"تۇركىمەنستان پرەزيدەنتىنىڭ ورتالىق ازيا ايماعىنداعى تۇراقتىلىق پەن قاۋىپسىزدىكتى قامتاماسىز ەتۋدەگى حالىقارالىق باستامالارىنا جوعارى باعا بەرىلدى", - دەلىنگەن ءباسپاسوز قىزمەتىنىڭ حابارلاماسىندا.
گۋربانگۇلى بەردىمۇحامەدوۆتىڭ بيىل ءساۋىر ايىندا وزبەكستانعا جاساعان مەملەكەتتىك ساپارى جەمىستى بولعانى اتاپ ءوتىلدى.
كەلىسسوزدەر بارىسىندا ساۋدا، وندىرىستىك كووپەراتسيالار، ەنەرگەتيكا، كولىك جانە ترانزيت كوممۋنيكاتسياسىن دامىتۋ، سونىمەن بىرگە مادەنيەت سالاسىندا ارىپتەستىكتى ارتتىرۋ مۇمكىندىكتەرى تالقىلاندى. پرەزيدەنتتەر ايماقتاعى جانە حالىقارالىق وزەكتى ماسەلەلەر بويىنشا پىكىر الماستى.
تۇركىمەنستان پرەزيدەنتى وزبەك ارىپتەسىن بيىل تامىز ايىندا اشحابادتا وتەتىن ارالدى قۇتقارۋ حالىقارالىق قورى قۇرىلتايشى مەملەكەتتەر باسشىلارىنىڭ سامميتىنە قاتىسۋعا شاقىردى.
Abai.kz
