استانا. 1 ناۋرىز. قازاقستان پرەزيدەنتى نۇرسۇلتان نازارباەۆ قىتاي حالىق رەسپۋبليكاسىنا (قحر - قازتاگ) مەملەكەتتىك ساپارىنىڭ قورىتىندىلارىنا جوعارى باعا بەرەدى. بۇل تۋرالى مەملەكەت باسشىسى رەسپۋبليكالىق بۇقارالىق اقپارات قۇرالدارىنا (باق) سۇحبات بەرۋ بارىسىندا ءمالىم ەتتى.

«جۇرگىزىلگەن كەلىسسوزدەر سيپاتى مەن ولاردىڭ مازمۇنى قازاقستان-قىتاي اراسىنداعى تاتۋ كورشىلىك، سەرىكتەستىك جانە ءوزارا سەنىمگە قۇرالعان قارىم-قاتىناستاردىڭ ايقىن كورىنىسىنە اينالدى. تاۋەلسىزدىكتىڭ 19 جىلىندا  مەن قىتايعا وسىمەن 15-ءىنشى رەت بارىپ وتىرمىن»، - دەپ اتاپ ءوتتى پرەزيدەنت.

ن. نازارباەۆ ەكىجاقتى بايلانىستاردىڭ تابىستى وربۋىنە ەكى ەلدەگى ەكونوميكالىق احۋال قولايلى جاعداي تۋدىرىپ وتىرعانىن ايتتى.

«قىتاي - الەمدە قازاقستاننىڭ باستى ەكونوميكالىق سەرىكتەسى جانە ەلىمىزدىڭ  ەكونوميكاسى ءۇشىن ەڭ بەلدى ينۆەستوردىڭ ءبىرى ءارى بىرەگەيى. بىلتىر ەكىجاقتى ساۋدانىڭ جالپى كولەمى 20 ميللياردتىق مەجەدەن استى. قىتاي قازاقستان ءۇشىن باستى ەكسپورت نارىعىنا اينالدى جانە ەلگە يمپورت جەتكىزۋ جونىنەن ەكىنشى ورىنعا شىقتى»، - دەپ ءمالىم ەتتى مەملەكەت باسشىسى.

ول قىتايمەن بىرلەسىپ جۇزەگە اسىرىلاتىن ءىرى ەنەرگەتيكالىق جوبالارعا توقتالدى.

استانا. 1 ناۋرىز. قازاقستان پرەزيدەنتى نۇرسۇلتان نازارباەۆ قىتاي حالىق رەسپۋبليكاسىنا (قحر - قازتاگ) مەملەكەتتىك ساپارىنىڭ قورىتىندىلارىنا جوعارى باعا بەرەدى. بۇل تۋرالى مەملەكەت باسشىسى رەسپۋبليكالىق بۇقارالىق اقپارات قۇرالدارىنا (باق) سۇحبات بەرۋ بارىسىندا ءمالىم ەتتى.

«جۇرگىزىلگەن كەلىسسوزدەر سيپاتى مەن ولاردىڭ مازمۇنى قازاقستان-قىتاي اراسىنداعى تاتۋ كورشىلىك، سەرىكتەستىك جانە ءوزارا سەنىمگە قۇرالعان قارىم-قاتىناستاردىڭ ايقىن كورىنىسىنە اينالدى. تاۋەلسىزدىكتىڭ 19 جىلىندا  مەن قىتايعا وسىمەن 15-ءىنشى رەت بارىپ وتىرمىن»، - دەپ اتاپ ءوتتى پرەزيدەنت.

ن. نازارباەۆ ەكىجاقتى بايلانىستاردىڭ تابىستى وربۋىنە ەكى ەلدەگى ەكونوميكالىق احۋال قولايلى جاعداي تۋدىرىپ وتىرعانىن ايتتى.

«قىتاي - الەمدە قازاقستاننىڭ باستى ەكونوميكالىق سەرىكتەسى جانە ەلىمىزدىڭ  ەكونوميكاسى ءۇشىن ەڭ بەلدى ينۆەستوردىڭ ءبىرى ءارى بىرەگەيى. بىلتىر ەكىجاقتى ساۋدانىڭ جالپى كولەمى 20 ميللياردتىق مەجەدەن استى. قىتاي قازاقستان ءۇشىن باستى ەكسپورت نارىعىنا اينالدى جانە ەلگە يمپورت جەتكىزۋ جونىنەن ەكىنشى ورىنعا شىقتى»، - دەپ ءمالىم ەتتى مەملەكەت باسشىسى.

ول قىتايمەن بىرلەسىپ جۇزەگە اسىرىلاتىن ءىرى ەنەرگەتيكالىق جوبالارعا توقتالدى.

«قازاقستاندا وزىق تەحنولوگياعا نەگىزدەلگەن جوعارى جىلدامدىقتاعى «استانا - الماتى» جولاۋشىلار تەمىرجول جەلىسىنىڭ قۇرىلىسىن بىرلەسىپ سالۋ جوباسى جونىندە كەلىسىمگە قول جەتكىزىلدى. قازاقستان «باتىس ەۋروپا - باتىس قىتاي» ترانسقۇرلىقتىق اۆتوموبيل ءدالىزى،  «جەتىگەن - قورعاس» تەمىرجول جەلىسى جوبالارىنىڭ قۇرىلىسىن جالعاستىرۋدا»، - دەدى پرەزيدەنت.

سونداي-اق، ن. نازارباەۆ قىتايمەن اتوم ەنەرگەتيكاسى سالاسىنداعى ىنتىماقتاستىقتىڭ كوكجيەگى كەڭ ەكەنىن اتاپ ءوتتى. سونىمەن قاتار، ترانسشەكارالىق وزەندەر سۋىنىڭ ساپاسىن قورعاۋ جونىندە ۇكىمەتارالىق كەلىسىمگە قول قويىلعانىن جەتكىزدى.

بۇدان باسقا، مەملەكەت باسشىسىنىڭ ايتۋىنشا، استانادا قىتاي-قازاقستان سۋپەركومپيۋتەرلىك ورتالىعىن ۇيىمداستىرۋ، قازاقستاندا قىتايلىق يننوۆاتسيانى زەرتتەۋ جانە ەنگىزۋ ماقساتىندا قىتاي-قازاقستان ۋنيۆەرسيتەتىن اشۋ جونىندەگى كەلىسىمدەردىڭ دە كەلەشەگى زور.