استانا. 16 ناۋرىز. قازاقپارات /گۇلميرا الياكپاروۆا/ - استانا قالاسىندا كوكتەمگى سۋ تاسقىندارىنىڭ الدىن الۋ ماقساتىنداعى جۇمىستار باستالدى. بۇل تۋرالى اكىمشىلىكتەن حابارلادى.

استانا اكىمدىگى جانىندا قالانىڭ ءار اۋدانىندا تاسقىن سۋدى جىبەرۋدى ۇيىمداستىرۋ جونىندەگى ۆەدومستۆوارالىق كوميسسيالار قۇرىلدى، ءىس-شارالار جوسپارى بەكىتىلىپ، ولاردى جۇزەگە اسىرۋعا قالانىڭ بارلىق كوممۋنالدىق قىزمەتتەرى جۇمىلدىرىلدى.

بۇگىنگى كۇنى قالا اۋماعىن قاردان تازارتۋ جانە ارنالاردى اشۋ جۇمىستارىنىڭ باسىم دەنىمەن استاناداعى ەڭ ءىرى كوممۋنالدىق كاسىپورىن «استانا تازالىق» جشس اينالىسۋدا. وسى كۇنگە دەيىن كاسىپورىن قالا اۋماعىنان 1 307 012 تەكشە مەتر قار شىعارىپ ۇلگەردى.

«بۇل جامان كورسەتكىش ەمەس. مىسالعا، 2009 جىلى ماۋسىم بويى 1 200 000 تەكشە مەتر، ال 2010 جىلى 1 700 000 تەكشە مەتر قار شىعارىلعان بولاتىن. بيىلعى قىستا قار كولەمى وتكەن جىلعىمەن شامالاس بولۋى ءتيىس دەپ كۇتىلۋدە»، - دەدى «استانا تازالىق» جشس-نىڭ ديرەكتورى ەرمەك وسپانوۆ.

استانا. 16 ناۋرىز. قازاقپارات /گۇلميرا الياكپاروۆا/ - استانا قالاسىندا كوكتەمگى سۋ تاسقىندارىنىڭ الدىن الۋ ماقساتىنداعى جۇمىستار باستالدى. بۇل تۋرالى اكىمشىلىكتەن حابارلادى.

استانا اكىمدىگى جانىندا قالانىڭ ءار اۋدانىندا تاسقىن سۋدى جىبەرۋدى ۇيىمداستىرۋ جونىندەگى ۆەدومستۆوارالىق كوميسسيالار قۇرىلدى، ءىس-شارالار جوسپارى بەكىتىلىپ، ولاردى جۇزەگە اسىرۋعا قالانىڭ بارلىق كوممۋنالدىق قىزمەتتەرى جۇمىلدىرىلدى.

بۇگىنگى كۇنى قالا اۋماعىن قاردان تازارتۋ جانە ارنالاردى اشۋ جۇمىستارىنىڭ باسىم دەنىمەن استاناداعى ەڭ ءىرى كوممۋنالدىق كاسىپورىن «استانا تازالىق» جشس اينالىسۋدا. وسى كۇنگە دەيىن كاسىپورىن قالا اۋماعىنان 1 307 012 تەكشە مەتر قار شىعارىپ ۇلگەردى.

«بۇل جامان كورسەتكىش ەمەس. مىسالعا، 2009 جىلى ماۋسىم بويى 1 200 000 تەكشە مەتر، ال 2010 جىلى 1 700 000 تەكشە مەتر قار شىعارىلعان بولاتىن. بيىلعى قىستا قار كولەمى وتكەن جىلعىمەن شامالاس بولۋى ءتيىس دەپ كۇتىلۋدە»، - دەدى «استانا تازالىق» جشس-نىڭ ديرەكتورى ەرمەك وسپانوۆ.

ە.وسپانوۆتىڭ سوزىنە قاراعاندا، قىس بويى كاسىپورىننىڭ تەحنيكالارى تاۋلىك بويى جۇمىس ىستەدى، بالانستاعى 317 تەحنيكا تولىق كولەمدە جۇمىسقا تارتىلىپ وتىردى. سونىمەن قاتار، بيىل كومپانيا تۇرعىن ۇيلەردىڭ اۋلالارىنا كىرۋ ەسەبىنەن جىل سايىن تازالايتىن اۋماقتى ۇلعايتۋدى جوسپارلاپ وتىر (ەگەر اۋماققا تەحنيكانىڭ كىرۋ مۇمكىندىگى بولعان جاعدايدا). سونداي-اق، جشس سۋ تاسقىنىنا قارسى كوميسسيا قۇرىپ، ءوز بريگاداسى ىشىندە تاۋلىك بويعى كۇزەتتى ۇيىمداستىردى، توتەنشە جاعدايلار ورىن العان جاعدايدا حابارلاۋ سحەماسىن دايىندادى.

كاسىپورىن قالا اۋماعىنان قاردى جيناپ، تىسقا شىعارۋمەن بىرگە، سۋ بۇرعىش ارنالار مەن ناۋالاردى تازالاۋ جۇمىستارىن جۇرگىزۋدە. 15 ناۋرىزداعى جاعداي بويىنشا وسىنداي 32 423 مەتر جۇيە تازارتىلدى. جالپى ۇزىندىعى 160 مەتر سۋ بۇرعىش قۇبىرى بۋلاندىرۋدان ءوتتى، كوشەلەردەگى جاڭبىر سۋىن قابىلدايتىن 660 جەر استى ارنالارى اشىلدى. بۇگىنگى تاڭدا بارلىق ءۇش تازالاۋ قۇرىلعىسى مەن 18 سورعى ستانساسى تەكسەرىلدى. ولاردىڭ بارلىعى جۇمىس قالپىندا. وتكەن جىلدارداعى تاسقىن مەن پروبلەمالار ەسكەرىلىپ، سۋ باسقان جەرلەرگە توسەلۋ ءۇشىن 7 000 تەكشە مەتر قيىرشىق تاس پەن قۇم سالىنعان قاپتار الدىن الا دايىندالدى.

قالا اكىمدىگى ءوزىنىڭ رەسمي سايتىندا كوكتەم سايىن ءۇيىن سۋ باسۋ پروبلەماسىنا تاپ بولاتىن ازاماتتار ءۇشىن حابارلاسۋعا بولاتىن بايلانىس تەلەفوندارىن ورناتىپ قويدى.