استانا. 22 اقپان. قازتاگ - 2010 جىلدىڭ قورىتىندىسى بويىنشا، قازاقستان مەن قىتاي اراسىنداعى تاۋار اۋنالىمى $ 20 ملرد قۇرادى، دەپ ءمالىم ەتتى قر پرەزيدەنتى نۇرسۇلتان نازارباەۆ قىتايعا مەملەكەتتىك ساپارى بارىسىندا وسى ەلدىڭ باسشىلىعىمەن جانە ىسكەرلىك سالا وكىلدەرىمەن كەزدەسۋدە.

«كەزدەسۋدە ءسوز سويلەگەن پرەزيدەنتقازاقستان ەۋرازيالىق قۇرلىقتا گەوستراتەگيالىق جاعىنان ماڭىزدى ورىن الاتىن جانە قازاقستاننىڭ ءىرى ساۋدا-ەكونوميكالىق سەرىكتەسى بولىپ تابىلاتىن قىتايمەن قارىم-قاتىناستارعا ەرەكشە ءمان بەرەتىنىن اتاپ ءوتتى. بۇعان ەكى ەلدىڭ اراسىنداعى تاۋار اينالىمىنىڭ قارقىندى ءوسۋى دالەل بولا الادى. بۇل كورسەتكىش 2010 جىلى 50 پايىزعا دەيىن ارتىپ، 20 ميللياردقا جۋىق دوللاردى قۇرادى. ءوزارا ءتيىمدى نەگىزدە ەكسپورت، سول سياقتى يمپورت تا ارتىپ كەلەدى»، - دەلىنگەن سەيسەنبى كۇنى اق وردانىڭ رەسمي سايتىنداعى اقپاراتتا.

قىتايعا ەكسپورت 72 پايىزعا ۇلعايسا، قىتايدان يمپورت 11 پايىزعا وسكەن.

ەسكە سالا كەتەيىك، 2008 جىلى ەكى ەلدىڭ تاۋار اينالىمى $17,5 ملرد قۇراپ، 2009 جىلى $12,4 ملرد-قا دەيىن تومەندەگەن.

استانا. 22 اقپان. قازتاگ - 2010 جىلدىڭ قورىتىندىسى بويىنشا، قازاقستان مەن قىتاي اراسىنداعى تاۋار اۋنالىمى $ 20 ملرد قۇرادى، دەپ ءمالىم ەتتى قر پرەزيدەنتى نۇرسۇلتان نازارباەۆ قىتايعا مەملەكەتتىك ساپارى بارىسىندا وسى ەلدىڭ باسشىلىعىمەن جانە ىسكەرلىك سالا وكىلدەرىمەن كەزدەسۋدە.

«كەزدەسۋدە ءسوز سويلەگەن پرەزيدەنتقازاقستان ەۋرازيالىق قۇرلىقتا گەوستراتەگيالىق جاعىنان ماڭىزدى ورىن الاتىن جانە قازاقستاننىڭ ءىرى ساۋدا-ەكونوميكالىق سەرىكتەسى بولىپ تابىلاتىن قىتايمەن قارىم-قاتىناستارعا ەرەكشە ءمان بەرەتىنىن اتاپ ءوتتى. بۇعان ەكى ەلدىڭ اراسىنداعى تاۋار اينالىمىنىڭ قارقىندى ءوسۋى دالەل بولا الادى. بۇل كورسەتكىش 2010 جىلى 50 پايىزعا دەيىن ارتىپ، 20 ميللياردقا جۋىق دوللاردى قۇرادى. ءوزارا ءتيىمدى نەگىزدە ەكسپورت، سول سياقتى يمپورت تا ارتىپ كەلەدى»، - دەلىنگەن سەيسەنبى كۇنى اق وردانىڭ رەسمي سايتىنداعى اقپاراتتا.

قىتايعا ەكسپورت 72 پايىزعا ۇلعايسا، قىتايدان يمپورت 11 پايىزعا وسكەن.

ەسكە سالا كەتەيىك، 2008 جىلى ەكى ەلدىڭ تاۋار اينالىمى $17,5 ملرد قۇراپ، 2009 جىلى $12,4 ملرد-قا دەيىن تومەندەگەن.

