كەشەاستانا قالاسىندا «قازاقكونتسەرت» مكۇ-دا قازاقستان حالقى تىلدەرى كۇنىنە ارنالعان سالتاناتتى ءىس-شارا ءوتتى.

وعان قازاقستان رەسپۋبليكاسى پارلامەنتى دەپۋتاتتارى، قازاقستان حالقى اسسامبلەياسىنىڭ كورنەكتى قوعام قايراتكەرلەرى، شىعارماشىلىق جانە زيالى قاۋىم، بۇقارالىق اقپارات قۇرالدارى وكىلدەرى، جوعارى وقۋ ورىندارىنىڭ ستۋدەنتتەرى قاتىستى.

مەرەكەلىك شارادا قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەديۇلى قۇتتىقتاۋ ءسوز سويلەدى.

سالتاناتتى مەرەكەلىك ءىس-شارا اياسىندا قازاقستان رەسپۋبليكاسى مادەنيەت جانە سپورت مينيسترلىگى جانە «قازاقستان» رترك-نىڭ ۇيىمداستىرۋىمەن وتكىزىلگەن رەسپۋبليكالىق اقىندار بايقاۋى قاتىسۋشىلارىنىڭ «ەلباسى جانە ەلوردا» ولەڭدەر جيناعىنىڭ  تۇساۋكەسەرى بولىپ ءوتتى. بۇل جوبا تالانتتى قازاق جاستارىن قولداۋعا  باعىتتالدى.

مەرەكەگە وراي ارىستانبەك مۇحامەديۇلى قازاقستان رەسپۋبليكاسى  مادەنيەت جانە سپورت مينيسترلىگىنىڭ قۇرمەت گراموتالارىن قاۋىمداستىقتاردىڭ كورنەكتى وكىلدەرى، سونداي-اق جەتەكشى ساراپشىلارىنا جانە سالا ماماندارىنا تابىستادى.

Abai.kz