استانا. 17 اقپان. قازاقپارات - قازاق اقپارات اگەنتتىگى رەسپۋبليكالىق باسىلىمداردا 17 اقپان، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

قر پرەزيدەنتى نۇرسۇلتان نازارباەۆ كەشە اقمولا وبلىسىنا جۇمىس ساپارىمەن باردى. وسىعان وراي «ايقىن» گازەتىنىڭ بۇگىنگى سانىندا «اقمولا استانانى اسىراي الادى» دەگەن تاقىرىپپەن ماقالا جاريالاندى. باسىلىمنىڭ اتاپ وتۋىنشە، مەملەكەت باسشىسى ىرگەسى ەلىمىزدىڭ باس قالاسىنا ءتيىپ تۇرعان، ەلىمىزدەگى ەڭ ءىرى شارۋاشىلىقتاردىڭ قاتارىندا سانالاتىن «يجەۆسكي» وندىرىستىك كووپەراتيۆىنە ات باسىن بۇرىپ، شارۋاشىلىقتىڭ تىنىس-تىرشىلىگىمەن تانىستى. بۇل كووپەراتيۆ ءونىمنىڭ 80 ءتۇرىن شىعارادى. نەگىزىنەن قۇس وربىتەتىن بۇل ەڭسەلى شارۋاشىلىق استانانى، قاراعاندىنى، سەمەيدى جانە اقمولا وبلىسىنىڭ ەلدى مەكەندەرىن ازىق-تۇلىكتىڭ وسى تۇرىمەن قامتاماسىز ەتىپ وتىر. تۇتاس ءبىر اۋىلدىڭ حالقىن جۇمىسپەن قامتىپ وتىرعان وندىرىستىك كووپەراتيۆ جىلىنا 2 ميلليارد تەڭگەنىڭ ءونىمىن شىعارادى. سوڭعى ءۇش جىلدا شارۋاشىلىقتى دامىتۋعا 1,6 ميلليارد تەڭگە ينۆەستيتسيا سالعان. «يجەۆسكيدەن» سوڭ، ەلباسى ن.نازارباەۆ جەرگىلىكتى اسحاناعا باس سۇعىپ، اۋىل تۇرعىندارىمەن جۇزدەستى، اۋىلدارداعى الەۋمەتتىك-ەكونوميكالىق احۋال جايىندا اشىق اڭگىمە-دۇكەن قۇردى»، - دەپ جازادى باسىلىم.

استانا. 17 اقپان. قازاقپارات - قازاق اقپارات اگەنتتىگى رەسپۋبليكالىق باسىلىمداردا 17 اقپان، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

قر پرەزيدەنتى نۇرسۇلتان نازارباەۆ كەشە اقمولا وبلىسىنا جۇمىس ساپارىمەن باردى. وسىعان وراي «ايقىن» گازەتىنىڭ بۇگىنگى سانىندا «اقمولا استانانى اسىراي الادى» دەگەن تاقىرىپپەن ماقالا جاريالاندى. باسىلىمنىڭ اتاپ وتۋىنشە، مەملەكەت باسشىسى ىرگەسى ەلىمىزدىڭ باس قالاسىنا ءتيىپ تۇرعان، ەلىمىزدەگى ەڭ ءىرى شارۋاشىلىقتاردىڭ قاتارىندا سانالاتىن «يجەۆسكي» وندىرىستىك كووپەراتيۆىنە ات باسىن بۇرىپ، شارۋاشىلىقتىڭ تىنىس-تىرشىلىگىمەن تانىستى. بۇل كووپەراتيۆ ءونىمنىڭ 80 ءتۇرىن شىعارادى. نەگىزىنەن قۇس وربىتەتىن بۇل ەڭسەلى شارۋاشىلىق استانانى، قاراعاندىنى، سەمەيدى جانە اقمولا وبلىسىنىڭ ەلدى مەكەندەرىن ازىق-تۇلىكتىڭ وسى تۇرىمەن قامتاماسىز ەتىپ وتىر. تۇتاس ءبىر اۋىلدىڭ حالقىن جۇمىسپەن قامتىپ وتىرعان وندىرىستىك كووپەراتيۆ جىلىنا 2 ميلليارد تەڭگەنىڭ ءونىمىن شىعارادى. سوڭعى ءۇش جىلدا شارۋاشىلىقتى دامىتۋعا 1,6 ميلليارد تەڭگە ينۆەستيتسيا سالعان. «يجەۆسكيدەن» سوڭ، ەلباسى ن.نازارباەۆ جەرگىلىكتى اسحاناعا باس سۇعىپ، اۋىل تۇرعىندارىمەن جۇزدەستى، اۋىلدارداعى الەۋمەتتىك-ەكونوميكالىق احۋال جايىندا اشىق اڭگىمە-دۇكەن قۇردى»، - دەپ جازادى باسىلىم.

