بايقاۋ 1-قىركۇيەكتەن 20-قازان ارالىعىندا جۇرگىزىلەدى.

«مەنىڭ قاسيەتتى قازاقستانىم!» اتتى رەسپۋبليكالىق شىعارماشىلىق بايقاۋىنىڭ ەرەجەلەرى

1. جالپى ەرەجە

1.1. بۇل ەرەجەلەردە بايقاۋدىڭ ماقساتى، وزىنە ارتقان جاۋاپكەرشىلىگى، ۇيىمداستىرىلىۋ دەڭگەيى مەن شارتتارى ايتىلادى. سونداي-اق، قاتىسۋشىلارعا قانداي تالاپ قويىلاتىنى دا تولىققاندى تارقاتىلادى.

1.2.  قر بعم بالالار قۇقىعىن قورعاۋ كوميتەتىنىڭ قولداۋىمەن وتكىزىلگەلى وتىرعان كونكۋرستىڭ نەگىزگى ۇيىمداستىرۋشىسى – Ruh.kz اقپاراتتىق پورتالى.

2. بايقاۋدىڭ ماقساتى مەن تالاپتارى

2.1. ەلىمىزدىڭ جاس بۋىنىنىڭ شىعارماشىلىق قابىلەتىن ۇشتاۋ، وتباسى دارەجەسىن كوتەرۋ، ۇستازداردىڭ دەڭگەيىن ارتتىرۋ، «رۋحاني جاڭعىرۋ» كەزەڭىندە جاستاردىڭ بەلسەندىلىگىن، باسەكەگە قابىلەتتىلىگىن ارتتىرۋ.

2.2. شىعارماشىلىققا بەيىم جاستاردىڭ باعىن اشىپ، جاس جازبالاردىڭ ەل نازارىنا ۇسىنىلۋىنا قولداۋ ءبىلدىرۋ جانە جاس بۋىن اراسىندا شىعارماشىلىق باسەكەلەستىك تۋدىرۋ.

3. بايقاۋ قاتىسۋشىلارى

3.1. «مەنىڭ قاسيەتتى قازاقستانىم!» اتتى ەسسە بايقاۋىنا جاز ايلارىندا وتكىزىلگەن «مەنىڭ قاسيەتتى قازاقستانىم!» اتتى رەسپۋبليكالىق ولكەتانۋ اكتسياسىنا قاتىسقان مەكتەپ وقۋشىلارى جانە ۇستازدار قاتىسا الادى.

4. بايقاۋ ۋاقىتى

4.1. بايقاۋ 2018 جىلدىڭ 1-قىركۇيەكتەن 20-قازانعا دەيىن جالعاسادى.

4.2. 2018 جىلدىڭ 20-قازانى كۇنى ساعات 18:00-دەن كەيىن كەلىپ تۇسكەن شىعارماشىلىق جۇمىستار قابىلدانبايدى.

5. شىعارماشىلىق جۇمىستارعا تالاپ

5.1. ولكەتانۋ اكتسياسىنان العان اسەرلەرىن شىنايى بولىسكەن مازمۇنداعى اتىندەر بولۋى ءتيىس.

5.2. ماتىن ەلىمىزدىڭ قاسيەتتى جەرلەرىنىڭ كەرمەتى تۋرالى، وقۋشىلاردىڭ ولارعا جاساعان ساياحاتى بارىسىندا الىنعان اسەر تۋرالى بولماق كەرەك.

5.3. ەسسەمەن قوسا اۆتور تۇسىرگەن قاسيەتتى جەرلەردىڭ 1-2 فوتوسى جانە اۆتوردىڭ كەز-كەلگەن فورماتتاعى ءوز سۋرەتى تالاپ ەتىلەدى.

6. جۇمىستىڭ بەزەندىرىلۋ تالاپتارى

6.1. جۇمىس Word بەتتەرىندە جازىلىپ، Times New Roman 14 قارپىمەن جازىلىپ، بىركەلكى ينتەرۆالعا ءتۇسىرىلۋى ءتيىس. ءماتىن بەتكە تۇسىرىلگەننەن كەيىن سول جاعىنان 3 سم، وڭ جاعىنان، جوعارىدان، تومەننەن 15 سم-دان قالدىرىلۋى قاجەت. سونداي-اق، ءماتىن 2 بەتتەن اسپاۋ كەرەك.

