ورال. 17 اقپان. قازاقپارات /ەلجان ەرالى/ - ورال قالالىق ىشكى ىستەر باسقارماسى سوڭعى ءۇش جىل بويى قىلمىستى اشۋ كورسەتكىشى جونىنەن رەسپۋبليكا بويىنشا ءبىرىنشى ورىننان كورىنىپ كەلەدى.

بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ باستىعى، پوليتسيا پولكوۆنيگى فاتيحوللا ماشتاقوۆ ءمالىم ەتتى.

2010 جىلدىڭ قورىتىندىسى بويىنشا ورال قالاسى اۋماعىندا ۇزىن-سانى 2580 قىلمىس تىركەلگەن. سونىڭ ىشىندە كىسى ءولتىرۋ - 42,3, جەڭىل دەنە جاراقاتىن سالۋ  - 9,1, قاراقشىلىق - 18,8, كوشەدە بولاتىن قىلمىستار 12,7 پايىزعا كەمىگەن.  سونداي-اق بىلتىر قىلمىستىڭ بارلىق ءتۇرى بويىنشا اتالمىش باسقارمانىڭ اشۋ كورسەتكىشى ارتتى.

وكىنىشكە وراي، ورالدا جەكە تۇلعاعا قارسى جاسالىناتىن قىلمىستار وزەكتى ماسەلەگە اينالىپ وتىر. بۇل سيپاتتاعى قۇقىق بۇزۋشىلىق جالپى قىلمىستىڭ 74 پايىزىن قۇرايدى. اسىرەسە، ۇيالى تەلەفون، اۆتوماگنيتوفون جانە بەينەاپپاراتتى ۇرلاپ-توناۋعا قاتىستى فاكتىلەر جيىلەپ تۇر. بىلتىر جىل بويىنا 325 پاتەر توناۋ وقيعاسى  تىركەلسە، سونىڭ 250-ءى دەرەۋ اشىلدى. ال جالپى توناۋ فاكتىسى بويىنشا 387 قىلمىس تىركەلىپ، سونىڭ  313-ءى اشكەرەلەندى.

ورال. 17 اقپان. قازاقپارات /ەلجان ەرالى/ - ورال قالالىق ىشكى ىستەر باسقارماسى سوڭعى ءۇش جىل بويى قىلمىستى اشۋ كورسەتكىشى جونىنەن رەسپۋبليكا بويىنشا ءبىرىنشى ورىننان كورىنىپ كەلەدى.

بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ باستىعى، پوليتسيا پولكوۆنيگى فاتيحوللا ماشتاقوۆ ءمالىم ەتتى.

2010 جىلدىڭ قورىتىندىسى بويىنشا ورال قالاسى اۋماعىندا ۇزىن-سانى 2580 قىلمىس تىركەلگەن. سونىڭ ىشىندە كىسى ءولتىرۋ - 42,3, جەڭىل دەنە جاراقاتىن سالۋ  - 9,1, قاراقشىلىق - 18,8, كوشەدە بولاتىن قىلمىستار 12,7 پايىزعا كەمىگەن.  سونداي-اق بىلتىر قىلمىستىڭ بارلىق ءتۇرى بويىنشا اتالمىش باسقارمانىڭ اشۋ كورسەتكىشى ارتتى.

وكىنىشكە وراي، ورالدا جەكە تۇلعاعا قارسى جاسالىناتىن قىلمىستار وزەكتى ماسەلەگە اينالىپ وتىر. بۇل سيپاتتاعى قۇقىق بۇزۋشىلىق جالپى قىلمىستىڭ 74 پايىزىن قۇرايدى. اسىرەسە، ۇيالى تەلەفون، اۆتوماگنيتوفون جانە بەينەاپپاراتتى ۇرلاپ-توناۋعا قاتىستى فاكتىلەر جيىلەپ تۇر. بىلتىر جىل بويىنا 325 پاتەر توناۋ وقيعاسى  تىركەلسە، سونىڭ 250-ءى دەرەۋ اشىلدى. ال جالپى توناۋ فاكتىسى بويىنشا 387 قىلمىس تىركەلىپ، سونىڭ  313-ءى اشكەرەلەندى.

