1 تامىزدا شىعارىلعان سوت شەشىمىنىڭ زاڭدىق كۇشىنە ەنگەنى جونىندە وزودي راديوسىنا حاتلون وبلىستىق سوتىنىڭ دەرەككوزى حابارلادى.

دەرەككوزدىڭ مالىمەتىنشە، ۋمار مۋرودوۆ رەسەيدە ەڭبەك ميگراتسياسىندا جۇرگەن كەزىندە، "ودنوكلاسسنيكي" الەۋمەتتىك جەلىسىندەگى پاراقشاسى ارقىلى پرەزيدەنتكە ءتىل تيگىزىپ، مەملەكەت قۇرىلىمىن كۇشتەپ وزگەرتۋگە شاقىرعان.

"بۇل قىلمىس ءۇشىن قاتاڭ جازا قاراستىرىلعان. بىراق سوت ۋمار مۋرودوۆتىڭ زاڭدى ءبىرىنشى رەت بۇزىپ وتىرعانىن، ءارى ءوزىنىڭ ءىس-ارەكەتىنە وكىنەتىنىن ايتىپ، رەسەيدەن ءوز ەركىمەن كەلگەنىن ەسكەردى",- دەيدى دەرەككوز.

ۋمار مۋرودوۆ 12 ماۋسىمدا ماسكەۋ-كۋلياب رەيسىمەن كەلگەن بەتتە ۇستالعان. ونىڭ تۋىستارىنىڭ سوزدەرىنشە، ۋمار مۋرودوۆ بيىل ناۋرىز ايىندا تاجىكستان بيلىگىنىڭ سۇراۋى بويىنشا، ماسكەۋدە ۇستالعان. بىراق دايەكتەر جەتكىلىكسىز بولعاندىقتان، بوساتىلعان.

ۋماردىڭ اكەسى مۋرود داۆلاتوۆ ۇلىنىڭ ەگەر قانداي دا ءبىر قىلمىس جاساعانىن بىلسە، رەسەيدەن ءوز ەركىمەن كەلمەس ەدى دەيدى. اكەسىنىڭ ايتۋىنشا، ۋمار مەكتەپتى 9 سىنىپقا دەيىن وقىعان، ول ساياساتتان وتە الىس.

تاجىكستان پارلامەنتى 2016 جىلدىڭ كۇزىندە قىلمىستىق كودەكسكە وزگەرىستەر ەنگىزىپ، "ۇلت بىرلىگىنىڭ جانە بەيبىتشىلىكتىڭ نەگىزىن قالاۋشى ۇلت ليدەرىنە ەل الدىندا ءتىل تيگىزگەنى ءۇشىن", جاۋاپكەرشىلىككە تارتىپ، بەس جىلعا دەيىن باس بوستاندىعىنان ايىرۋ جازاسى قاراستىرىلعان.

2015 جىلى ەمومالي راحمونعا تاجىكستان تاۋەلسىزدىگىنىڭ نەگىزىن قالاۋشى، ۇلت بىرلىگى جانە بەيبىتشىلىكتىڭ نەگىزىن قالاۋشى - ۇلت ليدەرى دەگەن مارتەبە بەرىلدى. بۇل مارتەبە وعان جانە وتباسى مۇشەلەرىنە قول سۇقپاۋىنا كەپىلدىك بەرەدى.

تاجىكستان بيلىگى Facebook پەن “ودنوكلاسسنيكي” جەلىلەرىن ەكسترەميستىك يدەيالاردى تاراتادى دەپ بىرنەشە رەت ايىپتاعان.

Abai.kz