قىزىلوردا. 15 ناۋرىز. قازاقپارات /جاڭاگۇل سەردالى/ - قىزىلوردا وبلىسىندا اقپاننىڭ 23-ءى مەن ناۋرىزدىڭ 24-ءى ارالىعىندا «ءبىزدىڭ ماقساتىمىز تۋبەركۋلەزدى توقتاتۋ!» اتتى ايلىق ءوتىپ جاتىر.

تۋبەركۋلەزدىڭ الدىن الۋ ايلىعىن ۇيىمداستىرۋدىڭ باستى ماقساتى -   پروفيلاكتيكالىق جۇمىستاردى كۇشەيتۋ ارقىلى حالىقتىڭ ساۋاتتىلىعىن كوتەرۋ بولىپ تابىلادى.

ددۇ مالىمەتى بويىنشا الەمدە تۋبەركۋلەزبەن جىل سايىن 9 ميلليون ادام تىركەلىپ، 2 ميلليونى اتالمىش اۋرۋدان كوز جۇمادى ەكەن. ەلىمىزدە  تۋبەركۋلەز اۋرۋىنا قارسى جان-جاقتى كۇرەس جۇمىستارى جۇرگىزىلگەنىمەن كۇرمەۋلى ماسەلەلەردىڭ ءبىرى بولىپ قالۋدا. حالقىمىزدىڭ تۋبەركۋلەز اۋرۋىنا  جاي تۇماۋمەن اۋىرعانداي  جايباراقات قاراپ، ەتى ۇيرەنىپ كەتكەندىگى جۇقپالى دەرتتىڭ ورشۋىنە نەگىزگى سەبەپ بولىپ وتىر. وسىعان وراي ەلىمىزدە تۋبەركۋلەز دەرتىنە قارسى كۇرەس جۇمىستارى دەنساۋلىق ساقتاۋ سالاسىن دامىتۋدىڭ  2011-2015 جىلدارعا ارنالعان «سالاۋاتتى قازاقستان»  مەملەكەتتىك باعدارلاماسىنىڭ ماڭىزدى باعىتتارىنىڭ ءبىرى رەتىندە قاراستىرىلعان.

قىزىلوردا. 15 ناۋرىز. قازاقپارات /جاڭاگۇل سەردالى/ - قىزىلوردا وبلىسىندا اقپاننىڭ 23-ءى مەن ناۋرىزدىڭ 24-ءى ارالىعىندا «ءبىزدىڭ ماقساتىمىز تۋبەركۋلەزدى توقتاتۋ!» اتتى ايلىق ءوتىپ جاتىر.

تۋبەركۋلەزدىڭ الدىن الۋ ايلىعىن ۇيىمداستىرۋدىڭ باستى ماقساتى -   پروفيلاكتيكالىق جۇمىستاردى كۇشەيتۋ ارقىلى حالىقتىڭ ساۋاتتىلىعىن كوتەرۋ بولىپ تابىلادى.

ددۇ مالىمەتى بويىنشا الەمدە تۋبەركۋلەزبەن جىل سايىن 9 ميلليون ادام تىركەلىپ، 2 ميلليونى اتالمىش اۋرۋدان كوز جۇمادى ەكەن. ەلىمىزدە  تۋبەركۋلەز اۋرۋىنا قارسى جان-جاقتى كۇرەس جۇمىستارى جۇرگىزىلگەنىمەن كۇرمەۋلى ماسەلەلەردىڭ ءبىرى بولىپ قالۋدا. حالقىمىزدىڭ تۋبەركۋلەز اۋرۋىنا  جاي تۇماۋمەن اۋىرعانداي  جايباراقات قاراپ، ەتى ۇيرەنىپ كەتكەندىگى جۇقپالى دەرتتىڭ ورشۋىنە نەگىزگى سەبەپ بولىپ وتىر. وسىعان وراي ەلىمىزدە تۋبەركۋلەز دەرتىنە قارسى كۇرەس جۇمىستارى دەنساۋلىق ساقتاۋ سالاسىن دامىتۋدىڭ  2011-2015 جىلدارعا ارنالعان «سالاۋاتتى قازاقستان»  مەملەكەتتىك باعدارلاماسىنىڭ ماڭىزدى باعىتتارىنىڭ ءبىرى رەتىندە قاراستىرىلعان.

وسى ماقساتتا ايلىق بارىسىندا حالىق كوپ جينالاتىن ورىنداردا، قالا مەكتەپتەرىندە، كوللەدج ستۋدەنتتەرى ارسىندا «ءبىز تۋبەركۋلەزدى بولدىرمايمىز!» تاقىرىپتارىندا اكتسيالار وتكىزىلۋدە. وسىنداي اكتسيانىڭ ءبىرى 15 ناۋرىز كۇنى ساعات 11-30 دا №136 مەكتەپتىڭ ءماجىلىس زالىندا وتەدى. اكتسيانىڭ ماقساتى - جاستاردىڭ وزدەرىن ءىس-شاراعا قاتىستىرا وتىرىپ، تۋبەركۋلەز جۇقپالى اۋرۋىنىڭ الدىن الۋعا بولاتىندىعىن ناسيحاتتاۋ. اكتسياعا وبلىستىق سالاۋاتتى ءومىر سالتىن قالىپتاستىرۋ ورتالىعىنىڭ،  وبلىستىق سانيتارلىق-ەپيدەميولوگيالىق قاداعالاۋ دەپارتامەنتىنىڭ، قالالىق تۋبەركۋلەزگە قارسى كۇرەس ديسپانسەرىنىڭ، وبلىستىق قىزىل اي قوعامىنىڭ ماماندارى قاتىسىپ، وقۋشىلارعا پروفيلاكتيكالىق ءتۇسىندىرۋ جۇمىستارىن جۇرگىزەدى.

اكتسيا بارىسىندا وقۋشىلار تۋبەركۋلەز اۋرۋىنىڭ قالاي جۇعاتىنىن، بەلگىلەرىن، تەگىن ەمدەلۋ شارالارى جۇرگىزىلەتىنىن، الدىن الۋعا، سالاۋاتتى ءومىردىڭ دەنساۋلىق كەپىلى بولاتىندىعىن  وزدەرى ازىرلەگەن كورىنىستەرى مەن قويىلىمدارى ارقىلى كوپشىلىككە  ۇعىندىرادى. سونداي-اق ماماندار كەڭەسىن تىڭداپ، سۇراقتارىنا جاۋاپ الادى.