ورال شاھارىنا ءتان كوكەيكەستى ماسەلەنىڭ ءبىرى - جاسوسپىرىمدەر تاراپىنان جاسالاتىن قىلمىستار. مۇنداي قادامعا، اسىرەسە، تۇرمىس جاعدايى تومەن جانۇيالاردىڭ جەتكىنشەكتەرى ءجيى بارادى. تىرشىلىگى تۇرالاپ تۇرعان شاڭىراقتا وسكەن بالالاردىڭ سپورتتىق-مادەني شارالارعا قاتىسۋعا مۇمكىندىگىنىڭ جوقتىعى ءوز الدىنا، مەكتەپتەگى ساباقتان قاشىپ، وقۋدان جالتارىپ جۇرگەندەر دە بار. قازىرگى تاڭدا جاسوسپىرىمدەر زاڭعا قايشى ارەكەتكە بوي ۇرماۋ ءۇشىن مەكتەپ اكىمشىلىكتەرى جانە اتا-انالار كوميتەتتەرىمەن، سونىمەن قاتار بارشا مۇددەلى ۇيىم-مەكەمەلەرمەن تىعىز بايلانىس ورناتىلىپ، بەلسەندى جۇمىس جاسالۋدا. سونىڭ وزىندە بۇگىندەرى ورال قالاسى بويىنشا 449 ءجاسوسپىرىم ارنايى ەسەپتە تۇر.

ورال قالالىق ىشكى ىستەر باسقارماسىنىڭ باستىعى، پوليتسيا پولكوۆنيگى شاديار ايتقاليەۆتىڭ ايتۋىنشا، ءوزى تاياۋدا استانادا قر پرەزيدەنتى نۇرسۇلتان نازارباەۆتىڭ توراعالىعىمەن وتكەن ىشكى ىستەر مينيسترلىگىنىڭ القا ماجىلىسىنە قاتىسىپ قايتقان. بۇل باسقوسۋدا  2010 جىلى اتقارىلعان جۇمىس ناتيجەلەرى قورىتىندىلاندى. وسى جيىندا مەملەكەت باسشىسى ءار وبلىستان جينالعان ىشكى ىستەر ورگانى باسشىلارىنا ناقتى تاپسىرمالار جۇكتەپ، جاڭا مىندەتتەردى ناقتىلادى. ەلباسى جەكە-جەكە توقتالىپ وتكەن سەگىز ماڭىزدى ماسەلەنىڭ ءبىرى - ەسىرتكى ساۋداسى جانە ەسىرتكىگە قاتىستى قىلمىس اتاۋلىمەن ىمىراسىز كۇرەس. سەبەبى قازىرگى تاڭدا جاستاردىڭ كەيبىر بولىگىنىڭ ەسىرتكىگە ەس-ءتۇسسىز ەلتۋى قوعامدى قاتتى الاڭداتىپ وتىرعان جايت ەكەندىگى جاسىرىن ەمەس. مەملەكەت باسشىسى بۇل باعىتتا اتقارىلىپ جاتقان جۇمىس ناتيجەسى  قاتاڭ سۇرالاتىنىن ەسكەرتتى. وسى تۇستا ايتا كەتەتىن ءبىر جايت، وتكەن جىلى ورال قالاسىندا ەسىرتكىگە قاتىستى 143 قىلمىس انىقتالدى. سونىڭ 72-ءسى ەسىرتكى زاتىن وتكىزۋگە، ياعني ساتۋعا بايلانىستى. ال زاڭسىز اينالىمنان 46,721 كەلى ەسىرتكى تاركىلەنسە، سونىڭ 113,53 گرامى «اق ءولىم» دەپ ەسەپتەلەتىن گەروين.

