمەنوۆ رامازان بيماشۇلى دۇنيەگە كەلدى.

استانا قالاسىندا تۋعان. س.م. كيروۆ اتىنداعى قازاق مەملەكەتتىك ۋنيۆەرسيتەتىن (قازىرگى ءال-فارابي اتىنداعى قازاق ۇلتتىق ۋنيۆەرسيتەتى), قازاقستان رەسپۋبليكاسى عىلىم اكادەمياسى تاريح، ارحەولوگيا جانە ەتنوگرافيا ينستيتۋتىنىڭ اسپيرانتۋارسىن بىتىرگەن.

1959-1988 جىلدارى - قازاقستان رەسپۋبليكاسى عىلىم اكادەمياسى تاريح، ارحەولوگيا جانەە ەتنوگرافيا ينستيتۋتىنىڭ كىشى، اعا عىلىمي قىزمەتكەرى، ءبولىم مەڭگەرۋشىسى، ديرەكتورىنىڭ ورىنباسارى، ديرەكتورى. 1986-1992 جىلدارى - قازاقستان رەسپۋبليكاسى عىلىم اكادەمياسى قوعامدىق عىلىمدار بولىمشەسىنىڭ اكادەميك-حاتشىسى. 1992 جىلى قازاقستان رەسپۋبليكاسى عىلىم اكادەمياسىنىڭ ۇيعىرتانۋ ينستيتۋتى جانىنداعى شىعىستانۋ ورتالىعىنىڭ جەتەكشىسى قىزمەتتەرىن اتقارعان.

بىرنەشە كىتاپتىڭ اۆتورى، 240-تان استام عىلىمي ەڭبەكتەرى جاريالانعان. قازاق كسر جوعارعى كەڭەسىنىڭ قۇرمەت گراموتاسىمەن، مەدالمەن ماراپاتتالعان.

70 جىل بۇرىن (1941-2006) قازاقستان رەسپۋبليكاسى الەۋمەتتىك عىلىمدار اكادەمياسىنىڭ قۇرمەتتى مۇشەسى، قوعام قايراتكەرى ساعيتجانوۆ سەرىك قابدىحالىقۇلى دۇنيەگە كەلدى.

اتىراۋ قالاسىندا تۋعان. ي.م.گۋبكين اتىنداعى ماسكەۋ مۇناي ينستيتۋتىن بىتىرگەن.

1965-1967 جىلدارى - گۋرەۆ ماشينا جاساۋ زاۋىتىنىڭ شەبەرى، ينجەنەر-تەحنولوگى، اعا ينجەنەرى. 1967-1970 جىلدارى - «بايشوناس» مۇناي وندىرىستىك باسقارماسىنىڭ مەحانيگى، باس مەحانيگى. 1970-1976 جىلدارى - «جايىقمۇناي»، «دوسسورمۇناي» مۇنايگاز ءوندىرۋ باسقارماسىنىڭ باس مەحانيگى. 1976-1977 جىلدارى - دوسسور ەلدى-مەكەنىندەگى وندىرىستىك قىزمەت كورسەتۋ ورتالىق قويماسىنىڭ باستىعى. 1977-1983 جىلدارى - نوۆوبوگاتينسك اۋداندىق پارتيا كوميتەتىنىڭ ەكىنشى حاتشىسى. 1983-1985 جىدارى - نوۆوبوگاتينسك اۋداندىق اتقارۋ كوميتەتىنىڭ توراعاسى. 1985-1988 جىلدارى - ماقات اۋداندىق اتقارۋ كوميتەتىنىڭ توراعاسى. 1988-1990 جىلدارى - گۋرەۆ قالالىق حالىقتىق باقىلاۋ كوميتەتىنىڭ توراعاسى. 1991-1992 جىلدارى - «گۋرەۆمۇنايگازگەولوگيا» باس ديرەكتورىنىڭ ورىنباسارى. 1992-1993 جىلدارى - ماقات اۋدانى اكىمشىلىگىنىڭ باسشىسى. 1993-1994 جىلدارى - اتىراۋ وبلىسى اكىمشىلىگى باسشىسىنىڭ ورىنباسارى. 1994-1999 جىلدارى - «تەڭىزمۇنايگاز» اق-ىنىڭ باس ديرەكتورى، پرەزيدەنتى. 1999-2000 جىلدارى - «قازاقويل-ەمبى» ااق وندىرىستىك قىزمەت كورسەتۋ ورتالىق قويماسىنىڭ باستىعى. 2001-2002 جىلدارى - «جىگەرمۇنايسەرۆيس» جشس-ءىنىڭ ديرەكتورى قىزمەتتەرىن اتقارعان. 2002 جىلدان زەينەتكەرلىك دەمالىسىندا بولعان.

