"باسپانا" يپوتەكالىق كومپانياسىنىڭ باسشىسى قايرات التىنبەكوۆ "7-20-25" تۇرعىن ءۇي باعدارلاماسىنىڭ بولاشاق قاتىسۋشىلارىنا بەس كەڭەس بەردى.

ۇيىمداعىلار "7-20-25" بويىنشا قازاقستاندىقتاردى تولعاندىراتىن سۇراقتارعا قاتىستى اۋقىمدى اقپارات جيناقتاپ، يپوتەكالىق باعدارلاما توڭىرەگىندەگى ستەرەوتيپتەردىڭ باسىن اشىپ ايتتى.

1. ەشقاشان توقتاماڭىز

سونىمەن، ءسىز "7-20-25" باعدارلاماسى بويىنشا باسپانا الامىن دەپ شەشتىڭىز. قۇتتىقتايمىن، ءسىز جولدىڭ جارتىسىنا كەلدىڭىز. ەڭ قيىنى ءارى ماڭىزدىسى - شەشىم قابىلداۋ. ەگەر ءسىز جولدىڭ جارتىسىن ءجۇرىپ تاستاساڭىز، كەرى قايتۋدىڭ كەرەگى نە؟ تەك العا باسىڭىز. پاتەردى تابىڭىز، سالۋشىلارمەن سەنىمدى كەلىسسوزدەر جۇرگىزىپ، تاباندىلىق تانىتىڭىز، بانككە قاجەتتى بارلىق قۇجاتتى تەزىرەك جيناۋعا تىرىسىڭىز. كۇتەتىنىڭىز ءۇشىن قورىقپاڭىز. ءسىز بانكتىڭ شەشىمىن نەمەسە سالۋشىمەن ساتۋ-ساتىپ الۋ كەلىسىمشارتىنىڭ قول قويىلۋىن، قۇرىلىسشىلار ءبىر نارسەنى تولىق اياقتاماي، سىزگە پاتەردىڭ كىلتىن بەرۋدى كۇتىپ ءجۇرسىز بە، جوق پا - ماڭىزدى ەمەس، باسپانا ماسەلەسىندە شەشىمدى كۇتۋ ەڭ باستىسى.

2. يپوتەكاعا سالماقتى كوزقاراس تانىتىڭىز

يپوتەكا - قارىز. ول سىيلىق تا، كومەك تە ەمەس. سوندىقتان، قارىز الۋ تۋرالى كەلىسىمشارتقا قول قويماي تۇرىپ، بارلىعىن تارازىعا سالۋ كەرەك. ءسىز اي سايىنعى تولەمدى تولەي الاسىز با؟ باعدارلاماعا قاتىسۋ ءۇشىن جەتكىلىكتى تابىس كەرەك. ءوزىڭىز دە بايقاعان بولارسىز، بانكتەر ءاربىر ءوتىنىش بەرۋشىنىڭ تولەمقابىلەتتىلىگىن قاتاڭ تەكسەرەدى. سەبەبى "7-20-25" باعدارلاماسىندا بارلىق قارجىلىق قاتەر مەملەكەتكە ەمەس، بانكتەردىڭ وزىنە كەلەدى. بۇل باعدارلاماعا كىرەر كەزدە بانكتەر نەسيە بويىنشا شەشىمدەردى وزدەرى قابىلدايمىز دەگەن تالاپپەن كەلدى. سوندىقتان، قاتەرگە باستارىن وزدەرى تىگەدى، مەملەكەت ەمەس.

ەگەر ءسىز جەكە كاسىپكەر بولساڭىز شە؟ "7-20-25" باعدارلاماسىنىڭ ەرەجەسى بويىنشا، وعان جەكە كاسىپكەرلەر دە قاتىسا الادى. بىراق بانكتەر ولاردىڭ قارجىلىق جاعدايىن ميكروسكوپتىڭ استىندا تەكسەرگەندەي تەكسەرەدى. ەگەر جەكە كاسىپكەردىڭ تابىسى جاقسى بولسا نەسيە بەرىلەدى. سونىمەن قاتار، بارلىق بانكتىڭ جەكە كاسىپكەرلەرگە نەسيە بەرە بەرمەيتىنىن ەستە ساقتاۋ كەرەك.

