ءامىرجان قوسانوۆ. 9 گرامم
قادىر اعا قايتقان كۇنى جاۋعان قار تۋرالى
ادەبيەتتە ايدىك دەگەن قالدى اتى.
اقىندارسىز - ءومىر لەكەر، قالجاۋلى.
ءبىر اي بويى قار كورمەدى الماتى، -
قادىر اعا قايتقان كۇنى قار جاۋدى!
ءتاندى ورايدى. جىردى وراي ما اقىرەت؟
زامانىنا ايىپ ەمەس، ناز ارتتى.
اق سويلەۋدى بىلەتۇعىن اقىن ەد،
وسى قارمەن اۋامىزدى تازارتتى.
ءوزى تازا جۇرەتۇعىن اقىن ەد،
جۇرىسىمەن بۇل ءومىردى تازارتتى!
ولەڭ جازۋ - ءار اقىننىڭ ۇلى ءىسى،
كەتكەنىنشە جىرىن توكتى، تىنبادى!
باسقالارعا ساباق بولدى مۇنىسى -
كادىر اقىن يىلمەدى، سىنبادى!
پەرىشتەنى ەتەتىندەي سىرقاتتى
بيلىك دەگەن، بايلىق دەگەن بالە ەكەن!
بارماسا دا باستار جاققا تىم قاتتى،
تەكتىلىگىن ساقتاپ قالدى قادەكەڭ!
ەل جاعىندا جۇرگەن مەنىڭ زاتىمدى ۇق،
بادكىم مەنىڭ مىنا ويىم توسىنداۋ:
بۇل زاماندا ماقتاماۋىڭ - باتىرلىق!
مىنەزدىلىك - ورتاق حورعا قوسىلماۋ!
جاۋلاپ كەتكەن دالا مەنەن قالانى
تەكسىزدىكتىڭ بولار ما ەكەن ءتامامى؟
ءوتتى-كەتتى اباي اقىن زامانى، -
ورنادى عوي ساراي اقىن زامانى!
ورنادى عوي مالاي اقىن زامانى!
ءار ساۋالعا تابىلاتىن جاۋابى،
شىن اقىننىڭ ولەڭ-جىرىن جاتتاپ قال!
اقىن كەتتى. ونى بىلمەي جاۋادى
اق قاعازداي ولەڭ جازار اپپاق قار...
قادىر اعا قايتقان كۇنى جاۋعان قار تۋرالى
ادەبيەتتە ايدىك دەگەن قالدى اتى.
اقىندارسىز - ءومىر لەكەر، قالجاۋلى.
ءبىر اي بويى قار كورمەدى الماتى، -
قادىر اعا قايتقان كۇنى قار جاۋدى!
ءتاندى ورايدى. جىردى وراي ما اقىرەت؟
زامانىنا ايىپ ەمەس، ناز ارتتى.
اق سويلەۋدى بىلەتۇعىن اقىن ەد،
وسى قارمەن اۋامىزدى تازارتتى.
ءوزى تازا جۇرەتۇعىن اقىن ەد،
جۇرىسىمەن بۇل ءومىردى تازارتتى!
ولەڭ جازۋ - ءار اقىننىڭ ۇلى ءىسى،
كەتكەنىنشە جىرىن توكتى، تىنبادى!
باسقالارعا ساباق بولدى مۇنىسى -
كادىر اقىن يىلمەدى، سىنبادى!
پەرىشتەنى ەتەتىندەي سىرقاتتى
بيلىك دەگەن، بايلىق دەگەن بالە ەكەن!
بارماسا دا باستار جاققا تىم قاتتى،
تەكتىلىگىن ساقتاپ قالدى قادەكەڭ!
ەل جاعىندا جۇرگەن مەنىڭ زاتىمدى ۇق،
بادكىم مەنىڭ مىنا ويىم توسىنداۋ:
بۇل زاماندا ماقتاماۋىڭ - باتىرلىق!
مىنەزدىلىك - ورتاق حورعا قوسىلماۋ!
جاۋلاپ كەتكەن دالا مەنەن قالانى
تەكسىزدىكتىڭ بولار ما ەكەن ءتامامى؟
ءوتتى-كەتتى اباي اقىن زامانى، -
ورنادى عوي ساراي اقىن زامانى!
ورنادى عوي مالاي اقىن زامانى!
ءار ساۋالعا تابىلاتىن جاۋابى،
شىن اقىننىڭ ولەڭ-جىرىن جاتتاپ قال!
اقىن كەتتى. ونى بىلمەي جاۋادى
اق قاعازداي ولەڭ جازار اپپاق قار...
اراسىندا سەزىم مەنەن اقىلدىڭ
جاتقان جىردى جاستايىمنان جاتتادىم!
اق قاعازىڭ - ماتەريالى اقىننىڭ،
تابيعاتتىڭ قولجازباسى - اق قارىڭ!
نە بولسا دا كورەمىن مەن وسى ەلمەن -
كورە المايتىن، قىزعانشاق ءھام باقتالاس.
اپپاق قارداي ۇستەلدەردە توسەلگەن
نە نارسەنى كوتەرمەدى اق قاعاز؟!