قۇرمەت وردەنىمەن جانە مەدالدارمەن ماراپاتتالعان.

55 جىل بۇرىن (1956) قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ الماتى وبلىسى بويىنشا دەپارتامەنتىنىڭ ديرەكتورى تۇيمەباەۆ بايسەيىت قانسەيىتۇلى دۇنيەگە كەلدى..

وڭتۇستىك قازاقستان العاباس اۋداندا تۋعان. قازاق حيميالىق تەحنولوگيالىق ينستيتۋتىن، قازاق مەملەكەتتىك باسقارۋ اكادەمياسىن بىتىرگەن..

1979-1987 جىلدارى - شەۆچەنكو پلاستماس  زاۋىتىنىڭ شەبەرى، ينجەنەرى، اعا ينجەنەرى. 1987-1988 جىلدارى - ماڭعىشلاق وبلىستىق اتقارۋ كوميتەتىنىڭ جەتەكشى مامانى،  توراعا ورىنباسارىنىڭ رەفەرەنتى. 1988-1989 جىلدارى - «قاراجان-باستەرممۇناي» مۇناي-گاز ءوندىرۋ باسقارماسىنىڭ باسقارما باستىعى، شەۆچەنكو قالاسىنداعى وبلىستىق تۇرعىن-ءۇي كوممۋنالدىق شارۋاشىلىعىنىڭ ءبولىم باستىعى. 1989-1992 جىلدارى - شىمكەن وبلىستىق اتقارۋ كوميتەتى توراعاسىنىڭ ەكونوميكالىق كەڭەسشىسى، كوميتەت توراعاسى  ءبىرىنشى ورىنباسارىنىڭ كومەكشىسى، كوميتەت توراعاسى  ورىنباسارىنىڭ  كومەكشىسى. 1992-1999 جىلدارى - وڭتۇستىك قازاقستان اكىمشىلىگى باسشىسى ورىنباسارىنىڭ رەفەرەنتى، جەتەكشى مامانى، وڭتۇستىك قازاقستان اكىمى ءبىرىنشى ورىنباسارىنىڭ اعا رەفەرەنتى،باس مامانى. 1999-2002 جىلدارى - قازاقستان رەسپۋبليكاسى تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ اگەنتتىگى وڭتۇستىك قازاقستان وبلىسى  بويىنشا دەپارتامەنتىنىڭ ءبولىم مەڭگەرۋشىسى. 2002-2007 جىلدارى - قازاقستان رەسپۋبليكاسى تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ اگەنتتىگى - تابيعي مونوپوليالاردى رەتتەۋ اگەنتتىگىنىڭ وڭتۇستىك قازاقستان وبلىسى  بويىنشا دەپارتامەنتىنىڭ  ديرەكتورى، باسقارما باستىعى. 2007-2008 جىلدارى - وڭتۇستىك قازاقستان وبلىسى بايدىبەك اۋدانىنىڭ اكىمى، قازاقستان رەسپۋبليكاسى باسەكەلەستىكتى قورعاۋ تابيعي مونوپوليالاردى رەتتەۋ اگەنتتىگىنىڭ الماتى وبلىسى جانە الماتى قالاسى بويىنشا ايماق ارالىق ينسپەكتسياسىنىڭ باستىعى قىزمەتتەرىن اتقارعان. 2008 جىلدان - قازىرگى قىزمەتىندە.

مەدالمەن ماراپاتتالعان.

اقپاننىڭ 18-ءى، جۇما

گامبيانىڭ ۇلتتىق مەرەكەسى - تاۋەلسىزدىك كۇنى. 46 جىل بۇرىن (1965) گامبيا تاۋەلسىزدىك العانىمەن دە بريتان دوستاستىعىنىڭ قۇرامىندا قالدى. 1588 جىلى افريكانىڭ ناق وسى اۋماعىندا اعىلشىنداردىڭ العاشقى كولونياسى پايدا بولعان ەدى.

وقيعالار

3 جىل بۇرىن (2008) الماتىدا ورتالىق ازيا مەن كاۆكازداعى العاشقى اكتۋاري مەكتەبى اشىلدى.

