سايراگۇل ەڭ باستىسى، كۇيرەۋدىڭ الدىندا تۇرعان قحر-داعى توتاليتارلىق رەجيمنىڭ ءوز ىشىندەگى از ۇلتتارعا جاساپ كەلگەن قياناتتارى مەن ادام قۇقىعىنا قارسى قىلمىستارىن العاش رەت سوت الدىندا، رەسمي تۇردە الەمنىڭ الپاۋىت اقپارات قۇرالدارى جۋرناليستەرى مەن قىتاي بيلىگى وكىلدەرىنىڭ الدىندا اسقان باتىلدىقپەن، ەشتەڭەدەن قايمىقپاي ءادىل تۇردە جاريالادى. مۇنداي ەرلىك شەكارا بۇزىپ كەلگەن كەز-كەلگەن ازاماتتىڭ قولىنان كەلە بەرمەيدى.

سونداي-اق، قازاق ۇلتىنىڭ بىرلىگىن نىعايتتى، ماقساتتى ءبىر ىسكە  جاپپاي جۇمىلدىردى، ازاماتتىق قوعامنىڭ، قوعامدىق پىكىردىڭ ىقپالىن ارتتىردى، وتانداستارىنا دەموكراتيالىق قۇندىلىقتاردىڭ ارتىقشىلىقتارىن سەزىندىردى. 

بۇدان بۇرىن قىتاي ىشىندەگى ۇيعىر، تيبەت، موڭعول جانە وزگە دە از ۇلتتارمەن قاتار دەموكراتيالىق كوزقاراستاعى قىتايلار دا ءوز بيلىگىنىڭ ساياسي قۋعىن-سۇرگىن ازاپتارىن باستان كەشكەن. بىراق، ولار قىتاي كوممۋنيستەرىنىڭ مۇنداي قىلمىسىن الەمنىڭ شارتارابىنا جاريالاي العان جوق. ال، سايراگۇل ونى بۇكىلالەمگە جەتكىزىپ، "ساياسي ۇيرەنۋ مەكتەپتەرى" دەپ اتالاتىن ۇيىمداردىڭ فاشيستىك كونتسلاگەرمەن ۇندەس ەكەنىن اشكەرەلەدى. 

سايىپ كەلگەندە، سايراگۇل ارقىلى الەمدىك وركەنيەت تاۋەلسىز قازاقستان رەسپۋبليكاسىن ادام قۇقىعىن قورعايتىن، اشىق جاريالى، ءوز حالقىنىڭ تالاپتارىمەن، قوعامدىق پىكىرمەن ساناساتىن دەموكراتيالىق ەل دەپ تانىدى.

ەڭ سوڭىندا ايتارىم، سايراگۇلدىڭ تالابىنىڭ ارقاسىندا سوت بىرىڭعاي مەملەكەتتىك تىلدە ءوتىپ، ءوز ىشىمىزدەگى ورىستىلدىلەر مەن كورشى رەسەيدىڭ ۇلتشىل شوۆنيستەرىنە قازاق ءتىلىنىڭ مارتەبەسى مەن قۇزىرەتىن كورسەتىپ،ايتارلىقتاي سوققى بەردى.

وسىلايشا، وتارسىزدانۋدىڭ جاڭا ءداۋىرىن باستاعاندىقتان سايراگۇل ساۋىتباي - بەيبىتشىلىك جونىندەگى نوبەل سىيلىعىنا ابدەن لايىق!

قۋاندىق شاماحايدىڭ Facebook-تەگى پاراقشاسىنان

Abai.kz