ونىڭ سوزىنشە، گەنەرال ابدۋحاليم نازارزودانىڭ ءتورت ادامى 2015 جىلدىڭ قىركۇيەگىندەگى بۇلىكتەن كەيىن، اۋعانستانعا قاشىپ كەتكەن. ولار باداحشان ءۋالاياتىندا ۇستالعان.

ولار اۋعانستاندا جۇرگەندە قارۋلى توپقا قوسىلدى ما، جوق پا، ازىرگە بەلگىسىز.

وزودي راديوسىنا (ازاتتىقتىڭ تاجىك قىزمەتى) بەلگىلى بولعانداي، تورتەۋى دە يازگۋل جازىعىنىڭ (تاۋلى-باداحشان اۆتونومدى وبلىسىنىڭ باتىس بولىگى، يازگۋل وزەنىنىڭ جاعاسى) تۋمالارى. ولاردىڭ تۋىستارىنىڭ ءبىرى دۋشانبەگە قايتارعان ازاماتتاردىڭ مۇحامماد ناۆرۋزوۆ، پارۆيز نازريبەكوۆ، ماحمۋد راحماتحۋدوەۆ جانە ابدۋدجاببور سايدالوۆ ەكەنىن ايتتى. پارۆيز بەن ابدۋدجاببوردىڭ جاستارى بار بولعانى 23-تە ەكەن.

تاجىكستان بيلىگى قورعانىس ءمينيسترىنىڭ بۇرىنعى ورىنباسارى ابدۋحاليم نازارزودانى 2015 جىلدىڭ قىركۇيەك ايىندا بيلىكتى كۇشپەن تارتىپ الماق بولدى، قارۋلى شابۋىل جاسادى دەپ ايىپتاعان. گەنەرالدىڭ ءوزى سول جىلى قىركۇيەك ايىنداعى ارنايى وپەراتسيا كەزىندە ءولتىرىلدى. رەسمي مالىمەت بويىنشا ارنايى وپەراتسيا كەزىندە 52 ادام قازا تاپقان.

Abai.kz