استاناداعى القالى جيىندا نۇرسۇلتان ءابىشۇلى سوڭعى بەس-التى جىلدا جۇرگىزىلگەن كادر ىرىكتەۋ ۇردىسىنە ساراپتاما جاساپ، باعا بەرۋ قاجەتتىگىنە نازار اۋداردى. سونىمەن قاتار مەملەكەت باسشىسى قۇقىق قورعاۋ سالاسىنداعى قىزمەتكەرلەردى الەۋمەتتىك تۇرعىدان قورعاۋدى ۇنەمى نازاردا ۇستاپ، بۇعان قوسا باعىنىشتى قىزمەتكەرلەرى قۇقىق بۇزعان باسشىلاردىڭ جاۋاپكەرشىلىگىن ارتتىرعان ءجون ەكەندىگىن دە قاداپ ايتتى.

ەلىمىز ەگەمەندىك العالى ىشكى ىستەر سالاسىنا مەملەكەت تاراپىنان ءجىتى نازار اۋدارىلىپ كەلەدى. اتاپ ايتقاندا، قىزمەتكەرلەردىڭ الەۋمەتتىك جاعدايى جاقسارىپ، ىشكى ىستەر مينيسترلىگىنە قاراستى مەكەمەلەردىڭ ماتەريالدىق-تەحنيكالىق الەۋەتى جىلدان-جىلعا نىعايا تۇسۋدە. اسىرەسە، تەحنيكالىق-تەحنولوگيالىق جاڭارۋدىڭ ارقاسىندا ورالدىق ءتارتىپ ساقشىلارى قوعامدىق ورىنداردا ءجيى تىركەلەتىن زاڭعا قايشى ارەكەت، وتباسىلىق-تۇرمىستىق جاعدايدا ورىن الاتىن جانە جاسوسپىرىمدەر اراسىنداعى قىلمىس اتاۋلىنى اشكەرەلەۋ كورسەتكىشتەرىن اجەپتاۋىر ىلگەرىلەتتى. سونداي-اق ورال قالالىق ىشكى ىستەر باسقارماسىنىڭ قىزمەتكەرلەرى قىلمىستىڭ الدىن الۋدىڭ كەشەندى  شارالارىن جۇيەلى جۇرگىزۋدى دە ۇنەمى نازاردا ۇستايدى. وتكەن جىلدارعا قاراعاندا، سوڭعى ۋاقىتتا رەسپۋبليكا اۋماعىندا اسا اۋىر قىلمىستار، ياعني كىسى ءولتىرۋ، ادام دەنساۋلىعىنا ەلەۋلى نۇقسان كەلتىرۋ فاكتىلەرى بىرنەشە پايىزعا تومەندەگەن. مۇنداي وڭ قاباق تانىتاتىن جاعداي ورال قالاسىنا دا ءتان.

«استانادا وتكەن جيىن سوڭىندا ەلباسىمىز نۇرسۇلتان نازارباەۆ: «پوليتسيا قىزمەتكەرلەرىنىڭ كاسىبي ءبىلىم-بىلىگى مەن قاجىر-قايراتىنىڭ ارقاسىندا ىشكى ىستەر ورگاندارى وزدەرىنە جۇكتەلگەن بارشا مىندەتتى ورىندايتىندىعىنا سەنىمدىمىن» - دەگەن ەدى. ءبىز ەلباسىنىڭ دا، ەل-جۇرتتىڭ دا  كوڭىلىنەن شىعىپ، قوعامدىق ءتارتىپتىڭ نىعايا ءتۇسۋى ءۇشىن قالتقىسىز قىزمەت ەتۋگە بەك مۇددەلىمىز جانە ءاردايىم دايىنبىز. پوليتسيا قىزمەتكەرلەرى ءۇشىن ەل-جۇرتتىڭ تىنىشتىعى، قوعامدىق قاۋىپسىزدىك - ەڭ باستى قۇندىلىق", - دەدى ش.ايتقاليەۆ.