جاقىندا ءبىلىم جانە عىلىم ءمينيسترى باقىتجان جۇماعۇلوۆ الماتىدا «جوعارى وقۋ ورنىنىڭ ۇزدىك وقىتۋشىسى - 2010» مەملەكەتتىك گرانتىن جەڭىمپازدارعا تابىستادى. وسى بايقاۋعا بايلانىستى ءبىلىم جانە عىلىم مينيسترلىگى جوعارى وقۋ ورىندارى جانە جوعارى وقۋ ورىندارىنان كەيىنگى ءبىلىم بەرۋ دەپارتامەنتىنىڭ ديرەكتورى سەرىك ومىرباەۆپەن اراداعى سۇحبات «ايقىن» گازەتىنىڭ بەيسەنبىلىك سانىندا «جوعارى وقۋ ورىندارى ءالى دە قىسقارتىلادى» دەگەن تاقىرىپپەن بەرىلگەن. باسىلىمنىڭ بارلىق ساۋالدارىنا تۇششىمدى جاۋاپ بەرگەن ول: «الەمدەگى جەتەكشى ەلدەردە 1 ملن حالىقتىڭ باسىنا شاققاندا 1-6 ۋنيۆەرسيتەتتەن كەلەدى ەكەن. ال قازاقستاندا 1 ملن تۇرعىنعا 9,2 جوعارى وقۋ ورنىنان كەلەدى. مۇنىڭ ءوزى وقۋ ورىندارى جەلى­لەرىنىڭ ارتىق ەكەندىگىنىڭ دالەلى. ارينە، بۇل ءبىلىم بەرۋ ساپاسىنىڭ تومەندەۋىنە اسەر ەتەدى. اريف­مەتيكالىق ەسەپ بويىنشا ساناساق 16 ملن حالقى بار قازاقستانداعى جوعارى وقۋ ورىندارىنىڭ سانى جۇزگە جۋىق بولادى. وسىعان باي­لانىستى جوعارى وقۋ ورىندارىنا ءارى قاراي قىسقارتۋ جۇرگىزۋ دۇرىس سياقتى»، - دەيدى.

***

«الاش ايناسى» گازەتىنىڭ جازۋىنشا، المانىڭ وتانى بولعان الماتىدا بۇگىندە اپورتتى ساباننىڭ اراسىنا ءتۇسىپ كەتكەن ينەدەي ىزدەپ تابۋ قيىن. ونىڭ ورنىنا قاي بازارعا بارساڭىز دا الدىڭىزدان وتاندىق المانىڭ ورنىنا قىتايلىق الما مەنمۇندالاپ شىعا كەلەدى. ال سول قۇرت تۇسپەيتىن قىتاي الماسىنىڭ ساپاسى دا الاڭداتارلىق. «ماماندار ول جاقتان كەلەتىن المالارعا شامادان تىس حيميكاتتار قوسىلاتىنىن ايتىپ دابىل قاقسا دا، يمپورت المادان باس تارتىپ جاتقان ەشكىم جوق. بىلەتىندەر ونى پارافينمەن پىسىرگەن دەسەدى. راس تا شىعار. ال سول المالاردىڭ ارقايسىسىن ۇقىپتاپ، بولەك-بولەك وراعان اق «داكەلەرىن» تىشقاننىڭ ۇياسىنا تاستاساڭىز، كەمىرگىشتەردى سەسپەي قاتىرادى. ونىڭ ىشىندە ساقتالعان المانى جەپ جۇرگەن ادامداردىڭ دا ساۋ ەمەسى ءسوزسىز»،- دەپ جازادى باسىلىم. جازىلعان جايت جايىندا ەگجەي-تەگجەيلى ماعلۇمات العىڭىز كەلسە، گازەتتەگى «قىتايدىڭ قۇرت تۇسپەيتىن الماسى قۇرتىپ بارادى» دەگەن ماقالاعا نازار اۋدارىڭىز.