ونى قازاقستان اكتۋاريلەر قوعامى اقش-تىڭ حالىقارالىق دامۋ جونىندەگى اگەنتتىگىنىڭ قولداۋىمەن «قارجىلىق تۇراقتىلىق ءۇشىن ارىپتەستىك» باعدارلاماسى اياسىندا East West menegment Institute مەن بىرىگىپ اشىپ وتىر. يگى ىسكە ۆارشاۆا جازعى اكتۋاري مەكتەبىن ۇيىمداستىرۋشىلار دا اتسالىستى. مەكتەپ ورتالىق ازيا مەن كاۆكازداعى ساقتاندىرۋ كومپانيالارىنا ارنالعان. «وعان قازاقستان، قىرعىزستان، وزبەكستان، تاجىكستان، ءازىربايجان، ارمەنيا، گرۋزيا سياقتى ەلدەردىڭ تاۋەكەلدى باعالاۋشى ماماندارى قاتىسۋدا. بۇل قازاقستان اكتۋاريلەرىنىڭ ۇلكەن جەتىستىگى. ويتكەنى ءبىز ءوزىمىزدىڭ عانا ەمەس ايماقتاعى باسقا ەلدەردىڭ دە تاۋەكەلدى باسقارۋشى ماماندارى وقىتۋعا ۇلەس قوسادى.

1 جىل بۇرىن (2010) جاس سوت ورىنداۋشىلارى ءۇشىن پاۆلودار وبلىسىنىڭ سوت اكىمشىلىگىنىڭ جانىندا قۇرىلعان وقۋ-ادىستەمەلىك ورتالىق اشىلدى.

جۇمىسقا قابىلدانعان زاڭ وقۋ ورىندارىنىڭ تۇلەكتەرى، ۋنيۆەرسيتەت باعدارلاماسىندا «سوت ورىنداۋشىسى» دەگەن كۋرستىڭ بولماۋىنان ءوز قىزمەتتەرىن تاجىريبە بارىسىندا يگەرۋگە ءماجبۇر.

ورتالىق جاس ماماندارعا ءوز قىزمەتتەرىنىڭ قىرى مەن سىرىن ۇيرەنۋگە كومەكتەسەتىن بولادى.

1 جىل بۇرىن (2010) الماتىدا «دەنىڭىز ساۋ بولسىن» دەگەن اتپەن ورىس تىلىندەگى وتباسىلىق جاڭا جۋرنال جارىققا شىقتى.

باسىلىم مەدەۋ اۋداندىق شاعىن جانە ورتا بيزنەستى قولداۋ قاۋىمداستىعىنىڭ كومەگىمەن جارىق كورىپ وتىر. جۋرنالدىڭ باستى باعىتى دەنساۋلىق سالاسىن، سالاۋاتتى ءومىر سالتىن ناسيحاتتاۋ.

باسىلىمنىڭ ەرەكشەلىگى - تەگىن تاراتىلاتىندىعىندا. 10 مىڭ دانامەن شىعاتىن جۋرنالدى قوعامدىق ورىنداردان تابۋعا بولادى.

ەسىمدەر

75 جىل بۇرىن (1936) سۋرەتشى، قازاقستان سۋرەتشىلەر وداعىنىڭ مۇشەسى، قازاقستاننىڭ ەڭبەك سىڭىرگەن ونەر قايراتكەرى، تاۋەلسىز «تارلان» سىيلىعىنىڭ لاۋرەاتى يساباەۆ يساتاي دۇنيەگە كەلدى.

الماتى وبلىسى اقسۋ اۋدانىندا تۋعان. ماسكەۋ پوليگرافيالىق ينستيتۋتىن بىتىرگەن. قازاق حالقىنىڭ «ەر تارعىن»، «قامبار باتىر»، «قوبىلاندى باتىر»، «قوزى كورپەش - بايان سۇلۋ» جىرلارىنىڭ جەلىسى بويىنشا سالىنعان كوركەم تۋىندىلارىمەن تانىمال بولدى. ونىڭ كورنەكتى شىعارمالارىنىڭ ءبىرى - «مۇحتار اۋەزوۆ - جازۋشى» اتتى لينوگراۆيۋراسى. اباي شىعارمالارىنىڭ جەلىسى بويىنشا جازعان اۆتوليتوگرافيالىق ەڭبەكتەرى تەرەڭ فيلوسوفيالىق تولعانىسىمەن، سۋرەتكەرلىك ءتىلىنىڭ نازىكتىلىگىمەن، ايقىندىلىعىمەن ەرەكشەلەنەدى. ونىڭ تۋىندىلارى حالىقارالىق كورمەلەرگە قويىلىپ، ءتۇرلى جۇلدەلەرگە يە بولدى.

65 جىل بۇرىن (1946-2004) جازۋشى، اۋدارماشى، حالىقارالىق «الاش» ادەبي سىيلىعىنىڭ لاۋرەاتى ەسلامعاليۇلى مۇقادەس دۇنيەگە كەلدى.

باتىس قازاقستان وبلىسى سىرىم اۋدانىندا تۋعان. ورال پەداگوگيكالىق ينستيتۋتىن بىتىرگەن.

