باق مالىمەتىنشە، بۋتينا 2015 جىلى رەسەيلىك ەكى شەنەۋنىكتىڭ سول كەزدەگى اقش فەدەرالدىق رەزەرۆ جۇيەسىنىڭ ۆيتسە-توراعاسى ستەنلي فيشەرمەن جانە قارجى ءمينيسترىنىڭ حالىقارالىق ماسەلەلەر بويىنشا ورىنباسارى ناتان شيتسپەن كەزدەسۋگە قاتىسقان.
بۋتينا اقش-قا 2015 جىلى سول كەزدە رەسەي ورتالىق بانكى توراعاسىنىڭ ورىنباسارى بولعان الەكساندر تورشينمەن بىرگە بارعان. فيشەرمەن جانە شيتسپەن كەزدەسۋدە ولار سول كەزدەگى اقش پرەزيدەنتى باراك وباما اكىمشىلىگى تۇسىنداعى رەسەي-اقش ەكونوميكالىق قارىم-قاتىناسىن تالقىلاعان.
كەزدەسۋدى ۆاشينگتونداعى ساراپتامالىق ۇيىم - ۇلتتىق مۇددەلەر ورتالىعى ۇيىمداستىرعان. "امەريكا داۋىسى" راديوسىنىڭ حابارلاۋىنشا، سىرتقى ساياسات سالاسىندا جۇمىس ىستەيتىن بۇل ۇيىم كوبىنە رەسەيشىل پوزيتسيانى ۇستانادى.
Abai.kz