اپپاق قاعاز ەل ءۇمىتىن اقتاۋدا،
ءوتتى تالاي جانرلاردىڭ سىناعى -
ءبىر ادامدى اسىرەلەپ ماقتاۋعا،
قالعاندارىن داتتاۋعا دا شىدادى!
جىر وقىماي بۇل زاماندا بۇزىلدى ەل،
وقىرمانسىز اقىندارعا - وبال-اق!
مارجان سوزبەن وتىرىگى تۇزىلگەن،
تالاي ارىز كەتە باردى «دومالاپ».
ەي، اقىندار! اتاق ءۇشىن تالاسپا!
قادىر-عۇمىر - ءبارىڭ ءۇشىن سول ۇلگى.
ءنومىرى ءبىر اقىن ەدى الاشتا،
كىمگە تاستاپ كەتتى سول ءبىر ءنومىردى؟
الىپتاردىڭ بەلگىسىندەي تاۋ قالماق،
جۇباتامىن مەن قازاقتى جىلاعان!
قوشتاسقاندا قوس جانارى جاۋتاڭداپ،
ءسابي سىندى جىلاپ قالدى تۇم-اعام!
تاۋداي بولسىن جاس اقىندار تالابى،
بۇگىن مۋزا قىلمىڭسۋدى دوعاردى!
...دانەڭە ەمەس تازارتۋ ءبىر قالانى
ايتپاي كەتتىڭ، تازارتار كىم قوعامدى؟!
9 گرامم
شەندىلەرگە كورمەپتى ۇناپ اقىن،
اقيقاتتان اساتىن جوق ىزگى ۇران!
الپامساداي ادامدى قۇلاتاتىن
وق سالماعى نەبارى 9 گرامم!
ۇلتسىزدار ءجۇر جامىلىپ ۇلتتىڭ اتىن،
سىرتى ءبۇتىن، ءتۇتىن-ءدى - سول ىشكى ءمان!
ەل تاريحىن ءبىر ساتتە كۇرت بۇراتىن
وق سالماعى نەبارى 9 گرامم!
كەلەر ۇرپاق بايگەدەن قالىسپادى،
اقتارار ول قۇپيانىڭ دورباسىن مىڭ!
التىن باستى الاشتىڭ ارىستارى
قۇربانى بوپ كەتتى عوي قورعاسىننىڭ!
تىرىسىڭدەر، ەسكە الار حالىق باردا،
قايتالايمىن زاماننىڭ ىزگى ۇرانىن:
قورعاسىننان مەرت بولعان الىپتارعا
مەن التىننان ەسكەرتكىش تۇرعىزامىن!
قايدا كەتتى قازاقتىڭ قاھار شاعى؟
شالقايىپ ءجۇر شونجارباس شىرىكتەرى!
كوزدەپ، دالدەپ تاسادان تاپانشانى
كىم باسادى اجالدى شۇرىپپەنى؟
ءجۇزى قارا جاۋىزدار كۇيرەيدى امسە،
كەلەر ۇرپاق قويادى سان سۇراقتى!
10 گرامعا جەتپەيتىن تۇيدەي نارسە
10 ميلليون قازاقتى قانسىراتتى!
قۇلازىعان قۋادى قۇبا بەلدى،
جارىق ءفاني قۇپياسىن سوقىر اشقان!
ەسكى ادىسپەن جىعادى قۇلاگەردى
زاماناۋي باتىراش، قوتىراشتار!
قانعا بوكتى قولدارى قۇرانسىزدىڭ،
ارامزالار ادالدى بەك تەجەدى.
قايدا كەتتىڭ دۋەلى فرانتسۋزدىڭ،
قازاعىمنىڭ قايداسىڭ جەكپە-جەگى؟!
كىم ۇعىنار كوڭىلى الاڭدىنى؟
قارابەتتىڭ موينىندا ورتاق قارعىڭ!
قاراق جاساۋ جامىلىپ قاراڭعىنى -
قالىپتاسقان قادەتى قورقاقتاردىڭ.
كۋاسى بوپ تاريحي سىن كوشتەردىڭ،
ءتىرى مەنەن ءولىنى توعىستىرام!
9 گرامم جۇمساعان قىلمىسكەردىڭ
جەتەدى ەكەن تۇبىنە 9 گرامم!
ءومىر ءوزى وزبىردى وقشاۋلادى،
جايساڭداردى شىعارىپ قول باسىنا.
كەيدە 9 گرامداي وق سالماعى
تاتيدى ەكەن ءبىر اتوم بومباسىنا!
جارامساقتىق - جانىما جات ۇستانىم،
زار زاماننىڭ زاۋالىن زەڭگىر ەتتىم!
تاپانشادان باستالعان اتىستارىڭ
دۇمپۋىنە ۇلاسار زەڭبىرەكتىڭ!
زامان سوتىن مەن ءالى قۇرام ءالى،
دالا بۇگىن قاھارلى، تاۋ - ىزعارلى.
9 گرامم سالماقتى كۇنالارى
جەرمەن جەكسەن ەتەدى جاۋىزداردى!
قاراڭعىدان قۇتقارار جارىق دەر ەم،
الشاڭ باسام جۇرتىمنىڭ ءدۇر باعىندا.
امان-ەسەن جۇرەرمىن حالىق دەگەن
وق وتپەيتىن قالقانىم تۇرعانىندا!
«اباي-اقپارات»
