بىردە ءبىر تاكسيگە مىنسەم، شوفەر جاس بالا ەكەن. اڭگىمە ايتىپ كەلە جاتقامىز.

ءبىر ۋاقىتتا اڭگىمە نە ىستەيتىنىم جاعىنا بۇرىلىپ، حيميك ەكەنىمدى، حيميادان ساباق بەرەتىمدى ايتتىم. سودان الگى بالا كوسىلىپ:

- حيميانى مەكتەپتە مۇعالىمدەر دۇرىس وقىتپايسىزدار، اعا، ءسىز حيميانى بىلاي وقىتىڭىز، بىلاي وقىتىڭىز، - دەپ كوسىلىپ اقىل ايتتى، تىڭداپ كەلە جاتىرمىن، ءتىلىمدى تىستەپ. ءبىر مەزەتتە شىداماي كەتتىم.

- باۋىرىم، مەن حيميادان 10 جىل ساباق بەرەم. شۇكىر شاكىرتتەرىم ءبىراز دەڭگەيگە بارعان، حيميانى قالاي وقىتۋ تۋرالى ماعان اقىل ايتقانىڭ ءبىر ءتۇرلى ەمەس پە؟ ءوزىڭ كىم بولىپ ىستەيسىڭ؟، - دەسەم.

- مەكتەپتى بيىل ءبىتىردىم، تاڭداعانىم گەوگرافيا-ماتەماتيكا، ماماندىق تاڭداپ ءجۇرمىن، - دەيدى. سول كەزدە ورالحان بوكەيدىڭ ء"وزى بىلمەسە دە جۇرتقا اقىل ايتۋ - قازاقتىڭ سۇيگەن ءىسى" - دەگەنى ويىما ورالا بەردى. 

P.S. وسى ءبىز نەگە جۇرتقا اقىل ايتقاندى جاقسى كورەمىز؟ ءوز سالامىز بولماسا دا امبەباپ ادام رەتىندە بارىنە اقىل ايتۋعا دايىنبىز، ءا؟

اياتجان احمەتجانۇلىنىڭ Facebook-تەگى پاراقشاسىنان

Abai.kz