جوعارعى سوتتىڭ ءباسپاسوز قىزمەتى 2018 جىلعى 6 ايداعى سوت جۇيەسى قىزمەتى تۋرالى اقپاراتتى جاريالادى، - دەپ حابارلايدى اباي-اقپارات.

2018 جىلعى 6 ايدا اۋداندىق، قالالىق سوتتار 1,8 ملن. ءىس پەن ماتەريالداردى قاراعان. ءوسىم - 40%. نەگىزگى ۇلەس ازاماتتىق ىستەردە - 84%. 26 مىڭ قىلمىستىق ءىس اياقتالدى. سوتتالعان - 16 302 ادام. 4 094 ادام بوستاندىعىنان ايرىلدى

1. ازاماتتىق ىستەر سانى – 1 ،5 ملن. ءوسىم – 53%.

مەملەكەت باسشىسى تاتۋلاستىرۋ ينستيتۋتتارىن دامىتۋدى تاپسىرعان بولاتىن. كوپتەگەن ەلدەردە داۋلاردىڭ 50-60% بەيبىت جولمەن شەشىلەدى.

جوعارعى سوت بۇل جۇمىستى ەكى باعىتتا جۇرگىزۋدە.

1) سوتسىز تاتۋلاسۋ. اكىمدەردىڭ، قازاقستان حالقى اسسامبلەياسىنىڭ، كاسىپوداقتار فەدەراتسياسىنىڭ، قوعامدىق دامۋ مينيسترلىگىنىڭ قولداۋىمەن تاتۋلاسۋ ورتالىقتارى قۇرىلۋدا. التى وبلىستا ىسكە قوسىلدى.

2) سوتتاردا تاتۋلاستىرۋ. وعان ارنايى سۋديالار بەكىتىلدى. سارىارقا اۋداندىق سوتىندا سونداي سۋدياعا كەلگەندەردىڭ 60% ءارى قاراي سوتتاسۋدان باس تارتقان.

2. جوعارعى سوت كەڭەسىمەن بىرگە جاڭا سۋديالاردى ىرىكتەۋ جۇيەسىن تۇبەگەيلى وزگەرتۋدەمىز.

3. سۋديالاردىڭ اۋىزشا، جازباشا ءتىلىن جەتىلدىرۋ ەرەكشە نازاردا. ەلباسى ايتقانداي، مەملەكەتتىك قىزمەتشىلەر حالىقپەن جەڭىل، تۇسىنىكتى تىلدە سويلەسۋى كەرەك. بۇل مىندەت سۋديالارعا دا قاتىستى.

شەشەندىك ونەر سالاسىنداعى مامانداردىڭ قاتىسۋىمەن وڭىرلەردە ترەنينگتەر وتۋدە.

1 قىركۇيەكتەن باستاپ ءاربىر سۋديا ەكى جاڭا تالاپتى ورىنداۋعا مىندەتتى بولادى:

1) جوعارعى سوتتىڭ نورماتيۆتىك قاۋلىسىمەن بەكىتىلگەن سوت شەشىمىنىڭ، ۇكىمىنىڭ، قاۋلىسىنىڭ ءتىلى، قۇرىلىمى;

2) شەشىم، ۇكىم جاريالاعاننان كەيىن نەگە سونداي قورىتىندىعا كەلگەنىن قاراپايىم تىلمەن ءتۇسىندىرۋ.

4. اقتاۋ ۇكىمدەرىنىڭ سانى 4 ەسە كوبەيدى. 2017 جىلعى 6 ايدا 28 بولسا، اعىمداعى جارتى جىلدا 101. بۇل جەكە ايىپتاۋ ىستەرىن قوسپاعاندا. بۇرىن اقتاۋلار، نەگىزىنەن، ونشا اۋىر ەمەس جانە اۋىرلىعى ورتاشا ىستەر بويىنشا بولسا، قازىر جاعداي كۇرت وزگەرە باستادى. اۋىر جانە اسا اۋىر ىستەر بويىنشا اقتاۋلار كوپ.

5. سۋديالاردىڭ 7 سەزىندە مەملەكەت بىرىڭعاي سوت پراكتيكاسىن قالىپتاستىرۋدى تاپسىردى.

سوعان سايكەس IT-باعدارلاما ازىرلەنۋدە. ماقسات – سۋديالاردىڭ بىرىڭعاي سوت پراكتيكاسىن ۇستانۋىنا كومەكتەسۋ. سوتقا بارماي تۇرىپ، كەز-كەلگەن ادام سول IT جۇيە ارقىلى داۋ بويىنشا قانداي شەشىم قابىلداۋى مۇمكىن ەكەنىن كورىپ، الدىن-الا بولجاي الادى.

6. دامىعان ەلدەردە، تمد-دا باسىم كوپشىلىگى الدەقاشان اكىمشىلىك يۋستيتسيانى ەنگىزگەن نەمەسە ەنگىزۋدە.

جوعارعى سوت ادىلەت مينيسترلىگىمەن بىرگە سونداي زاڭنىڭ جوباسىن ازىرلەپ، ول قۇجاتتى باسقا مەملەكەتتىك ورگاندارمەن كەلىسۋدە.

اكىمشىلىك يۋستيتسيانىڭ ءمانىسى – جەكە نەمەسە زاڭدى تۇلعا مەملەكەتتىك ورگاننىڭ شەشىمىمەن نەمەسە ونىڭ ارەكەتىمەن/ارەكەتسىزدىگىمەن كەلىسپەسە، دالەل ىزدەۋگە مىندەتتى ەمەس. مەملەكەتتىك ورگاننىڭ ءوزى سوتتا ءوزىنىڭ شەشىمىن نەمەسە ءىس-ارەكەتىن نەگىزدەۋى ءتيىس.

بۇل ەلدەگى ەكونوميكالىق، ينۆەستيتسيالىق، بيزنەس-احۋالدى جاقسارتادى.

7. جوعارعى سوت 7 ءىرى باعىت بويىنشا جۇمىس ىستەۋدە. جالپى ماقسات – سوت تورەلىگىنىڭ ساپاسىن ارتتىرۋ، ونى حالىققا دا، سوتتارعا دا ىڭعايلى، قولجەتىمدى ەتۋ.

Abai.kz