6.2. جۇمىستار كەلەسى تالاپتارعا ساي بولۋى ءتيىس:

- ءماتىن مازمۇنى بايقاۋ شارتتارىنا سايكەس بولۋى;

- بەينەلەۋ مانەرى;

- جۇمىستىڭ شىنايىلىعى جانە كوركەمدىك مانەرى;

- اۆتوردىڭ قىراعىلىعى;

- قىزىق يدەيالار مەن جارقىنبەينەلەردىڭ بولۋى;

- اۆتوردىڭ ساۋاتتىلىعى;

- بەزەندىرۋ شەبەرلىگى;

- تەك قانا تالاپتارعا سايكەس جۇمىستار قابىلدانادى;

- بايقاۋعا جىبەرىلگەن ماتەريالدار بۇرىن-سوڭدى ەش جەردە جاريالانباعان بولۋى ءتيىس;

- بوگدە ماتەريالدار مەن عالامتوردان الىنعان ماتىندەردى قولدانۋعا تىيىم سالىنادى;

- فوتولار JPG, JPEG فورماتىندا، كولەمى 640-720 مم-دان ۇلكەن بولماۋى ءتيىس.

7. بايقاۋ جەڭىمپازدارىن ماراپاتتاۋ

7.1. بارلىق قاتىسۋشىلار Ruh.kz پورتالىنان جانە ءبىلىم جانە عىلىم مينيسترلىگىنەن ارنايى سەرتيفيكاتتار الادى.

7.2. بايقاۋ جەڭىمپازىنا سىيلىقتار مەن اتى جازىلعان ديپلومدار، العىس حاتتار نەمەسە قاتىسقانى ءۇشىن العىس بىلدىرەتىن حاتتار پوشتا ارقىلى جىبەرىلەدى.

7.3. ۇزدىك شىعارمالار Ruh.kz پورتالىنا جاريالانادى.

7.4. جەڭىمپازدار تومەندەگىدەي قۇندى سىيلىقتارمەن ماراپاتتالادى:

1-ورىن: نوۋتبۋك Lenovo IdeaPad 120s

2-ورىن: سمارتفون Xiaomi Redmi Note 5 4/64 Gb

3-ورىن: سمارت-چاسى Xiaomi Amazfit Pace

بۇدان بولەك، بارلىق قاتىسۋشىلاردىڭ بايقاۋدى قولداعان جۇلدىزدى تۇلعالارمەن فوتو-ۆيدەوعا تۇسۋگە، قولتاڭبا الۋعا مۇمكىندىگى بار.

8. بايقاۋعا قاتىسۋ شارتتارى

8.1. بايقاۋعا قاتىسۋ ءۇشىن ارنايى ۇسىنىستى تولتىرۋ قاجەت.

8.2. جۇمىستىڭ مازمۇنى ارنايى تالاپتارعا ساي بولۋى ءتيىس.

8.3. جۇمىستى بەزەندىرۋ بىرىڭعايلاندىرىلعان بايقاۋ شارتتارىنا سايكەس بولۋى ءتيىس.

8.4. بايقاۋ جۇمىستارى ەلەكتروندى تۇردە شارتتاردا كورسەتىلگەن تالاپتارعا سايكەس فايلدا، اۆتورى كورسەتىلگەن بولۋى قاجەت.

8.5. بايقاۋ جۇمىسىمەن قاتار جىبەرىلگەن فوتو\ۆيدەو ماتەريالداردىڭ ساپاسى جاقسى بولۋى قاداعالانىلۋى ءتيىس.

8.6. كونكۋرسقا قاتىسۋ ءۇشىن ارنايى ۇسىنىستى مەجەلەنگەن ۋاقىت ارالىعىندا وتكىزىلۋى قاجەت.

Abai.kz