ەلىمىزدە 5 تىلدە اقپارات تاراتاتىن، ۇلتتىق دەگەن دارداي اتاعى بار جالعىز اقپارات اگەنتتىگى - قازاقپارات. الايدا، سوڭعى ۋاقىتتا وسى پىلدەي اگەنتتىك تىلدەي اگەنتتىكتىڭ كۇيىن كەشىپ وتىر. قىزمەتكەرلەر جاڭا جىلدان بەرى جارتىمدى جالاقى الماپتى. زەينەتاقى قورىنا بىلتىرعى جىلدىڭ ءساۋىر ايىنان باستاپ قىزمەتكەرلەردىڭ اقشاسى اۋدارىلماعان. «سوڭعى ەكى ايدان بەرى ايلىق المادىق. جالپى سوڭعى ەكى جىلدا اگەنتتىكتىڭ كۇيى كەتتى. جالاقىمىز ءار ايدىڭ 10-نا دەيىن ءتۇسۋى كەرەك بولاتىن، الايدا اي سايىن كەشىكتىرىپ بەرەدى. قازىر نەسيەمىزدى تولەي المايمىز، بانكتەن كۇندە قوقان-لوققى ەستۋمەن كۇنىمىز وتۋدە. بىلتىردان بەرى زەينەتاقى قورىنا اقشا اۋدارىلماعان سوڭ بانكتەر نەسيە بەرۋدەن دە باس تارتادى. ۇيىمىزدەگى جارىق پەن تەلەفونىمىزدى قيىپ تاستادى.

ونى ايتاسىڭ، جارىق پەن جولاقىعا اقشا تاپپايتىن كۇيگە جەتتىك. مۇشكىل ءحالىمىزدى ايتىپ  اگەنتتىكتىڭ ديرەكتورلار كەڭەسىنىڭ توراعاسى داۋرەن دياروۆقا حات جازدىق، الايدا ءۇن جوق. استانادا وتىرعان باسشىلىق الماتىداعى بولىمشەسى بارىن ۇمىتىپ كەتكەن سياقتى. نە تۇرلەرىن كورمەيمىز، نە ۇندەرىن ەستىمەيمىز. استانادا اگەنتتىكتىڭ باسشىسى بار دەپ ەستيمىز، الايدا دياروۆتى الماتىداعى ءتىلشىنىڭ ءبىرى دە كورمەپتى باسشى بولعالى. قازاقپاراتتان قايىر بولماعان سوڭ ءبارىمىز باسقا باق-تارعا جالدانىپ جۇمىس ىستەۋگە ءماجبۇرمىز، الايدا از قالاماقى نەگە جەتسىن.

ەلىمىزدە 5 تىلدە اقپارات تاراتاتىن، ۇلتتىق دەگەن دارداي اتاعى بار جالعىز اقپارات اگەنتتىگى - قازاقپارات. الايدا، سوڭعى ۋاقىتتا وسى پىلدەي اگەنتتىك تىلدەي اگەنتتىكتىڭ كۇيىن كەشىپ وتىر. قىزمەتكەرلەر جاڭا جىلدان بەرى جارتىمدى جالاقى الماپتى. زەينەتاقى قورىنا بىلتىرعى جىلدىڭ ءساۋىر ايىنان باستاپ قىزمەتكەرلەردىڭ اقشاسى اۋدارىلماعان. «سوڭعى ەكى ايدان بەرى ايلىق المادىق. جالپى سوڭعى ەكى جىلدا اگەنتتىكتىڭ كۇيى كەتتى. جالاقىمىز ءار ايدىڭ 10-نا دەيىن ءتۇسۋى كەرەك بولاتىن، الايدا اي سايىن كەشىكتىرىپ بەرەدى. قازىر نەسيەمىزدى تولەي المايمىز، بانكتەن كۇندە قوقان-لوققى ەستۋمەن كۇنىمىز وتۋدە. بىلتىردان بەرى زەينەتاقى قورىنا اقشا اۋدارىلماعان سوڭ بانكتەر نەسيە بەرۋدەن دە باس تارتادى. ۇيىمىزدەگى جارىق پەن تەلەفونىمىزدى قيىپ تاستادى.

