اتالعان ۇيىمنىڭ مالىمەتىنە قاراعاندا، تۋىستارىمەن كەزدەسۋگە رۇقسات العانداردىڭ ىشىندە تۇرىكتىڭ يسلام ءدىني ۋاعىزشىسى سايد ءنۇرسيدىڭ ءىلىمىن وقىعان ءتورت "نۇرشى" بار. ولار بىلتىر مامىر جانە ماۋسىم ايلارىندا ۇستالعان.
"سەنىمدى دەرەككوز اقپاراتى بويىنشا، 2018 جىلدىڭ 28 ماۋسىمىندا "يسلام ەكسترەميزمى" بويىنشا سوتتالعان وتىزدان استام سوتتالۋشىنىڭ تۋىسى اشحابادتان اۆتوبۋسپەن وۆادان-دەپەدەگى تەرگەۋ اباقتىسىنا جەتكىزىلگەن. تۋىستارى مەن سوتتالۋشىلار ورتاسىن ءبولىپ تۇراتىن اينەك ارقىلى 40 مينوتتەي سويلەسكەن" دەپ حابارلايدى "مەموريال".
وۆادان-دەپە تۇرمەسى تۇركىمەنستان استاناسىنان 70 شاقىرىم قاشىقتىقتا ورنالاسقان. بۇل وتە قاتاڭ رەجيمدەگى تۇرمە رەتىندە تانىمال. قۇقىق قورعاۋشىلاردىڭ ايتۋىنشا، بۇل جەرگە نەگىزىنەن ساياسي استارمەن ايىپتالعان سوتتالۋشىلاردى جىبەرەدى.
حالىقارالىق قۇقىق قورعاۋ ۇيىمدارىنىڭ مالىمەتى بويىنشا، ءالى كۇنگە دەيىن ساياسي استارمەن سوتتالعان جۇزدەگەن ادامنىڭ تاعدىرى بەلگىسىز.
Abai.kz