«مەن ەكى ەلدىڭ ەكونوميكالىق قارىم-قاتىناستارى جاڭا دەڭگەيگە جەتكەنىنە قۋانىشتىمىن، ەڭ باستىسى، ونى ودان ءارى دامىتۋعا دەگەن ءوزارا ىقىلاسىمىز دا بار. قازاقستاندا قىتاي كاپيتالىنىڭ قاتىسۋىمەن ءبىر مىڭداي بىرلەسكەن كاسىپورىن جۇمىس ىستەيدى. ءبىز ەنەرگەتيكالىق سەكتورداعى بىرلەسكەن جوبالاردى ىسكە اسىرۋدا بەلسەندىلىكپەن العا قادام باسىپ كەلەمىز، - دەپ اتاپ ءوتتى مەملەكەت باسشىسى.

سونىمەن قاتار، پرەزيدەنت استانا-الماتى جوعارى جىلدامدىقتى تەمىرجول ماگيسترالىنىڭ قۇرىلىسى جوباسىنىڭ تانىستىرىلىمىنا قاتىستى.

قىتاي جاعىنان تۇساۋكەسەردى قحر-دىڭ تەمىر جول ءمينيسترى شەن گۋانتسزۋ، قازاقستان جاعىنان «قازاقستان تەمىر جولى» ۇك» اق پرەزيدەنتى اسقار مامين قاتىستى.

شاراعا قازاقستان اۋماعىندا قىزمەت ەتەتىن ءىرى كومپانيالاردىڭ وكىلدەرى قاتىستى.

«ەكى جاقتى قارىم-قاتىناستاردى ودان ءارى بەلسەندى دامىتۋ جانە ەكونوميكالىق بايلانىستاردى كەڭەيتۋ ءۇشىن مىقتى ىرگەتاس قالانعان. ءبىز قول جەتكىزگەن جەتىستىكتەرمەن توقتاپ قالماۋىمىز كەرەك. ءبىزدىڭ ەلدەر حالقىنىڭ يگىلىگى ءۇشىن باتىل تۇردە بىرلەسكەن كۇش-جىگەرىمىزدى جۇمساي وتىرىپ، العا قادام باسۋىمىز قاجەت، - دەپ اتاپ ءوتتى ن. نازارباەۆ.

كەزدەسۋدە قازاقستان شەتەل بيزنەسىنىڭ اياسىن كەڭەيتۋگە مۇددەلى جانە بۇل ءۇشىن ينۆەستيتسيانى قورعاۋ جونىندەگى قاجەتتى شارالاردى قابىلداپ جاتقانى ايتىلدى. وعان قازاقستاننىڭ بۇكىلالەمدىك بانكتىڭ رەيتينگىسىندە «ينۆەستورلاردى قورعاۋ» ينديكاتورى بويىنشا 2009 جىلمەن سالىستىرعاندا، 13 پوزيتسياعا كوتەرىلگەنى جانە 183 ەلدىڭ اراسىندا 44 ورىن العانى دالەل بولىپ تابىلادى. بۇدان بولەك، قازىرگى ۋاقىتتا زاڭنامالىق دەڭگەيدە رۇقساتتاما قۇجاتتارىن قىسقارۋ جانە جەڭىلدەتۋ بولىگىندەگى رۇقساتتاما جۇيەسىن وڭتايلاندىرۋ جۇرگىزىلۋدە.

سونداي-اق، قازاقستان وزىق تەحنولوگيالار ترانسفەرتىنە مۇددەلىك تانىتادى. بۇل رەتتە، قازاقستان اۋماعىنداعى زاۋىتتاردى وقشاۋلاۋ باسىم باعىتتار بولىپ تابىلادى.

«بىزدە ءوزارا ءىس-قيمىلدى ورنىقتىرۋ ءۇشىن يدەيالار مەن باعىتتار كوپ. ەڭ باستىسى، ولاردى ومىرگە ەنگىزۋگە دەگەن ەكى جاقتى ۇمتىلىس قاجەت. سالىقتىق-ينۆەستيتسيالىق احۋالدىڭ قولايلىعى، قازاقستاندا بانكتىك-قارجىلىق جۇيەنى دامىتۋ ءبىز جوسپارلاپ وتىرعان جوبالاردى ىسكە اسىرۋعا قىتاي بيزنەسىنىڭ بەلسەندى قاتىسۋى ءۇشىن قولايلى جاعدايلار تۋعىزادى. بۇگىنگى كەزدەسۋدىڭ ناتيجەسىندە ءبىزدىڭ ەلدەردىڭ كاسىپكەرلەرى اراسىنداعى ينتەگراتسيالىق ەكونوميكالىق ۇدەرىستەر كۇشەيە تۇسەدى دەپ سەنەمىن. بۇل ءۇشىن بىزدە بارلىق قاجەتتى نارسە بار، ونىڭ ىشىندە ەكى ەلدىڭ ساياسي قالاۋى بار»، - دەدى ن. نازارباەۆ.