1976-1979 جىلدارى - ورال وبلىستىق راديو-تەلەديدار كوميتەتىنىڭ اعا رەداكتورى. 1979-1983 جىلدارى - «جالىن» باسپاسىنىڭ اعا رەداكتورى. 1983-1984 جىلدارى - «قازاق ادەبيەتى» گازەتىنىڭ ءتىلشىسى. 1984-1990 جىلدارى - رەسپۋبليكالىق تەلەارنادا «تاماشا» ويىن-ساۋىق حابارىنىڭ باس رەداكتورى. 1990-1993 جىلدارى - «دەنساۋلىق» جۋرنالى باس رەداكتورىنىڭ ورىنباسارى. 1993-1995 جىلدارى - «جازۋشى» باسپاسىنىڭ جەتەكشى رەداكتورى. 1998 جىلدان باستاپ قازاقستان جازۋشىلار وداعىنىڭ ادەبي كەڭەسشىسى بولعان. جازۋشىنىڭ «اققۋ سازى»، «ەكىنشى تىنىس»، «قايىرلى تاڭ»، «ەكى باسقا دۇنيە»، اتتى پوۆەستەرى مەن اڭگىمەلەرى، «تولقىن مەن اعىن»، «تۇمان ىشىندەگى كوش» اتتى روماندارى، تاعى باسقا كىتاپتارى بار. سونداي-اق «تولە بي»، «پارتيزان قاسىم قايسەنوۆ»، «اق باتا»، «تاماشا»، «جاھانشا دوسمۇحامەدوۆ» اتتى جيناقتار قۇراستىرعان. ۆ.راسپۋتين، ۆ.شۋكشين، ت.ب. شەت ەل جازۋشىلارىنىڭ اڭگىمەلەرىن قازاق تىلىنە اۋدارعان. ونىڭ «جازىقسىز تامعان جاس» اتتى پەساسى عابيت مۇسىرەپوۆ اتىنداعى جاستار مەن بالالار تەاترىندا جانە وبلىستىق تەاترلاردا قويىلعان. 2001 جىلى قالامگەرگە «تۇمان ىشىندەگى كوش» رومانى ءۇشىن حالىقارالىق «الاش» ادەبي سىيلىعى بەرىلگەن.

65 جىل بۇرىن (1946) «2011 جىلعى 7-قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسياسى» اكتسيونەرلىك قوعامىنىڭ پرەزيدەنتى، قازاقستان رەسپۋبليكاسىنىڭ ەڭبەگى سىڭىرگەن قايراتكەرى، قازاقستاننىڭ ەڭبەك سىڭىرگەن جاتتىقتىرۋشىسى، پەداگوگيكا عىلىمدارىنىڭ دوكتورى، قۇلنازاروۆ ءاناتولى قوجەكەنۇلى دۇنيەگە كەلدى.

شىعىس قازاقستان وبلىسىندا تۋعان. وسكەمەن قالاسىنداعى پەداگوگيكالىق ينستيتۋتتى بىتىرگەن.

1974-1979 جىلدارى - وسكەمەن قالاسىنداعى بالالار سپورت مەكتەبى ديرەكتورىنىڭ ورىنباسارى، ديرەكتورى. 1979-1985 جىلدارى - الماتى قالاسىنداعى قاجىمۇقان اتىنداعى رەسپۋبليكالىق سپورت مەكتەپ-ينتەرناتى ديرەكتورىنىڭ ورىنباسارى. 1985-1987 جىلدارى - قازاق كسر وقۋ مينيسترلىگىنىڭ ءبولىم، باسقارما باستىعى. 1987-1997 جىلدارى - قازاقستان رەسپۋبليكاسى جاستار ءىسى، تۋريزم جانە سپورت ءمينيسترىنىڭ ءبىرىنشى ورىنباسارى. 1997-1999 جىلدارى - قازاقستان رەسپۋبليكاسى دەنساۋلىق ساقتاۋ، ءبىلىم جانە سپورت قازاقستان رەسپۋبليكاسى مينيسترلىگى سپورت جانە دەنە تاربيەسى كوميتەتىنىڭ توراعاسى. 1999-2000 جىلدارى - قازاقستان رەسپۋبليكاسى پرەمەر-ءمينيسترىنىڭ كەڭەسشىسى. 2000-2006 جىلدارى - دەنە تاربيەسى ۇلتتىق عىلىمي-تاربيە ورتالىعىنىڭ ديرەكتورى. 2006-2010 جىلدارى - قازاقستان رەسپۋبليكاسى تۋريزم جانە  سپورت مينيسترلىگى سپورت كوميتەتىنىڭ توراعاسى قىزمەتتەرىن اتقارعان. 2010 جىلدىڭ ناۋرىز ايىنان - قازىرگى قىزمەتىندە.

