استانا. 15 ناۋرىز. قازاقپارات /گۇلميرا الياكپاروۆا/ - بيىل استانادا ۇلىستىڭ ۇلى كۇنى - 22 ناۋرىز   مەيرامىن اتاپ وتۋگە ارنالعان نەگىزگى ءىس-شارالار «قازاق ەلى» مونۋمەنتىنىڭ الدىندا وتەدى.

بۇل تۋرالى اگەنتتىك تىلشىسىنە بەرگەن سۇحباتىندا قالالىق مادەنيەت باسقارماسى باستىعىنىڭ ورىنباسارى قانات توكەسباي ءمالىم ەتتى.

ونىڭ ايتۋىنشا، مەيرام كۇنى «قازاق ەلى» مونۋمەنتىنىڭ الدىنداعى الاڭعا ءاربىر اۋدان اكىمدىگى ون-وننان بارلىعى 30 كيىز ءۇي تىگەدى. ولاردا بيىل جىلداعى ءداستۇر بويىنشا داستارحان جايىلمايدى، ونىڭ ورنىنا ۇلتتىق قول ونەر شەبەرلەرىنىڭ كورمە-جارمەڭكەسى وتەدى. سوندىقتان بارلىق كيىز ءۇيدىڭ ەسىگى كەلۋشىلەر ءۇشىن ايقارا اشىق بولادى. ونىمەن بىرگە، ەلوردالىقتار مەن قالا قوناقتارى ناۋرىز مەيرامىنىڭ باستى تاعامى - ناۋرىز كوجە مەن باۋىرساقتان تەگىن اۋىز تيە الادى. قالالىق مەيرامحانالار مەن ناۋبايحانالار دا ءوز ونىمدەرىن ۇسىناتىن بولادى.

مەيرام قالالىق تەاترلار، تسيرك جانە فيلارمونيا ارتىستەرىنىڭ سومداۋىنداعى اسەرلى تەاترلاندىرىلعان كورىنىستەن باستالادى. ودان كەيىن «قازاق ەلى» مونۋمەنتىنىڭ الدىنا ورناتىلاتىن ساحنادا قازاق ەستراداسىنىڭ جۇلدىزدارى ونەر كورسەتسە، «شابىت» ونەر ءۇيى مەن «تاۋەلسىزدىك» سارايىنىڭ الدىنا قويىلاتىن كىشىگىرىم ساحنالاردا ۇلتتىق سپورت ويىندارىنان جارىستار مەن كوپشىلىككە ارنالعان باسقا دا شارالار ۇيىمداستىرىلادى.

استانا. 15 ناۋرىز. قازاقپارات /گۇلميرا الياكپاروۆا/ - بيىل استانادا ۇلىستىڭ ۇلى كۇنى - 22 ناۋرىز   مەيرامىن اتاپ وتۋگە ارنالعان نەگىزگى ءىس-شارالار «قازاق ەلى» مونۋمەنتىنىڭ الدىندا وتەدى.

بۇل تۋرالى اگەنتتىك تىلشىسىنە بەرگەن سۇحباتىندا قالالىق مادەنيەت باسقارماسى باستىعىنىڭ ورىنباسارى قانات توكەسباي ءمالىم ەتتى.

ونىڭ ايتۋىنشا، مەيرام كۇنى «قازاق ەلى» مونۋمەنتىنىڭ الدىنداعى الاڭعا ءاربىر اۋدان اكىمدىگى ون-وننان بارلىعى 30 كيىز ءۇي تىگەدى. ولاردا بيىل جىلداعى ءداستۇر بويىنشا داستارحان جايىلمايدى، ونىڭ ورنىنا ۇلتتىق قول ونەر شەبەرلەرىنىڭ كورمە-جارمەڭكەسى وتەدى. سوندىقتان بارلىق كيىز ءۇيدىڭ ەسىگى كەلۋشىلەر ءۇشىن ايقارا اشىق بولادى. ونىمەن بىرگە، ەلوردالىقتار مەن قالا قوناقتارى ناۋرىز مەيرامىنىڭ باستى تاعامى - ناۋرىز كوجە مەن باۋىرساقتان تەگىن اۋىز تيە الادى. قالالىق مەيرامحانالار مەن ناۋبايحانالار دا ءوز ونىمدەرىن ۇسىناتىن بولادى.

مەيرام قالالىق تەاترلار، تسيرك جانە فيلارمونيا ارتىستەرىنىڭ سومداۋىنداعى اسەرلى تەاترلاندىرىلعان كورىنىستەن باستالادى. ودان كەيىن «قازاق ەلى» مونۋمەنتىنىڭ الدىنا ورناتىلاتىن ساحنادا قازاق ەستراداسىنىڭ جۇلدىزدارى ونەر كورسەتسە، «شابىت» ونەر ءۇيى مەن «تاۋەلسىزدىك» سارايىنىڭ الدىنا قويىلاتىن كىشىگىرىم ساحنالاردا ۇلتتىق سپورت ويىندارىنان جارىستار مەن كوپشىلىككە ارنالعان باسقا دا شارالار ۇيىمداستىرىلادى.

مەرەكەلىك شارالار وسى كۇنى سونداي-اق «جاستار» سارايىنىڭ الدىندا وتەدى. ال «دۋمان» ويىن-ساۋىق ورتالىعىنا كەلۋشىلەر «ناۋرىز -دۋمان» اتتى قويىلىمدى تاماشالاي الادى. قالا تەاترلارى ءوز كەزەگىندە، ونەر سۇيەر قاۋىمدى وزدەرىنىڭ ۇزدىك جانە جاڭا قويىلىمدارىنا شاقىرادى. مەكتەپتەر مەن كىتاپحانالاردا مەرەكەلىك تانىمدىق شارالار وتكىزىلەدى.