پرەزيدەنتتىڭ جۇمىسى بار ۋاقىتىمدى الادى - نازارباەۆ
استانا. 1 ناۋرىز. قازتاگ - قازاقستان پرەزيدەنتى نۇرسۇلتان نازارباەۆ رەسپۋبليكالىق باق-قا ءوز جۇمىسىنىڭ ەرەكشەلىگى تۋرالى ايتىپ بەردى.
«مەملەكەت باسشىسى جالعىز. بۇل - بىرەگەي مۇمكىندىك، سوندىقتان ۇنەمى جۇمىستاسىڭ. دەمالعاننىڭ وزىندە بولەك قويعان كىتاپتاردى، ساراپتامالاردى، جاڭا كىتاپتاردى وقيسىڭ... پرەزيدەنتتىڭ جۇمىسى ادامدى تۇگەلدەي، ونىڭ ءومىرىن، ۋاقىتىن، كۇش-قۋاتىن، مۇمكىندىكتەرى مەن ويلارىن تالاپ ەتەدى»، - دەدى ول.
«مەندە تاۋلىك بويى جۇمىس ىستەيتىنىمدەي سەزىم قالىپتاسادى. ويتكەنى تاڭەرتەڭ ويانعاندا جاتاردا باسىڭا كەلگەن ويمەن وياناسىڭ. وسىنداي سەزىم. پرەزيدەنتتىڭ جۇمىسى بىرقالىپتى ەمەس، سوندىقتان دەمالىستا دا، دەمالىس كۇندەرى دە ەشقاشان (دەمالمايسىڭ - قازتاگ)»، - دەدى ن. نازارباەۆ دۇيسەنبى كۇنى كەشكە ءجۋرناليستىڭ جۇمىس كەستەسى تۋرالى قويعان سۇراعىنا جاۋاپ بەرە وتىرىپ.
ونىڭ ايتۋىنشا، جۇمىس كۇنىن كەشكى ساعات 6-دان كەيىن اياقتاۋ «مۇمكىن ەمەس»، ويتكەنى «قىرۋار اقپاراتتى سۇزگىدەن وتكىزۋ كەرەك».
«اپپاراتتى، ۇكىمەتتى، ايماقتى سوڭىڭنان ەرتۋ ءۇشىن كوپ ءبىلۋ كەرەك. الەمدەگى يدەيالاردى گەنەراتسيالاپ، ۇنەمى العا قاراۋ كەرەك»، - دەدى ن. نازارباەۆ.
استانا. 1 ناۋرىز. قازتاگ - قازاقستان پرەزيدەنتى نۇرسۇلتان نازارباەۆ رەسپۋبليكالىق باق-قا ءوز جۇمىسىنىڭ ەرەكشەلىگى تۋرالى ايتىپ بەردى.
«مەملەكەت باسشىسى جالعىز. بۇل - بىرەگەي مۇمكىندىك، سوندىقتان ۇنەمى جۇمىستاسىڭ. دەمالعاننىڭ وزىندە بولەك قويعان كىتاپتاردى، ساراپتامالاردى، جاڭا كىتاپتاردى وقيسىڭ... پرەزيدەنتتىڭ جۇمىسى ادامدى تۇگەلدەي، ونىڭ ءومىرىن، ۋاقىتىن، كۇش-قۋاتىن، مۇمكىندىكتەرى مەن ويلارىن تالاپ ەتەدى»، - دەدى ول.
«مەندە تاۋلىك بويى جۇمىس ىستەيتىنىمدەي سەزىم قالىپتاسادى. ويتكەنى تاڭەرتەڭ ويانعاندا جاتاردا باسىڭا كەلگەن ويمەن وياناسىڭ. وسىنداي سەزىم. پرەزيدەنتتىڭ جۇمىسى بىرقالىپتى ەمەس، سوندىقتان دەمالىستا دا، دەمالىس كۇندەرى دە ەشقاشان (دەمالمايسىڭ - قازتاگ)»، - دەدى ن. نازارباەۆ دۇيسەنبى كۇنى كەشكە ءجۋرناليستىڭ جۇمىس كەستەسى تۋرالى قويعان سۇراعىنا جاۋاپ بەرە وتىرىپ.
ونىڭ ايتۋىنشا، جۇمىس كۇنىن كەشكى ساعات 6-دان كەيىن اياقتاۋ «مۇمكىن ەمەس»، ويتكەنى «قىرۋار اقپاراتتى سۇزگىدەن وتكىزۋ كەرەك».
«اپپاراتتى، ۇكىمەتتى، ايماقتى سوڭىڭنان ەرتۋ ءۇشىن كوپ ءبىلۋ كەرەك. الەمدەگى يدەيالاردى گەنەراتسيالاپ، ۇنەمى العا قاراۋ كەرەك»، - دەدى ن. نازارباەۆ.
ول ەقىۇ ءسامميتى كەزىندە ۇيلەرىنە كەتكەن پرەزيدەنتتەرمەن تەلەفون ارقىلى سويلەسىپ، تۇنگى ساعات ءبىر جارىمدا دەكلاراتسياعا قول قويعانىن ايتتى. ال تاڭەرتەڭ قازاقستانعا ساپارمەن كەلگەن اۋستريا پرەزيدەنتىن قابىلدادى. سونىمەن قاتار، نازارباەۆ بۇل جۇمىس ءوزىن شابىتتاندىراتىنىن ايتتى، اسىرەسە جەمىسىن كورگەندە. «كوپ جۇمىس ىستەۋ كەرەك، بىراق شاعىمدانايىن دەپ وتىرعان جوقپىن»، - دەدى مەملەكەت باسشىسى.
ول تەننيس وينايتىنىن، جاتتىعۋ جاسايتىنىن جەتكىزدى.
«وتباسىما نازار اۋدارامىن. بالالارىم ءوستى، ولار قالاعاندا كەزدەسە الماسام، رەنجىمەيدى. تەلەفون ارقىلى حابارلاسىپ تۇرادى، جەكسەنبى سايىن كەزدەسەمىز، كەيدە بىرگە تۇسكى اس ىشەمىز، اڭگىمەلەسەمىز، ءان ايتامىز، سۇيىكتى بەسبارماق جەيمىز، مۇنىڭ ءبارى بار»، - دەدى پرەزيدەنت.