2002 جىلدان قازاقستان رەسپۋبليكاسى ۇلتتىق وليمپيادا كوميتەتىنىڭ ءبىرىنشى ۆيتسە-پرەزيدەنتى، 2007 جىلدىڭ تامىز ايىنان - فۋتبول فەدەراتسياسى اتقارۋ كوميتەتىنىڭ مۇشەسى، كسرو-نىڭ جەڭىل اتلەتيكادان سپورت شەبەرلىگىنە كانديداتى. پەتروۆسك عىلىم جانە ونەر اكادەمياسىنىڭ اكادەميگى، قازاقستاننىڭ ەڭبەك سىڭىرگەن مۇعالىمى. ونىڭ «ءبىلىم جۇيەسىندە فۋتبول كلۋبتارىن دامىتۋدىڭ تۇجىرىمداماسى»، «كۇش-قۋاتتىق جەڭىل اتلەتيكا»، «قازاقستان رەسپۋبليكاسىنداعى بالالار مەن وقۋشى جاستاردىڭ دەنە تاربيەسى باعدارلاماسى»، تاعى باسقا وقۋ ادىستەمەلىك كىتاپتارى بار.

قازاقستان رەسپۋبليكاسىنىڭ قۇرمەت گراموتاسىمەن جانە مەدالمەن ماراپاتتالعان.

اقپاننىڭ 19-ى، سەنبى

بۇكىلالەمدىك كيتتەر كۇنى. بۇكىلالەمدىك كيتتەر كۇنى - 1986 جىلى حالىقارالىق كيت اۋلاۋ (International Whaling Commission - IWC) كوميسسياسىندا بەكىتىلگەن. سول جىلى اقپاننىڭ 19-ىندا حالىقارالىق كيت اۋلاۋ كوميسسياسى دۇنيەجۇزىندە كيت اۋلاۋ ونەركاسىبى مەن كيت ەتىن ساتۋعا تيىم سالعان. بىراق، اقپاننىڭ 19-ى كيتتەردى قورعاۋ كۇنى عانا ەمەس، سونىمەن بىرگە بارلىق مۇحيت پەن تەڭىز ءسۇت قورەكتىلەرىن قورعاۋ كۇنى. كەيدە ءار مەملەكەتتىڭ ەكولوگيالىق ۇيىمدارى جينالىپ، وسى كۇندى تولىعىمەن جوعالىپ كەتۋ ۇستىندەگى  بىرەگەي ءبىر ءسۇت قورەكتىنى قورعاۋعا ارنايدى.

وقيعالار

5 جىل بۇرىن (2006) كەرلينگ ويىنى بەينەلەنگەن جاڭا پوشتا ماركاسى اينالىمعا ەندى.

وليمپيادا ويىندارىنىڭ جاڭا سپورت ءتۇرىنىڭ ءبىرى كەرلينگ ويىنىنىڭ بارىسى بەينەلەنگەن، «33ح27,5 مم كولەمىندەگى پوشتا ماركاسىن رينات جاپالوۆ بەزەندىردى. ول بەيجىڭدەگى (قحر) پوشتالىق تولەم بەلگىلەرى فابريكاسىندا، 50 مىڭ دانامەن باسىلدى.

3 جىل بۇرىن (2008) قازاقستان رەسپۋبليكاسىنىڭ رەسەيدەگى ەلشىلىگىنىڭ قولداۋىمەن ماسكەۋدەگى ايماقتىق قازاق ۇلتتىق-مادەني اۆتونومياسى وسى قالاداعى ۇلتتار ءۇيىنىڭ عيماراتىندا كەڭەس وداعىنىڭ باتىرى ءاليا مولداعۇلوۆا تۋرالى «ومىرگە اينالعان ەرلىك» كىتابىنىڭ تانىستىرىلىمى ءوتتى.

قازاق حالقىنىڭ باتىر قىزى ءاليا مولداعۇلوۆانىڭ ءومىرى مەن ەرەن ەرلىگى قازاقستان مەن رەسەي حالىقتارى دوستىعىنىڭ ماڭگىلىك سيمۆولىنا اينالدى. كىتاپ اۆتورلارى عالىمجان بايدەربەس پەن ۇزاقباي قاۋىس ءبىر كەزدەگى جاس بويجەتكەننىڭ تاعدىرى تۋرالى بايان ەتە كەلىپ، ونىڭ قايسار مىنەزىنىڭ قالاي قالىپتاسقانى تۋرالى تولعاندىرادى.

