ء"بىر توپ جەرگىلىكتى تۇرعىن الماتى وبلىسى قاپال اۋىلىنداعى ەكسپەديتسيا مۇشەلەرىنە، ولار دۇكەنگە سۋ الۋعا بارا جاتقاندا، شابۋىل جاسادى. ەكسپەديتسيا قۇرامىندا قازاقستاندىقتار مەن شەتەلدىكتەر بولدى. تۋريستەرگە شابۋىل قاتتى اشۋىمىزدى تۋعىزدى. بۇل ەلدىڭ ابىرويىنا كەرى اسەر ەتەدى", - دەپ حابارلايدى Kazakh Tourism.

بۇل وقيعاعا قاتىستى قىلمىستىق كودەكستىڭ 293-بابى ("بۇزاقىلىق") بويىنشا ءىس قوزعالىپ، تەرگەۋ ءجۇرىپ جاتىر.

Kazakh Tourism كومپانياسىنىڭ اقپاراتىنا سايكەس، ەكسپەديتسيا قۇرامىندا تەلەجۋرناليستەر، تۋروپەراتور وكىلدەرى، شەتەلدىك جانە قازاقستاندىق ترەۆەل-بلوگەرلەر بولعان. ولاردىڭ ىشىندە شۆەيتساريا فوتوگرافى كاي گروسسمانن، بريتاندىق ساياساتكەر، فوتوگراف دجەك حاردين جانە قازاقستاندىق ترەۆەل-بلوگەر اندرەي كۋلاگين بولعان. ەكسپەديتسيا قورىتىندىسى بويىنشا Kazakh TV تەلەكانالىنان ارنايى حابار كورسەتىلەدى.

Abai.kz