كرەملدىڭ مالىمدەۋىنشە، كەزدەسۋ بارىسىندا اقش پەن رەسەيدىڭ قازىرگى قارىم-قاتىناسى، الداعى جوسپارلار، حالىقارالىق پروبلەمالار تالقىلانادى.

ترامپ پەن پۋتين ءسامميتىنىڭ وتەتىنى تۋرالى العاش رەت 26 ماۋسىمدا اقش پرەزيدەنتىنىڭ ۇلتتىق قاۋىپسىزدىك بويىنشا كومەكشىسى دجون بولتوننىڭ رەسەيگە ساپارى كەزىندە ايتىلعان.

Reuters اگەنتتىگىنىڭ جازۋىنشا، سامميت اقش-تىڭ بىرقاتار وداقتاستارىن الاڭداتىپ، ءارى ولاردىڭ اشۋىن تۋعىزىپ، "رەسەي پرەزيدەنتىن بەتىمەن جىبەردى" دەپ ترامپتى سىنعا الۋى مۇمكىن دەپ جازادى. ترامپتىڭ ءوزى پۋتينمەن قارىم-قاتىناستى جاقسارتىپ، رەسەيدى عالامدىق پروبلەمالاردى بىرگە شەشۋگە شاقىرعىسى كەلەتىنىن بىرنەشە رەت مالىمدەگەن.

ەكى ەل ليدەرىنىڭ كەزدەسۋى 11-12 شىلدەدە بولاتىن ناتو سامميتىنەن كەيىن وتەدى. ودان كەيىن ترامپ 13 شىلدەدە بريتانياعا بارادى. سوسىن ماسكەۋدە فۋتبولدان الەم چەمپيوناتى اياقتالعاننان كەيىن پۋتينمەن كەزدەسەدى.

فينليانديا - بەيتاراپ مەملەكەت. 1975 جىلى حەلسينكيدە ەۋروپاداعى قاۋىپسىزدىك جانە ىنتىماقتاستىق جونىندەگى جينالىستىڭ قورىتىندى اكتىسىنە قول قويىلعان. سول كەزدەگى سسسر مەن اقش-تىڭ كەلىسسوزىن "قىرعي-قاباق سوعىستىڭ باسەڭدەۋى" دەپ اتاعان.

Abai.kz