3 جىل بۇرىن (2008) الماتىدا جوڭعار جانە ىلە الاتاۋىنداعى جوعالىپ كەتۋ ۇستىندەگى وسىمدىكتەردىڭ تۇرلەرى تۋرالى بۇۇ دامۋ باعدارلاماسى باسىپ شىعارعان كىتاپتىڭ تانىستىرىلىمى بولدى. كىتاپ «راستەنيا دجۋنگارسكوگو ي زايليسكوگو الاتاۋ، نۋجدايۋششيەسيا ۆ وحرانە» دەپ اتالادى. كىتاپ 60 وسىمدىكتىڭ قىسقا انىقتاماسىنان جانە فوتوسۋرەتتەردەن تۇرادى. كىتاپتىڭ ماقساتى تابيعاتتى سۇيەتىن كوپشىلىكتىڭ نازارىنا وسىمدىكتەردىڭ قۇندىلىعى تۋرالى اقپاراتتى جەتكىزۋ بولىپ تابىلادى. كىتاپ قازاقستان رەسپۋبليكاسى ۇكىمەتىنىڭ، جاھاندىق ەكولوگيالىق قوردىڭ جانە بۇۇ دامۋ باعدارلاماسى جوباسى قىزمەتىنىڭ شەڭبەرىندە شىعارىلدى.

ەسىمدەر

90 جىل بۇرىن (1921) «ينتەللەكتۋال-پاراسات» جشس-ءنىڭ پرەزيدەنتى، قوعام قايراتكەرى، زاڭ عىلىمىنىڭ دوكتورى، پروفەسسور، قازاقستان رەسپۋبليكاسى عىلىم اكادەمياسىنىڭ اكادەميگى، قازاقستاننىڭ ەڭبەك سىڭىرگەن عىلىم قايراتكەرى، قازاقستان رەسپۋبليكاسى پرەزيدەنتىنىڭ بەيبىتشىلىك پەن رۋحاني كەلىسىم سىيلىعىنىڭ، قازاقستان مەملەكەتتىك سىيلىعىنىڭ لاۋرەاتى زيمانوۆ سالىق دۇنيەگە كەلدى.

اتىراۋ قالاسىندا تۋعان. بۇكىلوداقتىق زاڭ ينستيتۋتىن بىتىرگەن. ۇلى وتان سوعىسىنا قاتىسقان.

1944-1945 جىلدارى - ديۆيزيون، مينومەت پولكى، ارتيلەريا پولكى كومانديرى بولىپ، پولكوۆنيك شەنىمەن اسكەري قىزمەتتەن بوساعان. 1946-1947 جىلدارى - گۋرەۆ وبلىستىق پروكۋراتۋراسىنىڭ تەرگەۋشىسى، اعا تەرگەۋشىسى. 1947-1948 جىلدارى - قازاق كسر پروكۋراتۋراسى جانىنداعى ەرەكشە ماڭىزدى ىستەر جونىندەگى تەرگەۋشى. 1948-1952 جىلدارى - قازاقستان رەسپۋبليكاسى عىلىم اكادەمياسى قۇقىق سەكتورىنىڭ اسپيرانتى، اعا عىلىمي قىزمەتكەرى، سەكتور مەڭگەرۋشىسى. 1952-1958 جىلدارى - الماتى مەملەكەتتىك زاڭ ينستيتۋتىنىڭ ديرەكتورى، قازاق مەملەكەتتىك ۋنيۆەرسيتەتى زاڭ فاكۋلتەتىنىڭ دەكانى. 1958-1969 جىلدارى - قازاقستان رەسپۋبليكاسى عىلىم اكادەمياسى فيلوسوفيا جانە قۇقىق ينستيتۋتىنىڭ ديرەكتورى. 1969-1976 جىلدارى وسى ينستيتۋتتىڭ ءبولىم مەڭگەرۋشىسى بولعان. 1976-1977 جىلدارى - قازاقستان رەسپۋبليكاسى عىلىم اكادەمياسى تورالقاسىنىڭ باس عىلىمي-حاتشىسى. 1992-1994 جىلدارى - قازاقستان رەسپۋبليكاسى عىلىم اكادەمياسى مەملەكەت جانە قۇقىق ينستيتۋتىنىڭ باس عىلىمي قىزمەتكەرى. 1992-1993 جىلدارى - قازاقستان رەسپۋبليكاسى جوعارعى كەڭەسى ارداگەرلەر مەن مۇگەدەكتەر جونىندەگى كوميتەتىنىڭ توراعاسى. 1994-1995 جىلدارى - قازاقستان رەسپۋبليكاسى جوعارعى كەڭەسى كونستيتۋتسيالىق زاڭناما جانە ادام قۇقىعى جونىندەگى كوميتەتىنىڭ توراعاسى. 1995-2005 جىلدارى - «پاراسات» اكادەميالىق ۋنيۆەرسيتەتىنىڭ رەكتورى قىزمەتتەرىن اتقارعان. 2005 جىلدان - قازىرگى قىزمەتىندە. اتىراۋ وبلىسىنىڭ قۇرمەتتى ازاماتى.

