قازاقستاندىقتار وسى جىلدىڭ شىلدە ايىنان باستاپ جاڭا جاردەماقى الا باستادى. ەلباسى ن. نازارباەۆ ءوزىنىڭ جىل سايىنعى جولداۋىندا ونى ەنگىزۋ تۋرالى تاپسىرما بەرگەن ەدى. اتالعان جاردەماقى بالا كەزىنەن ءى توپقا جاتاتىن مۇمكىندىگى شەكتەۋلى جاندارعا كۇتىم كورسەتەتىن ازاماتتارعا بەرىلەدى. ۇكىمەتتە وتكەن ءباسپاسوز كونفەرەنتسياسى بارىسىندا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا جاڭالىق تۋرالى تولىعىراق ايتىپ بەردى.

زاڭنىڭ نەگىزگى جاڭالىقتارىنىڭ ءبىرى — جىل باسىندا پرەزيدەنتتىڭ قازاقستان حالقىنا جولداۋىندا جاريالانعان، 18 جاستان اسقان، بالا كەزىنەن ءى توپتاعى مۇمكىندىگى شەكتەۋلى جانداردى باعىپ وتىرعان اتا-انالار ءۇشىن قوسىمشا مەملەكەتتىك جاردەماقىنى ەنگىزۋ جونىندەگى نورمالاردى زاڭنامالىق بەكىتۋ.

«بىزدە وتىنىمدەردى جيناۋ بويىنشا الدىن الا جۇمىس جۇرگىزىلدى، بۇگىندە 10 مىڭ وتباسى اتالعان تولەمدەردى الىپ جاتىر. سەبەبى 24 شىلدەدە تولەمدەر جابىلدى، تيىسىنشە 10 مىڭ وتباسى اتالعان جاردەماقى ءتۇرىن الدى»، — دەدى س. جاقىپوۆا.

بۇل جاردەماقىنى الۋعا شامامەن 14 مىڭ وتباسى ۇمىتكەر. جاردەماقى كولەمى كۇنكورىس دەڭگەيىنىڭ ەڭ تومەنگى 1,05 مولشەرىن قۇرايدى. بۇل جاردەماقى ءوتىنىش بەرگەن كۇنىنەن باستاپ بالا كەزىنەن ءى توپتاعى مۇگەدەكتىكتىڭ بارلىق كەزەڭىنە تاعايىندالادى.

سونداي-اق، ۆيتسە-مينيستر بالا كەزىنەن باستاپ ءبىر وتباسىندا ءى توپتاعى ەكى نەمەسە ودان دا كوپ مۇگەدەك ادام بولسا، وندا جاردەماقى ولاردىڭ ارقايسىسىنىڭ كۇتىمىنە تاعايىندالادى جانە تولەنەدى. ەگەر بالا كەزىنەن ءى توپتاعى مۇگەدەككە كۇتىمدى بىرنەشە ادام جۇزەگە اسىرعان جاعدايدا، جاردەماقى وسى ادامداردىڭ بىرەۋىنە تاعايىندالادى جانە تولەنەدى.

«بۇل وتباسىنىڭ تاڭداۋى. جاردەماقىنى ۇيدە وتىرىپ، جۇمىس ىستەمەيتىن جانە مۇمكىندىگى شەكتەۋلى بالاعا كۇتىم جاسايتىن اناسى الۋى مۇمكىن. نەمەسە اناسى جۇمىس ىستەي الادى، بىراق ول جەكە كومەكشىنىڭ قىزمەتتەرىن الا الادى. ياعني، بۇل جەكە كومەكشى ءۇشىن قارجى بەرەتىن باسقا باعدارلامالار»، — دەپ ءتۇسىندىردى س. جاقىپوۆا.

بۇدان وزگە، بالا كەزىنەن ءى توپتاعى مۇگەدەك نەمەسە ونىڭ زاڭدى وكىلى وعان كۇتىمدى جۇزەگە اسىراتىن ادامدى اۋىستىرۋ تۋرالى وتىنىشپەن ءبىر جىل ىشىندە ەكى رەتتەن اسىرماي جۇگىنۋگە قۇقىلى.

بۇگىنگى تاڭدا جاردەماقىعا ۇمىتكەر، جۇگىنبەگەن قالعان 4 مىڭ اداممەن جۇمىستار جۇرگىزىلىپ جاتىر.

سونىمەن قاتار، س. جاقىپوۆا جاردەماقىنى تاعايىنداۋ كەزىندە ءجيى كەزىگەتىن پروبلەمالاردى اتاپ ءوتتى.

«كەيبىر وتباسىلار قامقورشىلىقتى رەسمي تىركەمەگەن. مۇمكىندىگى شەكتەۋلى ادام وسى قۇقىقتىق قاتىناستاردا ارەكەت ەتۋگە قابىلەتسىز دەپ تانىلۋعا ءتيىس جəنە سايكەسىنشە ونى بارلىق مەملەكەتتىك ورگانداردا تانىستىراتىن قامقورشىسى انىقتالادى، سودان كەيىن عانا جاردەماقى تاعايىندالادى. قازىرگى تاڭدا وتباسىلاردىڭ ءبىر بولىگى قامقورشىلىق سوتى ارقىلى تىركەلىپ جاتىر جانە تيىسىنشە كەلەسى ايدان باستاپ ولارعا جاردەماقى بەرۋدى باستايمىز»، — دەدى ۆيتسە-مينيستر.

ەسكە سالا كەتەيىك، بيىل 2 شىلدەدە مەملەكەت باسشىسى «قر كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنا قول قويدى.

Abai.kz