كەدەن وداعىنىڭ ءبىر جىلى مەملەكەت باسشىلارىنىڭ دۇرىس جانە وڭ شەشىم قابىلداعانىن دالەلدەدى - ءو.شوكەەۆ
ورال. 2 ناۋرىز. قازاقپارات /قانات قۇلشىمانوۆ/ - كەدەن وداعىنىڭ قۇرىلعان ءبىر جىلداعى جۇمىسى ءبىزدىڭ مەملەكەت باسشىلارىنىڭ وتە دۇرىس جانە وڭ شەشىم قابىلداعانىن كورسەتىپ وتىر.
قر پرەمەر-ءمينيسترىنىڭ ءبىرىنشى ورىنباسارى ومىرزاق شوكەەۆ ورالدا وتكەن بريفينگتە وسىلاي دەدى.
«كەيبىرەۋلەر، كەدەن وداعى اسىعىس قۇرىلدى دەپ سانايدى، شىن مانىندە بۇل يدەيانى قازاقستان پرەزيدەنتى 1994 جىلى ماسكەۋ مەملەكەتتىك ۋنيۆەرسيتەتىندە سويلەگەن سوزىندە ۇسىنعان بولاتىن. سودان بەرى بۇل ساياسات بىرتىندەپ قولعا الىنا باستادى. ءتۇرلى تالپىنىستار، ءتۇرلى تاسىلدەر سارالاندى، سوڭعى ەكى جىلدا، كەدەن وداعىن ءدال قازىرگى كونفيگۋراتسيادا: رەسەي، بەلارۋس جانە قازاقستان كىرىپ وتىرعان قۇرامدا، تەز جانە وڭتايلى قۇرا الاتىنىمىزعا كوزىمىز جەتتى»، - دەدى ءو.شوكەەۆ.
ءبىرىنشى ۆيتسە-پرەمەر سونداي-اق، وتكەن جىلى قازاقستان كەدەن وداعى ەلدەرىنە ەكسپورتتى 40 پايىزعا ارتتىرسا، رەسەي مەن بەلارۋس ەلىنەن قازاقستانعا جەتكىزىلگەن تاۋارلار يمپورتى 20 پايىزعا وسكەنىن ايتىپ ءوتتى. «ءبىزدىڭ ەكسپورتىمىزدىڭ قۇرىلىمى وزگەرىپ كەلەدى. ەگەر بۇرىندارى ونى تەك شيكىزات رەسۋرستارى قۇراسا، قازىر وڭدەۋ سالاسىنىڭ، اسىرەسە اۋىل شارۋاشىلىعى جانە تاماق ونىمدەرىنىڭ ۇلەسى ارتىپ كەلەدى»، - دەپ اتاپ كورسەتتى ءو.شوكەەۆ.
ورال. 2 ناۋرىز. قازاقپارات /قانات قۇلشىمانوۆ/ - كەدەن وداعىنىڭ قۇرىلعان ءبىر جىلداعى جۇمىسى ءبىزدىڭ مەملەكەت باسشىلارىنىڭ وتە دۇرىس جانە وڭ شەشىم قابىلداعانىن كورسەتىپ وتىر.
قر پرەمەر-ءمينيسترىنىڭ ءبىرىنشى ورىنباسارى ومىرزاق شوكەەۆ ورالدا وتكەن بريفينگتە وسىلاي دەدى.
«كەيبىرەۋلەر، كەدەن وداعى اسىعىس قۇرىلدى دەپ سانايدى، شىن مانىندە بۇل يدەيانى قازاقستان پرەزيدەنتى 1994 جىلى ماسكەۋ مەملەكەتتىك ۋنيۆەرسيتەتىندە سويلەگەن سوزىندە ۇسىنعان بولاتىن. سودان بەرى بۇل ساياسات بىرتىندەپ قولعا الىنا باستادى. ءتۇرلى تالپىنىستار، ءتۇرلى تاسىلدەر سارالاندى، سوڭعى ەكى جىلدا، كەدەن وداعىن ءدال قازىرگى كونفيگۋراتسيادا: رەسەي، بەلارۋس جانە قازاقستان كىرىپ وتىرعان قۇرامدا، تەز جانە وڭتايلى قۇرا الاتىنىمىزعا كوزىمىز جەتتى»، - دەدى ءو.شوكەەۆ.
ءبىرىنشى ۆيتسە-پرەمەر سونداي-اق، وتكەن جىلى قازاقستان كەدەن وداعى ەلدەرىنە ەكسپورتتى 40 پايىزعا ارتتىرسا، رەسەي مەن بەلارۋس ەلىنەن قازاقستانعا جەتكىزىلگەن تاۋارلار يمپورتى 20 پايىزعا وسكەنىن ايتىپ ءوتتى. «ءبىزدىڭ ەكسپورتىمىزدىڭ قۇرىلىمى وزگەرىپ كەلەدى. ەگەر بۇرىندارى ونى تەك شيكىزات رەسۋرستارى قۇراسا، قازىر وڭدەۋ سالاسىنىڭ، اسىرەسە اۋىل شارۋاشىلىعى جانە تاماق ونىمدەرىنىڭ ۇلەسى ارتىپ كەلەدى»، - دەپ اتاپ كورسەتتى ءو.شوكەەۆ.
«ءبىزدىڭ كەلىسىمدەرىمىزدىڭ ءبارى تاماشا جانە تەز جۇزەگە اسىرىلىپ جاتىر دەمەيمىن. دەگەنمەن بارلىق كاسىپكەرلەر باسىمدىقتى سەزىنۋدە. كەدەن وداعىنىڭ قۇرىلۋ فاكتىنىڭ ءوزى وسىنداي اسەر بەرىپ وتىر. مەنىڭ ويىمشا، كەدەن وداعىنىڭ بەرەر ناتيجەلەرى ءالى الدا»، - دەپ تۇيىندەدى ءوز ءسوزىن ءو.شوكەەۆ.