ونى ايتاسىڭ، جارىق پەن جولاقىعا اقشا تاپپايتىن كۇيگە جەتتىك. مۇشكىل ءحالىمىزدى ايتىپ  اگەنتتىكتىڭ ديرەكتورلار كەڭەسىنىڭ توراعاسى داۋرەن دياروۆقا حات جازدىق، الايدا ءۇن جوق. استانادا وتىرعان باسشىلىق الماتىداعى بولىمشەسى بارىن ۇمىتىپ كەتكەن سياقتى. نە تۇرلەرىن كورمەيمىز، نە ۇندەرىن ەستىمەيمىز. استانادا اگەنتتىكتىڭ باسشىسى بار دەپ ەستيمىز، الايدا دياروۆتى الماتىداعى ءتىلشىنىڭ ءبىرى دە كورمەپتى باسشى بولعالى. قازاقپاراتتان قايىر بولماعان سوڭ ءبارىمىز باسقا باق-تارعا جالدانىپ جۇمىس ىستەۋگە ءماجبۇرمىز، الايدا از قالاماقى نەگە جەتسىن.

اگەنتتىك تىلشىلەرىنە جاعداي جاسالماعان. الەۋمەتتىك قامسىزداندىرۋ، ماتەريالدىق كومەك، الەۋمەتتىك پاكەت دەگەننىڭ ءبىرى دە جوق. بۇرىن اۆانس بەرىلەتىن. الايدا بىلتىردان بەرى باسشىلىق ونى دا الىپ تاستادى. ءبىزدىڭ تۇسىنبەيتىنىمىز اگەنتتىك 100 پايىز مەملەكەتتىك، الايدا باسقا مەملەكەتتىك باق-تار سياقتى جاعداي جاسالماعان. ءبىزدىڭ ءحالىمىز «ەگەمەن قازاقستان»، «كازپراۆدا»، «حابار»، «قازاقستان» ترك-داعى جاعدايمەن سالىستىرۋعا كەلمەيدى. الاتىن جالاقىمىز تيىن-تەبەن عانا. اعا ءتىلشى 46 مىڭ، قاراپايىم ءتىلشى 30 مىڭ تەڭگە الادى، ۇستىنە از-ماز قالاماقى قوسادى. بىراق ونىڭ ءوزى ەكى ايدان بەرى جوق. قيىن جاعدايدا حابارلاسىپ، ءجون سۇرايتىن كاسىپوداق دەگەن ۇيىم ول دا جوق. ءبىر قۇجاتتى الدىرۋ ءۇشىن استانادان 6 اي كۇتەمىز.

ءبىز بۇعان توزبەيمىز. ەگەر باسشىلىق ءۇن قاتپاسا، جاعدايدىڭ نەگە بۇلاي بولعانىن اشىپ ايتپاسا، جاقىندا پرەزيدەنتتىڭ، پرەمەر-ءمينيستردىڭ، پارلامەنتتىڭ اتىنا حات جازامىز، قر باس پروكۋراتۋراسىنان، قارجى پوليتسياسىنان اگەنتتىكتەگى جاعدايدى تەكسەرۋدى سۇرايمىز. ءباسپاسوز ءماسليحاتىن وتكىزىپ، باسشىلىقتىڭ اۋىسىپ، جاعدايدىڭ جاسالۋىن تالاپ ەتەمىز. وسىنىڭ كەسىرىنەن سوڭعى ايدا ءۇش ادام جۇمىستان كەتتى. جاقىندا تاعى بىرنەشەۋى كەتۋگە دايىن. وسى ۋاقىتقا دەيىن شىداپ، ءوز مىندەتىمىزدى ادال اتقارىپ كەلدىك. الايدا شىدامنىڭ دا شەگى بار. باسشىلىقتان ءوز مىندەتتەرىن ورىنداۋدى سۇرايمىز. ەگەر مىندەتتەرىن ورىنداي الماسا، ورىندارىن جۇمىس اتقارا الاتىن مىقتى مەنەدجەرلەرگە بوساتسىن! حالىقتى ۇلارداي شۋلاتىپ قويۋعا بولمايدى عوي. بۇل بيىل عانا بولسا ءبىرسارى، 2 جىلدان بەرى جالعاسىپ كەلەدى»،- دەيدى اگەنتتىكتىڭ الماتىداعى تىلشىلەرى.

ەستەرىڭىزگە سالا كەتەيىك، بىلتىر دا «قازاقپارات» قىزمەتكەرلەرى جالاقى الماي، كوتەرىلىسكە شىعىپ، ءبىر شۋ بولىپ باسىلعان ەدى. بيىل دا وسى جاعداي قايتالاناتىن سياقتى.

www.masa.kz ينتەرنەت گازەتى