«كەشە پرەمەر-ءمينيستردىڭ قاتىسۋىمەن وتكەن ۇكىمەتتىڭ وتىرىسىندا ەكونوميكالىق دامۋ جانە ساۋدا مينينسترلىگى ناقتىلاپ اكەلگەن نەگىزگى ماكروەكونوميكالىق بولجامداردى ۇكىمەت مۇشەلەرى قابىلدادى»، - دەپ جازادى «الاش ايناسى» گازەتى بۇگىنگى نومىرىندەگى «ماكروەكونوميكالىق بولجامدار قايتا ناقتىلاندى» دەگەن ماقالاسىندا. باسىلىمنىڭ اتاپ وتۋىنشە، اتالعان بولجامدار باررەلىنە 65 دوللار بولعان مۇناي باعاسىن نەگىزگە الىپ ەسەپتەلىنگەن. اعىمداعى جىلى بۇل شيكىزاتتىڭ ەكسپورت كولەمى 5 ملرد. 515,2 ميلليون دوللارعا ارتپاق. ياعني ەكسپورتتىڭ جالپى كولەمى 59 ملرد. 058,4 ميلليون بولادى. سونىمەن  قاتار ماقالادا مينيسترلەر كابينەتى مۇشەلەرىنىڭ القالى جيىندا قابىلداعان بىرقاتار باعدارلامالارى جايىندا دا جازىلعان.

***

«ءبىز ازيادادا 32 التىن، 21 كۇمىس، 17 قولا الدىق دەپ ماقتانامىز-اۋ. سول كۇمىس پەن قولا جۇلدە يەگەرلەرىنىڭ ءبىرى راديك جاپاروۆ 10 جىلدان بەرى قىسى-جازى ۆاگوندا تۇراتىنىن بىلەسىز بە؟ ازيادادان كەيىن راديككە ەل سپورتى تىزگىنىن ۇستاعان باسشىلار نەمەسە الماتى قالاسى اكىمدىگى پاتەر كىلتىن بەرەتىن شىعار دەپ ويلاعانبىز. سويتسەك بەرمەك تۇگىلى سپورتشىنى ارنايى قۇتتىقتاعان سپورت فۋنكتسيونەرى نەمەسە اتقامىنەرى بولماعان ەكەن»، - دەپ جازادى «نۇر استانا» گازەتى. بۇل جايت باسىلىمعا اتالعان سپورتشىمەن ارادا وتكەن سۇحباتتان كەيىن بەلگىلى بولىپ وتىر. بايراقتى باسەكەدە قازاق ەلىنىڭ نامىسىن قورعاعان سپورتشى جايىندا بىلگىڭىز كەلسە، گازەتتىڭ بۇگىنگى سانىندا «كۇمىس جۇلدەگەر ۆاگوندا تۇرادى» دەگەن تاقىرىپپەن بەرىلگەن سۇحباتقا نازار سالىڭىز.

***

«كازاحستانسكايا پراۆدا» گازەتىنىڭ جازۋىنشا، ۇكىمەت مەملەكەت باسشىسىنىڭ «بولاشاقتىڭ ىرگەسىن بىرگە قالايمىز!» اتتى اعىمداعى جىلعى جولداۋىندا جانە «نۇر وتان» پارتياسىنىڭ ءحىىى سەزىندە بەلگىلەگەن ستراتەگيالىق ماقساتتاردى جۇزەگە اسىرۋعا كەلەسى ايدان باستاپ بىلەك سىبانا كىرىسۋگە قۇلشىنىپ وتىر. وسىعان وراي  كەشە «نۇر وتان» حدپ ورتالىق اپپاراتىندا پارتيانىڭ پارلامەنت ماجىلىسىندەگى فراكتسياسىنىڭ كەڭەيتىلگەن وتىرىسى ءوتىپ، وندا  2011-2013 جىلدارعا ارنالعان رەسپۋبليكالىق بيۋدجەتكە وزگەرتۋلەر ەنگىزۋ تۋرالى ۇكىمەتتىڭ ۇسىنىسى ماقۇلداندى. «وتىرىس بارىسىندا ۇكىمەتتىڭ اۋقىمدى جۇمىستاردى اتقارعاندىعى اتالىپ ءوتىلدى. بارلىق ماسەلەلەردى شەشۋ جۇيەلى سيپاتقا يە، ال 2011-2013 جىلدارعا ارنالعان بيۋدجەت - الەۋمەتتىك سيپاتتىڭ جارقىن كورىنىسى»، - دەپ جازادى باسىلىم.