زيمانوۆتىڭ عىلىمي زەرتتەۋ ەڭبەكتەرى مەملەكەت جانە قۇقىق تاريحى مەن تەورياسىنا، قازاقستان مەن ورتالىق ازيانىڭ باسقا دا ايماقتارىندا ۇلتتىق مەملەكەتتەردىڭ قالىپتاسۋى مەن دامۋىنا، قازاقستان رەسپۋبليكاسىنىڭ مەملەكەتتىك تاۋەلسىزدىگىنە جانە باسقا دا وزەكتى ماسەلەلەرگە ارنالعان. سونىمەن قاتار عالىمنىڭ قازاقتىڭ ءداستۇرلى قۇقىقتىق مادەنيەتىنە، شاريعات زاڭدارىنا قاتىستى بىرنەشە عىلىمي ەڭبەكتەرى جارىق كورگەن. زيمانوۆ «قازاق كسر-ءىنىڭ مەملەكەتتىك ەگەمەندىگى تۋرالى دەكلاراتسيانىڭ» جوباسىن دايىنداۋ جونىندەگى كوميسسيانى باسقارىپ، «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتتسيالىق زاڭنىڭ جوباسىن دايىنداۋ جونىندەگى كوميسسيانىڭ جەتەكشى مۇشەلەرىنىڭ ءبىرى بولدى. عالىم 2001-2002 جىلدارى 1-ءشى جانە 2-ءشى تومدارى جارىق كورگەن 10 تومدىق «قازاقتىڭ اتا زاڭدارى» ەنتسيكلوپەدياسىنا عىلىمي جەتەكشىلىك جاساعان.

«پاراسات»، ەكى مارتە 1-ءشى دارەجەلى وتان سوعىسى، قىزىل جۇلدىز، حالىقتار دوستىعى وردەندەرىمەن، «كاۆكازدى قورعاعانى ءۇشىن»، «كەنيگسبەرگتى العانى ءۇشىن» مەدالدارىمەن ماراپاتتالعان.

اقپاننىڭ 20-ى، جەكسەنبى

دۇنيەجۇزىلىك الەۋمەتتىك ادىلەتتىلىك كۇنى. بۇۇ باس اسسامبلەياسىنىڭ ارنايى قارارىمەن 2007-ءىنشى جىلعى جەلتوقساننىڭ 18-ىندە جاريالانعان.

قاراردا حالىقارالىق قاۋىمداستىق كەدەيشىلىكتى جويۋ سالاسىندا، ەڭبەكپەن تولىق قامتاماسىز ەتۋدە، لايىقتى جۇمىس تاۋىپ بەرۋدە، ەرلەر مەن ايەلدەر تەڭدىگىن ساقتاۋدا، بارلىق ادامدار ءۇشىن الەۋمەتتىك جايلى جاعداي مەن ادىلەتتىلىكتى ىسكە اسىرۋدا كۇش-جىگەردى ودان ءارى ارتتىرۋ قاجەتتىلىگى ماقۇلدانادى.

وقيعالار

25 جىل بۇرىن (1986) «بايقوڭىر» عارىش ايلاعىنان «مير» وربيتالدىق عارىش ستانتسياسى ۇشىرىلدى، ول كۇردەلى كوپ ماقساتتى عىلىمي-زەرتتەۋ كەشەنى بولىپ تابىلادى. 1986 جىلعى اقپاننىڭ 20-ىندا كەشەن وربيتاعا شىعارىلدى. سودان كەيىن 10 جىل ىشىندە التى مودۋل ءتۇيىستىرىلدى

1995 جىلدان باستاپ ستانتسيانى شەتەلدىڭ ەكيپاجدارى قونا باستادى. سونىمەن قاتار ستانتسياعا 15 ەكسپەديتسيا قوندى، ونىڭ 14 حالىقارالىق سيريا.، بولگاريا، اۋعانستان، فرانتسيا (5 رەت), جاپونيا، ۇلىبريتانيا، اۆستريا، گەرمانيا (2 رەت), سلوۆاكيا، كانادا سىندى ەلدەردىڭ عارىشكەرلەرى قاتىستى. ستانتسيادا بارلىعى 12 ەلدىڭ 104 عارىشكەرى جۇمىس ىستەدى. «مير - شاتتل» باعدارلاماسىنىڭ شەڭبەرىندە «اتلانتيس»، «يندەۆور»، «ديسكاۆەري» كەمەلەرىنىڭ كومەگىمەن 44 عارىشكەر جەتى قىسقا مەرزىمدى ساياحاتتا بولدى.

2001 جىلعى ناۋرىزدىڭ 23-ىندە ستانتسيا تىڭىق مۇحىتىندا سۋعا باتىرىلدى.

5 جىل بۇرىن (2006) مەملەكەت باسشىسى نۇرسۇلتان نازارباەۆ «سەكيۋريتيلەندىرۋ تۋرالى» زاڭعا قول قويدى.

