بولتوننىڭ ايتۋىنشا، كەزدەسۋدىڭ بىرلەسكەن مالىمدەمەسىز اياقتالۋىنىڭ سەبەبى، ول كەلىسسوز كەزىندە امەريكاداعى سايلاۋعا رەسەيدىڭ ارالاسۋى ماسەلەسىن كوتەرگەن.

اقش پرەزيدەنتىنىڭ كەڭەسشىسى ۆاشينگتون كەزەكتى سايلاۋ پروتسەسىنە باسقا ەلدىڭ ارالاسۋىنا ەندى جول بەرمەيدى دەپ اتاپ ءوتتى. ونىڭ سوزىنشە، قۇراما شتاتتار قاراشا ايىندا وتەتىن اقش كونگرەسىنە سايلاۋعا كەدەرگىلەردى الدىن الادى.

ەكى تاراپتىڭ كەزدەسۋى بەس ساعاتقا سوزىلدى. ول جابىق ەسىك جاعدايىندا ءوتتى. ءتىپتى قول الىسۋ كەزىندە دە، جۋرناليستەر جىبەرىلمەدى. كەزدەسۋ بارىسىندا سيرياداعى سوعىس، ۋكراينانىڭ شىعىسىنداعى كيكىلجىڭ جانە ەكىجاقتى قارىم-قاتىناس اياسىندا اقش سانكتسياسىنىڭ كۇشەيۋى تالقىلانعان.

پاترۋشەۆ كەلىسسوز اياقتالعاننان كەيىن، قۇراما شتاتتاردىڭ رەسمي وكىلدەرىن رەسەيگە شاقىرعان. بىراق كەلەسى كەزدەسۋدىڭ قاشان وتەتىنى جونىندە ورتاق شەشىمگە كەلمەگەن.

Abai.kz