بەس مەملەكەتتى بايلانىستىرعان - ءبىر كاسپي. 11-12 تامىز اقتاۋدا كاسپي ماڭى ەلدەرىنىڭ ءسامميتى وتەدى. قازاقتا تويدىڭ بولارىنان بولادىسى قىزىق دەمەي مە؟! قىزۋ دايىندىق قىستا باستالىپ كەتتى دەسەم دە بولادى.

وبلىس اكىمى ەرالى توعجانوۆتىڭ تىكەلەي قاداعالاۋىمەن تەڭىز جاعاسى تۇزەلدى، جولدار مەن كوشەلەر جارقىراي ءتۇستى، كوپ قۇرىلىستار بوي كوتەردى. حالىق دەمالاتىن ورىندار پايدا بولدى. بۇل جاي جيىن ەمەس، تاريxي سيپاتقا يە ماڭىزدى باس قوسۋ.

5 مەملەكەتتىڭ پرەزيدەنتىنىڭ قاتىسۋىمەن وتەتىن سامميتتە كاسپيدىڭ بۇگىنى مەن بولاشاعى تالقىلانىپ، مەملەكەتتەرگە تيەسىلى شەكارا ايقىندالادى دەپ كۇتىلۋدە.

بۇل 20 جىلدان بەرى 5 مەملەكەتتىڭ ءبىر مامىلەگە كەلە الماي جۇرگەن 5-ءسامميتى.

ءدال وسى اقتاۋدا وتكىزىلەتىن جيىن ۇزاققا سوزىلعان كەلىسىمشارتقا قويىلاتىن وڭتايلى نۇكتە بولادى دەگەن نيەتتەمىز. قازاق ەلىنىڭ قوناقجايلىعى مەن كەڭ نيەتى وسىندايدا باعالانباق. ماڭعىستاۋ وبلىسى اكىمدىگى تاراپىنان ەلباسى ۇستانعان ساياساتتى جۇزەگە اسىرا وتىرىپ، اقتاۋ ءسامميتىن xالىقارالىق دەڭگەيدە وتكىزىپ شىعۋعا بار كۇش-جىگەرىمىزدى سالۋدامىز. ىسكە ءسات!

قۇرمانبەك جۇماعاليدىڭ Facebook-تەگى پاراقشاسىنان

Abai.kz