اتالعان زاڭ ەكونوميكانىڭ ناقتى سەكتورىن قارجىلاندىرۋدىڭ قازىرگى ءبىر ءتۇرى رەتىندە سەكيۋريتيلەندىرۋ ينستيتۋتىنىڭ قىزمەتى مەن دامۋىنىڭ قۇقىقتىق نەگىزدەرىن بەلگىلەيدى. سونداي-اق ەلباسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سەكيۋريتيلەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. وسى زاڭعا سايكەس قازاقستاندا سەكيۋريتيلەندىرۋ ينستيتۋتىن ەنگىزۋگە بايلانىستى بىرقاتار زاڭنامالىق اكتىلەرگە وزگەرتۋلەر ەنگىزىلدى.

5 جىل بۇرىن (2005) مەملەكەت باسشىسى نۇرسۇلتان نازارباەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. اتالعان زاڭ ساقتاندىرۋ سالاسىنداعى زاڭنامانى ودان ءارى جەتىلدىرۋگە باعىتتالعان.

3 جىل بۇرىن (2008) قازاقستان رەسپۋبليكاسىنىڭ ۇلتتىق كىتاپحاناسىندا امەريكان مادەنيەتىنىڭ ورتالىعى اشىلدى.

جوبانىڭ ماقساتى - وقىرمانداردى اقش مادەنيەتىنەن حابار بەرەتىن كىتاپتارمەن، مەرزىمىندى باسىلىمدارمەن، تەلەديدار باعدارلامالارىمەن جانە ينتەرنەتپەن قامتاماسىز ەتۋ. سونداي-اق، وسى ەلدىڭ مادەنيەت قايراتكەرلەرىمەن كەزدەسۋلەر ۇيىمداستىرىلىپ، ارنايى دارىستەر مەن ترەنينگتەر وتكىزىلىپ تۇراتىن بولادى. قازاقستان رەسپۋبليكاسى ۇلتتىق كىتاپحاناسىندا الەم حالىقتارىنىڭ 50-دەن استام تىلىندە جازىلعان كىتاپتاردىڭ باي قورى بار. اعىلشىن تىلىندەگى ادەبيەتتەردىڭ سانى 100 مىڭ دانادان اسادى.

ەسىمدەر

45 جىل بۇرىن (1966) قازاقستان رەسپۋبليكاسى پرەمەر ءمينيسترى كەڭسەسى يندۋسترالدى-يننوۆاتسيالىق دامۋ ءبولىمى مەڭگەرۋشىسىنىڭ ورىنباسارى باسەكەەۆ ادىلبەك ءالىمجانۇلى دۇنيەگە كەلدى.

قىزىلوردا وبلىسى لەنينسك (قازىرگى بايقوڭىر) قالاسىندا تۋعان. لەنينسك بايلانىس ەلەكتر تەحنيكۋمىن، ماسكەۋ بايلانىس جانە اقپاراتتاندىرۋ تەحنيكالىق ۋنيۆەرسيتەتىن، ماسكەۋ بيزنەس جانە اقپاراتتىق تەحنولوگيالار حالىقارالىق ۋنيۆەرسيتەتىن بىتىرگەن. 1987-1993 جىلدارى - لەنينسك تەلەورتالىعىنىڭ اعا ەلەكتر مەحانيگى. 1993-1994 جىلدارى - لەنينسك قالالىق اكىمشىلىگى باسشىسىنىڭ كومەكشىسى. 1994-1995 جىلدارى - لەنينسك قالالىق جاستار ءىسى، تۋريزم جانە سپورت باسقارماسىنىڭ باستىعى. 1995-1999 جىلدارى - لەنينسك قالالىق مەملەكەتتىك مۇلىك جانە جەكەشەلەندىرۋ جونىندەگى اۋماقتىق كوميتەتىنىڭ توراعاسى. 1999-2002 جىلدارى - قازاقستان رەسپۋبليكاسى پرەمەر-ءمينيسترى كەڭسەسى وڭىرلىك دامىتۋ جانە كادر جونىندەگى ءبولىمىنىڭ باس ينسپەكتورى. 2002-2004 جىلدارى - قازاقستان رەسپۋبليكاسى پرەزيدەنتى اكىمشىلىگى ۇيىمداستىرۋ-باقىلاۋ ءبولىمىنىڭ مەملەكەتتىك ينسپەكتورى. 2004-2008 جىلدارى - قازاقستان رەسپۋبليكاسى پرەزيدەنتىنىڭ بايقوڭىر عارىش ايلاعىنداعى ارناۋلى وكىلى قىزمەتتەرىن اتقارعان. 2008 جىلدان - قازىرگى قىزمەتىندە.

مەدالدارمەن ماراپاتتالعان.