تۇركىتىلدەس ەلدەرى ىنتىماقتاستىق كەڭەسى مۇشەلەرىنىڭ شەشىمىمەن قازاقستاندىق ديپلومات باعدات امرەەۆ وسى ۇيىمنىڭ باس حاتشىسى بولدى.

باعدات امرەەۆ 1959 جىلى وڭتۇستىك قازاقستان وبلىسىندا تۋعان. تاجىك مەملەكەتتىك ۋنيۆەرسيتەتىن "ارابتانۋشى-شىعىستانۋشى" ماماندىعى بويىنشا بىتىرگەن. 1980 جىلدان باستاپ تاياۋ شىعىس ەلدەرىندە ديپلوماتيالىق قىزمەتتەردە جۇمىس ىستەگەن. 1996 جىلى قازاقستاننىڭ ساۋد ارابياسىنداعى توتەنشە جانە وكىلەتتى ەلشىسى بولىپ تاعايىندالعان. 2008 جىلى جازدان باستاپ قازاقستاننىڭ تۇركياداعى ەلشىسى قىزمەتىن اتقاردى، سول جىلدىڭ قاراشاسىنان البانياداعى ەلشى قىزمەتىن قوسا اتقارۋشى بولدى. 2011 جىلدىڭ اقپانىندا قازاقستاننىڭ يرانداعى توتەنشە جانە وكىلەتتى ەلشىسى بولىپ تاعايىندالعان.

تۇركىتىلدەس ەلدەرى ىنتىماقتاستىق كەڭەسى - ازەربايجان، قازاقستان، قىرعىزستان جانە تۇركيانى بىرىكتىرەتىن حالىقارالىق ۇيىم. ول اتالعان ەلدەر اراسىنداعى ىنتىماقتاستىقتى جان-جاقتى دامىتۋ ماقساتىندا قۇرىلعان.

Abai.kz