3.  "7-20-25" باعدارلاماسىنا قاتىستى بارلىق اقپاراتتى تەكسەرىڭىز

"7-20-25" حالىق اراسىندا كەڭىنەن تانىمال، باق-تا، الەۋمەتتىك جەلىدە. ول تۋرالى ايتادى، تالقىلايدى، ماقتايدى، سىنايدى. وعان قىزىقپايتىن ادام جوق. ارينە، نارىق تا وعان تەز بەت بۇردى. "7-20-25" ارقاسىندا ءۇي سالۋشىلار، تۇرعىن ءۇي كووپەراتيۆتەرى، ميكروقارجى مەكەمەلەرى، ءتىپتى جەكە تۇلعالار ءوز كوممەرتسيالىق مۇددەلەرىن ۇسىنىپ جاتىر. اقپاراتتى ءاردايىم تەكسەرىڭىز. "7-20-25" يپوتەكاسىن بەرمەيتىندەر: قۇرىلىس كومپانيالارى، تۇرعىن ءۇي كووپەراتيۆتەرى، ميكروقارجى مەكەمەلەرى مەن جەكە تۇلعالار. بانك-سەرىكتەستەر عانا بەرەدى. سىزدە 7 پايىز ءبىر جىلدىق مولشەرلەمەدەن باسقا ارتىق تولەم بولماۋى ءتيىس، ول نەگىزگى قارىزدىڭ قالدىعى رەتىندە ەسەپتەلەدى. اي سايىنعى تولەمدى كەستەڭىز بويىنشا سالىستىرىپ وتىرىڭىز.

4. ءۇيدى سالعاندارمەن ساۋدالاسۋعا ۇيالماڭىز

كوپ جاعدايدا ءۇي سالۋشىلار باسپانا قۇنىن نارىقتىق باعادان جوعارى باعالايدى دەپ كۇتەدى. بانكتەر نەسيەلەۋ كەزىندە تاۋەلسىز باعالاۋشىنىڭ قويعان باعاسىنا توقتالادى. مىسالى، ءۇيدى سالعاندار پاتەردى 15 ميلليون تەڭگەگە باعالاسا، باعالاۋشى - 12 ميلليون تەڭگەگە، بانكتەر سىزگە 9,6 ميلليون تەڭگەگە نەسيە بەرۋگە دايىن بولادى. 2,4 ميلليون تەڭگە - 12 ميلليون تەڭگەدەن 20 پايىز باستاپقى جارناڭىز. قالعان 3 ميلليون تەڭگەنى قايتەمىز؟ ونداي كەزدە ءۇي سالۋشىمەن ساۋدالاسۋ كەرەك نەمەسە جەتكىلىكسىز سومانى قالتاڭىزدان تولەيسىز، بولماسا باسقا باسپانا ىزدەيسىز.

5. يپوتەكانى بارلىق 25 جىلعا الۋعا مىندەتتى ەمەسسىز

ازاماتتارىمىزدىڭ كوپشىلىگى "7-20-25" بويىنشا يپوتەكالىق نەسيە 25 جىلعا بەرىلەدى دەپ ويلايدى. ولاي ەمەس. 25 جىل - نەسيەنىڭ ەڭ شەكتى مەرزىمى. ءسىز يپوتەكانى 1 جىلعا، 5 جىلعا، 10 جىلعا جانە باسقا ءبىر مەرزىمگە الا الاسىز. مەرىزىمىن ءوزىڭىز تاڭدايسىز.

الدىن الا تولەپ تاستاۋ نەمەسە ءىشىنارا تولەۋدى دە ءوزىڭىز شەشەسىز. ءسىز كەز كەلگەن ۋاقىتتا نەسيەنى جابا الاسىز، نەگىزگى قارىزدى ءىشىنارا تولەپ جابۋعا دا بولادى. مۇنىڭ بارلىعى ايىپپۇل سانكتسيالارىنسىز جانە ارتىق تولەمسىز جاسالادى. پايىزدار نەسيەنىڭ ءجۇرىپ جاتقان ۋاقىتى ءۇشىن عانا ەسەپتەلەدى. مىسالى، ءسىز 12 ميلليون تەڭگەگە پاتەردى 25 جىلعا الدىڭىز. ءسىزدىڭ اي سايىنعى تولەمىڭىز - 68 مىڭ تەڭگە. ەگەر ءسىز 25 جىل بويى تولەيتىن بولساڭىز، ارتىق تولەم 10,7 ميللين تەڭگە بولادى. بىراق ءسىز 3 جىلدان كەيىن نەسيەنى ۋاقىتىنان بۇرىن جابامىن دەپ شەشتىڭىز. وندا ءسىزدىڭ ارتىق تولەمىڭىز 1,9 ميلليون تەڭگە بولادى. ءسىز قالعان 22 جىلدىڭ پايىزىن تولەمەيسىز.

دەرەككوزى: tengrinews.kz

Abai.kz